Jerimaia 19:9 - Edo Bible (E Baibol Ẹdo) Version 1996

⁹ Avbe eghian gha lẹga ẹvbo nii, iran ghi gha ho ne iran gbele emwa ni rrọọ. Okuo ne ọ gha ga ẹre gha mu ohan sẹrriọ wẹ emwa ni rre uwu ẹre ghi gha gbele egbe iran re, uhin ighe iran gha vbe gha gbele ivbi iran re.”

Jerimaia 19:9 ပူးပေါင်းရင်းမြစ်များ

II Ọba 25:3

Ọ ghi sẹ ikpẹdẹ ne ogihinrin ọghe uki ne ogienẹ ọghe ukpo nii, vbe ohanmwẹ ghi tua sẹrriọ wẹ emwa nii i ghi miẹn evbare re.

Aizaia 9:20

Vbe otọe nii hia, evbare ne emwa a rhirhi miẹn ọ re iran gha gua rhie, iran ghi vbe gha rri ọe sokpan, ẹko i vuọn iran. Uhin ighe te iran ra gha gbele ivbi iran re.

Jerimaia 13:14

Iyekọnii, I ghi khuarha iran kugbe zẹ vbe uru, ke ibiẹka kevbe eniwanrẹn, itohan, ẹnina ra agiẹngiẹn ọmwa irrọ ne ọ gha da mwẹ obọ yi wẹ ne I ghẹ gbele iran an.”

Jerimaia 38:9

“U gha tọ u kpẹre Umogun, emwi ne iran na ru i maa. Iran ya mu e Jerimaia fi uwu uhae, agbọn hia rẹnrẹn wẹ, te ohanmwẹ ra gbe ẹe rua ye evba rhunmwuda evbare i ghi rre ẹvbo.”

Eve Orriara 2:20

Tọn aro mu Nọyaẹnmwa! Tọn aro mu ghe iran ne u sẹ ọre usẹ! Iyemọ gha gbele emọ ne iran ho ẹmwẹ ọnrẹn re! A gha gbele avbe ohẹn kevbe avbe akhasẹ ye uwu Ọgua Osa tobọẹre!

Eve Orriara 4:10

Ọkhọ ne ọ rruan emwa mwẹ ugborrirri ọ re ọ si rre; iye ni te ho ẹmwẹ emọ kegha le ivbi iran re.

Ezikiẹl 5:10

Rhunmwuda emwi na, evbibiẹ emọ gha gbele ivbi iran re vbe Jerusalẹm, emọ ghi vbe gha rri evbibiẹlẹ iran. I gha rri uwa oya, iran ni ghi vbe kẹe vbọ, ni ghi rre agbọn, I gha zagha iran gba ehe hia.

Levitikọs 26:29

Ohanmwẹ gha gbe uwa sẹrriọ wẹ wa ghi gha gbele ivbi uwa re.