Jerimaia 2:27 - Edo Bible (E Baibol Ẹdo) Version 1996

²⁷ Erriọ ọ re a ra ya oya ne uwa ni kha wẹ erhan ọrọre erha uwa, okuta ọrọre iye uwa. Erriọ ọre ọna ra sunu rhunmwuda, wa fi iyeke gbe mwẹ vbe ọ te kei ne uwa bu mwẹ gha dee. Sokpan, wa gha rre uwu ibaro, wa ghi wẹ ne I do miẹn uwa fan.

Jerimaia 2:27 ပူးပေါင်းရင်းမြစ်များ

II Krọnikol 29:6

Avbe erha ima odede ma rhie ekhọe ye ẹmwẹ e Nọyaẹnmwa, iran kegha ru emwi ne ọ ma yẹ ọre. Iran hee ẹe ye otọ, iran keghi fi iyeke gbe ehe ne ọ ye.

Aizaia 26:16

Nọyaẹnmwa, wẹ rri avbe emwa ruẹn oya, ugbẹn vbe obọ ghi da iran, iran keghi na erhunmwu ghe ruẹ.

Jerimaia 10:8

Akpa vbe abobo ọ re iran hia khin. De ẹwaẹn ne iran ra miẹn ruẹ vbe ukhurhẹ?

Jerimaia 18:17

I gha zagha emwa mwẹ vbe odaro avbe eghian iran, zẹ vbe ebubẹ ne ẹhoho hoho khian I ghi fi iyeke mwẹ gbe iran I i ra yi iran obọ, vbe ọfuan ni a rre.”

Jerimaia 2:24

wa khọn la uwu ato, ọ gha la ẹre uhunmwu, gha o gha sẹtin dae yi? Ọwẹe ne ọ ho ne ọ mu ẹẹn, wẹ ne ọ ghe zẹdẹ kpokpo egbe. Te ọ wa kpọ khan vbe ọ gha se ẹghẹ nẹ.

Jerimaia 22:23

Ẹkun te wa sẹ uẹ otọ vbe uwu ẹbu sida ne a viọ ke Lebanọn rre sokpan, nian, ọ so uẹ vbe obalọ a vba ruẹ, obalọ ne ọ yevbe ọghe okhuo ne emwi ubiẹmwẹ ru.

Jerimaia 3:9

ekhue ma vbe mu ẹẹn hiehiere. Ọ ru otọ awua, ọ keghi ghẹ vbekpa ne ọ na gha gho avbe okuta kevbe erhan.

Jerimaia 30:7

Ẹdẹ ohan wa dee; a i miẹn ẹdẹ ne a ya gie ẹre, ẹghẹ akhiẹ nọ ne emwa mwẹ, sokpan iran gha miẹn uhunmwu vbọ.”

Jerimaia 32:33

Iran fi iyeke iran gbe mwẹ. a gha rhe miẹn wẹ te I gha ma iran emwi khian, iran ma danmwehọ ne iran vbe ruẹ emwi rhọkpa.

Jerimaia 37:3

E Zedekaia keghi giee Jehukal ne ovbi e Sielemia kevbe Zẹfanaia ne ovbi Maaseia wẹ ne ọ do tama mwẹ ne I na erhunmwu ghe Nọyaẹnmwa Osanobua ne ẹvbo mwa.

Jerimaia 42:2

iran tama mwẹ wẹẹ, “Lahọ u ghi ru vbene ima tama ruẹn. Na erhunmwu ghe Nọyaẹnmwa Osanobua mwa ne ima. Na erhunmwu ne ima ni miẹn uhunmwu. Ma te ka wa bun yi, u gha miẹn nian wẹ ima ibozẹghẹ ọ re ọ ghi kẹe.

Ezikiẹl 23:35

Banbanna nian, vbenian ọ re Nọyaẹnmwa ne Udazi khare, “Rhunmwuda ighe u mianmian mwẹ, u keghi fi iyeke gbe mwẹ, u gha rri oya ye ẹmwẹ orriarria ruẹ kevbe ebabotu ne u gbe.”

Ezikiẹl 8:16

Ọ na rhie mwẹ gha rrie ọgua ne ọ ke uwu ẹre vbe Ọgua Osa. A ghi do ghe ikpia isẹn yan ugie mudia ye ẹkpo onurho ne a la la uwu ehe nọhuanrẹn kevbe ogiukpo. Iran viọ iyeke da ehe nọhuanrẹn. Iran wa kakabọ ghughẹrre ghe odẹ ahọ, iran gha ga owẹn ne ọ da yan rre dee.

Daniẹl 9:7

Nọyaẹnmwa, emwi ne ọ gbae ọ re uwẹ ru vbe ẹghẹ hia, sokpan, ẹghẹ hia ọ re ima ya fa egbe ima an. Erriọ ọ re ọ wa ye ne iran ni rre Judia kevbe Jerusalẹm, kevbe avbe ivbi Izrẹl hia ne uwẹ zagha lele avbe ẹvbo ni khian rrei kevbe ni sikẹ owa rhunmwuda, iran ma mudia ke uẹ ẹse.

Hozia 4:12

Iran ghi ya gha nọ ike erhan wẹ ne ọ ta enegbe iran ma iran. Ọkperhan ọ re ọ ghi tama iran emwi ne iran ho ne iran rẹn. Iran sẹ mwẹ rae nẹ, zẹ vbe okhuo ne ọ khian igberagia. Iran rhie egbe iran ne avbe ẹbọ ọvbehe.

Hozia 5:15

“I gha he emwa mwẹ yotọ a te do miẹn wẹ iran rri oya ye orukhọ iran sẹ nẹ, kevbe wẹ te iran ghi vbe gualọ mwẹ. Ogha kẹe, usẹ gha sẹ iran nẹ, iran gha gualọ mwẹ rre.”

Hozia 7:14

Iran ma he ya ekhọe ẹmwata na erhunmwu ghe mwẹ ẹdẹ, ne iran gha na te ru vberriọ, iran keghi dele gbotọ, iran keghi gha go zẹ vbene iran ni ga ẹbọ ru ẹe. Iran gha na erhunmwu ye ẹmwẹ ọka kevbe ayọn, iran ghi gha giagia egbe iran, zẹ vbene iran ni ga ẹbọ ru. Erriọ avbe miẹn emwa ni sọtẹ ra!