Jerimaia 2:30 - Edo Bible (E Baibol Ẹdo) Version 1996

³⁰ I rrii uwa oya, sokpan, ọ ma gbe emwi rhọkpa, wa iho ne I gbe uwa hin ọkhọ rre. Wa gbele avbe akhasẹ uwa zẹ vbe oduma ne ọ tu.

Jerimaia 2:30 ပူးပေါင်းရင်းမြစ်များ

I Ọba 19:10

Rẹn keghi wanniẹn wẹẹ, “E Nọyaẹnmwa, Osanobua Oghodua, wẹ ọkpa kẹkan ọre I ga ke otọ gha dee. Sokpan, ivbi Izrẹl ma ghi mu ile ne iran guẹ ta sẹ, iran dunmwu avbe ogiukpo ruẹ sotọ, iran gbele avbe akhasẹ ruẹ hia, mẹ ọkpa ọre ọ ghi ke ẹe, iran vbe ho ne iran gbe mwẹ uan!”

I Ọba 19:14

Rẹn keghi wanniẹn wẹẹ, “E Nọyaẹnmwa Osanobua ne Oghodua, wẹ ọkpa kẹkan ọ re I ga ke otọe gha dee, sokpan, ivbi Izrẹl ma ghi mu ile ne iran guẹ ta sẹ, iran dunmwu avbe ogiukpo ruẹ sotọ, iran kevbe gbele avbe akhasẹ ruẹ hia. Mẹ ọkpa ọ ghi ke ẹe, iran vbe ho ne iran gbe mwẹ uan.”

II Krọnikol 24:21

E Joas ne ọba keghi deba emwa nii khuan khẹ e Zẹkaraia, emwa nii keghi filo okuta gbe Zẹkaraia a vbe ẹghodo Ọgua Osa zẹ vbene ọba wẹ ne iran ru ẹe.

II Krọnikol 28:22

Ọ ghi sẹ ẹghẹ ne emwi hia ya ba su ẹe sẹẹ, ọmwa na ighẹ Ehaz keghi wa dọlegbe sẹmwẹ e Nọyaẹnmwa sẹẹ vbe ne ọ te ka ye yi.

II Krọnikol 36:16

Sokpan, iran kegha ya emwa ne Osanobua gie ẹre uhunmwu gbogiẹ, iran ma zẹ ye ẹmwẹ ne iran ta, iran na vbe gha giẹ avbe akhasẹ ọre, rhinrin a ke do miẹn wẹ ohu Osanobua ghe emwa rẹn kpọlọ sẹrriọ wẹ, emwi ne a gha ya rhanmwẹ ọẹn re, ẹ i ghi rrọ.

Nehimaia 9:26

“Sokpan, emwa ruẹn sọtẹ, iran ma họn ẹmwẹ ne uẹn iran keghi fi iyeke gbe Uhi ruẹ, iran gbele avbe akhasẹ ni bu iran ude ni tama iran ne iran dọlegbe bu ruẹ gha dee iran kegha yagha a yan egbe yan egbe.

Aizaia 1:5

Vbọzẹ ne uwa na sọtẹ khian vberriọ yi? Te uwa ho ne a ye rri uwa oya sẹẹ ọna ra? Izrẹl, ghe vbe ẹtẹ gba uwa uhunmwu hia. Orhiọn kevbe ekhọe uwa khuọnmwi.

Aizaia 59:3

Wa ru orukhọ ọghe ohoghe ne a ta kevbe, ọkhọ kevbe izigha.

Aizaia 9:13

Ivbi Izrẹl ma he ye fiwerriẹ, a gha rhe miẹn wẹ e Nọyaẹnmwa ne Oghodua rria iran ikhi nẹ, iran ma he ye werriegbe bu ẹre rre.

Jerimaia 31:18

“I họn vbe ivbi Izrẹl ye akhiẹ tae wẹẹ, ‘E Nọyaẹnmwa, te ima te yevbe aranmwẹ ne a ma rri sokpan, wẹ keghi ma iran re ne a gha họn ẹmwẹ. Viọ ima werriegbe rre, ma mu egbe ne a ya bu ruẹ gha dee, e Nọyaẹnmwa ne Osanobua mwa.

