Jerimaia 19:14 - Edo Bible (E Baibol Ẹdo) Version 1996

¹⁴ Ẹre I na kpao vbe Tofẹt rre, ehe ne Nọyaẹnmwa gie mwẹ gha rrie ne I na ya ta uhunmwu ne irẹn gie. I kegha rre ọgua nọkhua ọghe Ọgua Osa, I ke ya tama avbe emwa nii hia.

Jerimaia 19:14 ပူးပေါင်းရင်းမြစ်များ

II Krọnikol 20:5

Iran na, deba ivbi e Jerusalẹm keghi si koko ye ẹghodo nọgbọn ne ọ rre Ọgua Osa. E Jehosiafat ne ọba keghi ya mudia ye odaro iran.

Jerimaia 17:19

E Nọyaẹnmwa keghi tama mwẹ wẹẹ, “E Jerimaia, ya ta uhunmwu ne I gie uẹ ẹre na vbe Onurho Emwa, ehe ne ọba e Juda la ladian kevbe ne ọ vbe la la ore ẹvbo, iyekọnii, u ghi vbe gha rrie avbe onurho nekpa ọghe Jerusalẹm.

Jerimaia 25:2

I keghi tama ivbi e Juda kevbe ivbi e Jerusalẹm hia wẹẹ,

Jerimaia 26:2

E Nọyaẹnmwa keghi tama mwẹ wẹẹ, “Ya mudia ye ọgua nọkhua ọghe Ọgua Osa, ne u talọ ẹmwẹ hia ne I wẹ ne u ta ma emwa nii kevbe avbe ẹvbo ni ke Juda rre do ga vbe evba. Ghẹ sẹ ọkpa rae vbọ.

Jerimaia 28:5

Vbe sirra avbe ohẹn, kevbe avbe emwa ni mudia vbe ọgua Osa, I keghi tama Hananaia wẹẹ,

Iwinna 5:20

“Wa gha rrie uwu Ọgua Osa ne uwa ya gu emwa hia guan vbe kpa arrọọ ọghe ọgbọn na.”