Jerimaia 2:36 - Edo Bible (E Baibol Ẹdo) Version 1996

³⁶ Wa ye egbe uwa khian ekẹkẹ ẹbo vbekpa ne uwa na gha rrie ọghe ẹbọ ẹrrẹe. Igipt gha hiẹ uwa zẹ vbene Asiria vbe hiẹẹ uwa.

Jerimaia 2:36 ပူးပေါင်းရင်းမြစ်များ

II Krọnikol 28:16

Ivbi Idọm keghi dọlegbe gha mu okuọ ye Juda, iran kevbe khọn munọ oghunmwu ni bun, ẹre Ehaz ne ọba na ya nọ iyobọ vbe obọ Tiglat Pailesa ne Ọgbaisi Asiria.

Aizaia 20:5

Iran ni mu ẹtin yan e Sudan, iran na vbe gha ya Igipt rhuọ, aro gha ru iran gboo, idaehọ iran ghi wu ye ihoi.

Jerimaia 2:18

De ere ne ọ rre uwa ẹre yi vbe uwa a dọlegbe gha rrie Igipt, ne uwa ya wọn amẹ Naẹl? De emwi ne uwa yayi ighe wa gha miẹn vbọ, vbe uwa a dọlegbe gha rrie Asiria, ne uwa ya wọn amẹ Yufretes?

Jerimaia 2:23

Vbe uwa ghi ra tae hẹ yi ighe wa ma ru awua, wẹ, wa ma he gho e Baal ẹdẹ. Wa ghe vbene uwa ru orukhọ hẹ vbe uwu iya, wa ghe emwi ne uwa he ru, te uwa ye vbe ede amwẹ vbe ẹghẹ owowo, wa gha rhulẹ yo rhulẹ rre vbe ne a ma na gbe odẹ,

Jerimaia 2:33

“Wa rẹn vbene a rhikhan lele ikhuo ne uwa zẹ ọre ọse hẹ. Okhuo ne ọ ghi rhia sẹẹ, te ọ gha miẹn emwi ruẹ vbe obọ uwa.

Jerimaia 22:20

Ivbi e Jerusalẹm, wa gha rrie Lebanọn ya go, wa gha rrie Basian ya viẹ wa ke oke Moab da tie emwa rhunmwuda, obọ ke okhunmwu ne iran ni deba ruẹ hia nẹ.

Jerimaia 22:22

Ẹhoho gha hoho avbe ọkaolotu ruẹ gha rrie, a gha munọ iran ni deba ruẹ zẹvbe oghunmwu okuo. A gha fa ẹvbo ruẹ, ekhue gha mu ẹẹn rhunmwuda emwi dan hia ne u ru.

Jerimaia 31:22

Inu ẹghẹ wa gha biro eveva la, wa ne emwa ne ẹ i mwẹ iyayi? I yii emwi ọgbọn kevbe ne ọ lughaẹn nẹ ọ wa lughaẹn sẹẹ okhuo ne ọ degue okpia.”

Jerimaia 37:7

Ne I ya tama e Zedekaia wẹẹ, “Ivbiyokuo Igipt wa dee nian ne iran do yuọ obọ, sokpan, iran gha werriegbe.

Jerimaia 46:12

Agbọn ẹvbo họn efa ne ọ rruan uwa nẹ, agbọn hia họẹn vbe uwa viẹ. Ovbiyokuo ọkpa ghi ya owẹ rri ọvbehe gberra iran eveva ghi dele gbe otọ.

Eve Orriara 4:17

Ma rhie aro ye odẹ rhinrin egbe ẹre te wọ mwa ighe iyobọ nẹ a khẹ ne ẹ i dee. Ma na gha khẹ iyohọ vbe obọ uhunmwu ẹvbo, ne ẹ i mwẹ iyobọ okpa ne ọ gha sẹtin ru.

Eve Orriara 5:6

Igipt kevbe Asiria ọ re ima na ya gha vbu evbare, ne a miẹn ya da orhiọn yi.

Ezikiẹl 16:28

Rhunmwuda ighe ẹko iran nekpa ma vuọn ọn, u keghi vbe kpe lele ivbi Asiria. U ke gha re igberagia iran sokpan, iran ma sẹtin sẹ uẹ ọkẹn.

Ezikiẹl 29:7

Iran gha yegbe gọ yan ruẹn, u ghi bun fua, u ghi so ẹre irere, u ghi gie iran bun ugboloko iyeke.

Hozia 10:6

Iran gha mu amazẹ nii gha rrie Asiria zẹ vbe emwi ne a ya yo imuohan gie ọgbaisi nọkhua nii, a gha fa Izrẹl rua, a ghi vbe ya ekhue mu ẹẹn, rhunmwuda ude ne ọ ya gha ru emwi.

Hozia 12:1

“Emwi ne ivbi Izrẹl ru hia fẹẹrẹ, ke owiẹ ya sẹ ota ọfuan kevbe ọrhiae ọ re ehia khin. Uma dan kevbe uyinmwẹ ibalegbe wa dọlegbe gbọ yọ vbe ehe ne iran ye. Iran gu Asiria rhie obọ ye ebe, iran vbe gu Igipt do ẹki.

Hozia 14:3

Asiria i sẹtin miẹn ima fan hiehiere, avbe ẹsin okuo i vbe sẹtin degue ima. Ma i ghi dọlegbe tama avbe ẹbọ ima ẹdẹ wẹ iran ọrọre Osanobua mwa. Nọyaẹnmwa, wẹ wa tohan emwa hia ni i mwẹ ọmwa ọvbehe ne ọ ra lẹ bu.”

Hozia 5:13

“Izrẹl ghi miẹn vbene obọ emianmwẹ da irẹn hẹ, e Juda ghi miẹn ẹwẹn ne egbe ẹre, Izrẹl keghi gha rrie Asiria ne ọ ya nọ iyobọ vbe obọ ọgbaisi nọkhua, sokpan, ọ ma sẹtin sinmwi iran, ra ne ọ kpe ẹwẹn iran rrie.

Hozia 7:11

Izrẹl gha bobo yo bobo rre zẹ vbe elikhukhu ne ọ kọẹn; vbe okaro, emwa ni lẹ bu Igipt gha khian ne ọ de yi iran obọ, iyekọni, iran vbe lẹ bu Asiria.