Jerimaia 2:32 - Edo Bible (E Baibol Ẹdo) Version 1996

³² Okhuo ọvbokhan vbe mianmian ikpẹrọnmwọ itegbe ẹre ra? Ra ne ovbiọha mianmian ẹwu irhiọha ẹre. Sokpan avbe emwa mwẹ mianmian mwẹ la inu ẹghẹ ne a ghi sẹtin ka nẹ.

Jerimaia 2:32 ပူးပေါင်းရင်းမြစ်များ

Gẹnẹsis 24:22

Ugbẹn vbe ọ ghi sa amẹ ne avbe ekẹtẹkẹtẹ nii wọn fo nẹ, okpia nii keghi rhie oroka ihue ọghe igoru ighobioye ye ọre ihue, ọ keghi viọ emwiobọ eva ọghe igoru nekhua ye ọre obọ.

Gẹnẹsis 24:30

Rẹn keghi miẹn oroka ihue kevbe emwiobọ nii vbe obọ ọtiọnrẹn ne okhuo, ọ keghi vbe họn vbe ọ ta ẹmwẹ ne okpia nii tama rẹn, ọ na gha rrie ehe ne ọguọmwadia Ebraham na mudia ke avbe kẹtẹkẹtẹ ọre vbe ọkpẹn uhae.

Gẹnẹsis 24:53

Ọ viọ esiliva kevbe igoru ladian kevbe ikpẹrọnmwọ kevbe ukpọn ọ na viọ ne Ribẹka, ọ kevbe ya emwi ighobioye ne ọtiọnrẹn nokpia kevbe iye ẹe.

II Samuẹl 1:24

Ikhuo ni rre Izrẹl, wa khiẹ e Sọl. Rẹn ọ re ọ rhuan uwa ukpọn ododo esiesi, ọ keghi ya ikpẹrọnmwọ kevbe igoru mu uwa egbe.

Psalm 106:21

Iran mianmian Osanobua ne ọ miẹn iran fan vbekpa iwinna nekhua ne ọ winna ẹn vbe Igipt.

Psalm 9:17

Uwu ọrọre ne a zẹ khẹ emwa dan hia. Kevbe ọghe iran hia ni he Osanobua ye otọ.

Aizaia 17:10

Izrẹl, wa mianmian Osanobua ne ọmwa ne ọ fannọ uwa kua, ọ na degue uwa zẹ vbe okuta nọkhua. Wa keghi ya gha fian erhan gbọọ, ne uwa miẹn ehe na gha ga ẹbọ ẹrrẹe vbe evba.

Aizaia 57:11

E Nọyaẹnmwa khare wẹẹ, “Vbe avbe ẹbọ na ye ne afianma rẹn fian uwa na yi, ne uwa na ta ohoghe ma mwẹ, wa na vbe mianmian mwẹ fẹẹrẹ? Rhunmwuda ne I na hunwan la ẹghẹ ne ọ taẹn vberriọ ọ re uwa na dobọ uyi ne a rhie mẹ yi ra?

Aizaia 61:10

Ẹko rhiẹnrhiẹn Jerusalẹm rhunmwuda iwinna ne Nọyaẹnmwa winna ẹn. Te ọ yevbe ọha ne a mu ẹre egbe irhiọha. Osanobua ya imiẹnfan kevbe akhọnmiotọ yo ẹre ẹwu.

Jerimaia 13:10

Avbe emwa dan na hee ne iran họn ẹmwẹ mẹ. Vbene iran ka wa zee vbe udu ne iran na vbe re ekhọe dan dee yi, ọ re iran ye ye. Iran gha gho, iran gha ga avbe ẹbọ ọvbehe. Rhunmwuda ọnii, erriọ iran ra do gha ye zẹe vbe utalawẹ na, te iran wa khian ne ẹ i ghi maa hiehiere.

Jerimaia 13:25

Rẹn taa ẹe nẹ wẹ ọna ọ ra mian uwa. Ọna ọ re ọ wẹ rẹn ra ru uwa ẹre rhunmwuda, wa mianmian ẹẹn nẹ, wa na gha lele avbe ẹbọ ohoghe.

Jerimaia 18:15

Sevba, emwa mwẹ mianmian mwẹ, iran gha giẹn eturari ne avbe amazẹ. Iran rrua owẹ vbe odẹ ne ọ te kei ne iran la iran i ghi lele odẹ nẹdẹ, odẹ ne a ma gbẹn ọre iran ghi la.

Jerimaia 2:11

Ẹvbo ọvbehe ne ọ he fi ẹbọ ne iran gho werriẹ i rrọọ, egbe ne iran i rhe ya re ẹbọ ẹmwata, sokpan, emwa mwẹ ya mwẹ rọ nẹ. Mẹ ne Osanobua ne ọ rhie uyi gie iran, iran keghi zẹ avbe ẹbọ ne ẹ i sẹtin ru emwi rhọkpa ne iran.

Jerimaia 2:33

“Wa rẹn vbene a rhikhan lele ikhuo ne uwa zẹ ọre ọse hẹ. Okhuo ne ọ ghi rhia sẹẹ, te ọ gha miẹn emwi ruẹ vbe obọ uwa.

Jerimaia 23:27

“Iran ro wẹ imina ne iran ta gha ya mwẹ mianmian zẹ vbene avbe erha iran mianmian mwẹ, iran na lele Baal.

Jerimaia 3:21

A họn owogho eso vbe uhunmwu oke: Ivbi Izrẹl ọ re ọ tulo, ne ọ vbe rinmwian rhunmwuda iran ru orukhọ, iran keghi vbe mianmian e Nọyaẹnmwa ne Osanobua iran.

Ezikiẹl 22:12

Eso vbe uwu avbe emwa uwa de izigha ya miẹn igho. Eso miẹn igho isu vbe ivbi Izrẹl ne ihua iran ne iran rhie igho na, iran ghi do ye ne iran na mu iran vbuẹvbuẹ fe. Iran mianmian mwẹ nẹ. E Nọyaẹnmwa ne Udazi guaan nẹ.

Hozia 8:14

“Avbe ivbi Izrẹl bọlọ ẹguae nibun, sokpan iran mianmian Ayi ne ọ yi iran. Ivbi e Juda bu ẹvbo nibun ne a gbe odin gaa, sokpan, I gha gie erhẹn ne ọ gha ya giẹn ẹguae iran kevbe ẹvbo iran an.”

Diuteronomi 32:15

“Emwa e Nọyaẹnmwa keghi fe, sokpan iran keghi sọtẹ, iran kegha kpolo, evbare na gbe iran ẹko ua. Iran he Osanobua ne ọ yi iran ye otọ, iran keghi he ọmiọnmwafan iran nọkhua ye otọ.

Arhie Maan 21:2

I keghi bẹghe Ẹvbo Ne Ọ Huanrẹn nii, Jerusalẹm ne ọgbọn, ọ tuorre ke ehe ne Osanobua ye vbe ẹrinmwi dee, a wa mu ẹre egbe ye otọ zẹ vbe ọha ne a rhie gie ọdọ ẹre.

Giọgis 8:34

Iran ma ghi ga e Nọyaẹnmwa Osanobua iran ne ọ miẹn iran fan hin obọ avbe eghian iran ni lẹga iran hia rre.