Jerimaia 2:31 - Edo Bible (E Baibol Ẹdo) Version 1996

³¹ Ivbi Izrẹl, wa danmwehọ ẹmwẹ ne I guan. Mẹ he ye vbe ato ne uwa ẹdẹ ra, zẹ vbe ẹvbo dan ne ọ su ebiebi. Vbe uwa ghi na kha hẹ wẹ emwi ne ọ khọn uwa ọ re uwa ra gha ru ighe wa i dọlegbe bu mwẹ dee.

Jerimaia 2:31 ပူးပေါင်းရင်းမြစ်များ

I Ọba 11:22

Ọba keghi nọ rẹn wẹẹ, “Vbọzẹ, I ma ru ne uẹn sẹ ra? Ọnii ọ si ẹe ne u na ho ne u dọlegbe gha rrie owa ra?” E Hadad keghi wanniẹn ọba ẹmwẹ wẹẹ, “Hẹko gunmwẹ gha khian.” E Hadad keghi wa gha re oghian dan ọghe Izrẹl zẹ vbene ọba Idọm vbe ye.

II Krọnikol 31:10

Ẹre Azaraia ne Ogie Ohẹn, ne ovbi uniẹn e Zadọk na tama rẹn wẹẹ, “Ke ne emwa nii ghi ya suẹn gha viọ emwi ihaoko iran rrie Ọgua Osa gha dee, te ima ghi miẹn re zẹ kọ ẹsẹsẹmwẹse, ma mwẹ ena hia rhunmwuda, e Nọyaẹnmwa fiangbe emwa rẹn.”

Job 21:14

“Emwa dan ghi tama Osanobua wẹ ne ọ sẹ iran rae. Iran i ho ne iran rẹn vbene ọ mwamwa ẹdagbọn iran hẹẹ.

Psalm 10:4

Ọmwa dan i vbe zẹ ye Nọyaẹnmwa re vbe uwu itengbe mu ẹnrẹn, ọ rorẹe wẹ, Osanobua imwẹ asa ne ọ khin.

Psalm 12:4

“Ẹmwẹ unu ima ọ re ima ya miẹn emwi nẹ ima ho. Emwi ne ọ khọn ima ọre ima ra gha ta. Ọmwa ne ọ gha sẹtin gbe eta ye ima unu, ẹi rrọọ.”

Itan 30:9

I gha do gha mwẹ gberra vberriọ, ne I ghẹ do ya gha kha wẹ u i mwẹ emwi ne u ye mẹ. Sokpan, I gha re ovbiogue, ne a ghẹ miẹn wẹ te I ghi ya rha, I na fa Osanobua mwẹ uan.

Aizaia 45:19

I ma ta ẹmwẹ rhọkpa vbe ẹkhokho ra ne I rhie emwi ne I ra ru lẹre I ma kha wẹ ne ivbi Izrẹl, ya gha gualọ mwẹ vbe ehe ne ọ dihoi rua. Mẹ ọrọre Nọyaẹnmwa, ẹmwata ọ re I vbe ta; I ghi vbe gie emwa rẹn emwi ne ọ re ẹmwata.”

Jerimaia 2:20

E Nọyaẹnmwa ne Udazi khare wẹẹ, “Izrẹl, ọ kpẹre ne uwa ghi he asẹ mwẹ yotọ wa he ne uwa họn ẹmwẹ mẹ ra ne uwa ga mwẹ wa keghi ya gha gho avbe ẹbọ emwiokọ, vbe uhunmwu oke kevbe ototọ erhan ni mwẹ ebe hia.

Jerimaia 2:25

Izrẹl, ghẹ wiẹn owẹ uwa a ra ne ẹho uwa vbe kaka ne uwa ya khọn lele ẹbọ ọvbehe khian. Sokpan, wa ghi kha wẹẹ, ‘Ẹn o, I i sẹtin werriegbe. Avbe ẹbọ ẹrrẹe la mwẹ aro nẹ, te I ra lele iran.’ ”

Jerimaia 5:5

I gha ya iwegbe bu iran na gha khian, ne I ya gu iran guan. Vbe ne ẹmwata, iran rẹn emwi ne Osanobua iran ho. Emwi ne Nọyaẹnmwa ho ne iran ru.” Sokpan iran hia ọ re ọ wa he ne iran gha rre ototọ asẹ e Nọyaẹnmwa, iran he ne iran họn ẹmwẹ ne ẹẹn.

Jerimaia 5:6

Onii ọ sii ẹe ne oduma gha na ke uwu ẹgbo rre do gbele iran an. Akpakomiza gha ke uwu ato rre do yanghan iran an, atalakpa ghi do gha ru ohuẹ vbe ore iran. Avbe emwa nii gha ladian, a gha yanghan iran an, rhunmwuda orukhọ iran bun. Iran keghi fi iyeke gbe Osanobua yan egbe yan egbe.

Ezikiẹl 14:5

Avbe ẹbọ nii ni ye ivbi Izrẹl fi iyeke gbe mwẹ, sokpan, I yayi wẹ ewanniẹn ne I gha rhie ne iran gha ya iran dọlegbe bu mwẹ rre.

Hozia 13:6

Sokpan, wa ghi la otọe esi nii nẹ, ẹko keghi vuọn uwu, ọ keghi vbe sẹ uwa ọkẹn, wa keghi do gha hio, wa na mianmian mwẹ.

Emọs 1:1

Ẹmwẹ Emọs ne Ọsuohuan ne ovbi ẹvbo ne a tie ẹre Tẹkoa ọ re ena khin. A ghi tie ẹre ukpo eva ne igbohiotọ ra sunu, vbe ẹghẹ ne Uzaia na gha re ọba e Juda, e Jeroboam na vbe gha re ọba Izrẹl, Osanobua keghi rhie emwi na hia vbe ekpa Izrẹl ma Emọs.

Maika 6:9

Emwi ẹwaẹn nọ ne a gha mu ohan e Nọyaẹnmwa. Ọ datie okpẹvbo ni wẹẹ, “Wa danmwehọ, wa ni si egbe koko vbe okpẹvbo ni!

I Kọrinti 4:8

Wanwanna nian, emwi ne uwa ho hia sẹ uwa obọ nẹ. Wa hia fe nẹ nian, wa hia wa rri ọba, vberriọ, ma i re ọre. Ẹmwata, ọ gha te yẹ mwẹ ghe akpawẹ wa gele rri ọba, ma ghẹ ghi gu uwa rrie nene ọba.

Diuteronomi 31:20

I gha viọ iran gha rrie otọe esiesi ne ọ maa emwiokọ na, zẹ vbene I tama avbe erha iran odede. Evba nii i. iran gha miẹn dọmwadẹ evbare ne iran ho, iran gha vbe gha rrọ vbe uwu ẹkovọnmwẹ, sokpan iran gha fi iyeke gbe, iran ghi ya gha gho ẹbọ ọvbehe. Iran gha he mwẹ ye otọ, iran ghi vbe rra ile mwẹ.

Diuteronomi 32:15

“Emwa e Nọyaẹnmwa keghi fe, sokpan iran keghi sọtẹ, iran kegha kpolo, evbare na gbe iran ẹko ua. Iran he Osanobua ne ọ yi iran ye otọ, iran keghi he ọmiọnmwafan iran nọkhua ye otọ.

Diuteronomi 32:18

Iran mianmian Osanobua iran, ọmiọnmwafan iran nọkhua ọmwa ne ọ rhie arrọọ ne iran.