Jerimaia 46:14

“Ya kha vbe ore ẹvbo Igipt, vbe Migdọl, Mẹmfis kevbe Tapanhes wẹẹ, ‘Wa mu egbe ne uwa ya gbinna ne egbe uwa; emwi ne uwa mwẹ, a gha fuẹn ehia vbe okuo!

Jerimaia 5:3

Vbe ẹmwata, emwi ne Nọyaẹnmwa gualọ ọrọre ayekhọe ga. Ọ fi uwa emwi sokpan wa ma zẹ yọ, ọ rẹnkhẹẹn uwa, sokpan, wa ma ye mwẹ ẹwaẹn wa keghi yin ehọ, wa ma vbe zobọ vbe orukhọ ne uwa ru.

Jerimaia 7:28

U ghi tama iran wẹ, uhunmwu ẹvbo iran i họn ẹmwẹ mẹ, mẹ ne Nọyaẹnmwa ne Osanobua iran, ra ne oya ne a rri iran re vbe gha rhie ẹwaẹn ne iran. A ye ekhọe ga wu nẹ. A i ghi dọlegbe guan kan rẹn ọvbehe.

Eve Orriara 4:13

Sokpan, ọ sunu, rhunmwuda, avbe akhasẹ ọ re ọ rukhọ avbe ohẹn ọnrẹn vbe rriabe wẹ, iran ọ re ọ gie avbe emwa ni ma rukhọ wulo.

Ezikiẹl 22:24

“Ovbi ọmwa, tama ivbi Izrẹl ighe otọ iran ma huan, rhunmwuda ọnii, te imẹ rri ọre oya vbe ohu mwẹ na.

Ezikiẹl 24:13

E Jerusalẹm, uyinmwẹ alama ruẹn mu awua yuẹ egbe nẹ. A gha rhe miẹn ighe I te gha ho ne I họnmwẹ uẹn egbe, awua ye gue uẹ. Awua i ra lahin ruẹn egbe rre ọvbehe rhinrin obọ ohu mwẹ te do daa ẹsẹse.

Daniẹl 9:13

U na rrii ima oya hia ne u gbẹnnẹ ye uhi e Mosis. Uhin ye do sẹ wanwanna nian Nọyaẹnmwa, Osanobua mwa, ma ma he ye hia ne a ru emwi ne ọ yẹ ruẹ.

Zẹfanaia 3:2

Ọ ma danmwehọ e Nọyaẹnmwa ra ne ọ vbe rhan obọ miẹn emwi a rẹn enegbe ne ọ ma ẹre re. Ọ ma mu ẹtin ẹnrẹn yan e Nọyaẹnmwa ra ne ọ nọ ẹre iyobọ.

Matiu 23:29

“U miẹn agbọn ne uwa ye enimaemwa Uhi kevbe Farisi, ayunukpaegbe. Wa mannọ idin avbe akhasẹ mose mose, wa keghi te idin ne a mannọ ne iran ne eni yin ẹse egbe.

Iwinna 7:52

Ọkpa rrọ vbe uwu iran ne akhasẹ ne avbe erha uwa odede ma kpokpo ra? Emwa ne Osanobua gie gha dee ni do kha ẹghẹ ni, ighẹ Ọguọmwadia emwata ẹre dee, iran gbele ehia a, ne a ghi ye na nian, wa ghi rhie ẹre ma an nẹ, wa keghi gbe ẹe rua.

I Tẹsalonaika 2:15

Iran ni gbe Nọyaẹnmwa Jesu kevbe avbe akhasẹ, iran keghi vbe khu ima khian. Umiẹn vbe ohu iran mu Osanobua hẹ! Umiẹn vbene iran khọ mu emwa hia hẹ!

Arhie Maan 16:9

Owowo ọhanabe ni kegha giẹn emwa uan, iran keghi ya ẹbọ yan eni Osanobua ọmwa ne ọ mwẹ asẹ vbe uhunmwu avbe egboghogbogho na hia, sokpan iran ma zobọ vbe orukhọ, ne iran rhie urhomwẹ ne ukpọlọmwẹ ọnrẹn.