Jerimaia 19:11 - Edo Bible (E Baibol Ẹdo) Version 1996

¹¹ Ne I vbe tama iran wẹ e Nọyaẹnmwa ne Oghodua khare wẹẹ; “I gha guọghọ emwa na kevbe ẹvbo na an, ọ ghi ye vbe uru obuẹ ne a guọghọ ua nẹ ẹ i ghi gie a dọlegbe mama kugbe. Emwa gha ya gha re orinmwi iran ye Tofẹt, rhunmwuda ehe ọvbehe i ghi ra gha rrọ ne a gha re iran yi.

Jerimaia 19:11 ပူးပေါင်းရင်းမြစ်များ

Psalm 2:9

U gha ya umọmọ rẹnkhẹn iran, u gha zagha iran kua ukhiọnmwẹ, zẹ vbe akhe.’ ”

Itan 6:15

Rhunmwuda ọna, ẹbe gha rruan iran vbe udomwurri, a gha vbe fian iran ẹwẹn ne ọ da.

Aizaia 30:14

Wa gha rẹnkhẹn uan vbe akhe obuẹ, wa gha rẹnkhẹn uan sẹrriọ wẹ ai miẹn ne a gha ya gha wan erhẹn vbọ ra ne a gha ya gha balọ amẹ vbe uhae vbọ.”

Jerimaia 13:14

Iyekọnii, I ghi khuarha iran kugbe zẹ vbe uru, ke ibiẹka kevbe eniwanrẹn, itohan, ẹnina ra agiẹngiẹn ọmwa irrọ ne ọ gha da mwẹ obọ yi wẹ ne I ghẹ gbele iran an.”

Jerimaia 19:12

I yaan nẹ ighe I gha ye ẹvbo na kevbe emwa ni rrọọ khian vbene Tofẹt ye.

Jerimaia 19:6

Rhunmwuda ọnii nian, ẹghẹ dee ne a i ghi ra na gha tie emwa na Tofẹt ra Iya e Hinọm. Sokpan a ghi gha tie ẹre Iya Ugbelemwẹ.

Jerimaia 25:34

“Wa gha viẹe, wa ne avbe ọkaolotu, wa ne ọsuohuan avbe ohuan mwẹ. Wa gha khiẹ, ne uwa vbe gha werriẹ vbe uwu ebubẹ. Ẹghẹ sẹ nẹ nian ne a gha ya lọkọ uwa a, a gha gbele uwa vbene a gbele ogho.

Jerimaia 48:38

Akhiẹ Ọ re ọ ghi rre ehe hia vbe ẹrhunrhun owa kevbe ughe e Moab hia, rhunmwuda, I guọghọ Moab nẹ zẹvbe esago nẹi yẹ ọmwa rhọkpa.

Jerimaia 51:63

“E Seraia, u gha tie ebe na fo nẹ, u ghi gba ẹe ginna okuta ne ọ kpolo, u ghi mu ẹẹn fi Ẹzẹ Yufretes.

Eve Orriara 4:2

Te avbe igbama e Zaiọn te ghan vbe obọ mwa zẹ vbe igoru. Sokpan, te a ghi ru iran nian zẹvbe akhe obuẹ.

Iwinna 21:11

Ọ keghi bu ima gha dee, ọ keghi rhie ugbẹkun e Pọl, ọ keghi yae gba egbe ẹre obọ vbe owẹ, ọ wẹẹ, “Orhiọn Ne Ọ Huanrẹn wẹ, ‘Vbe nian ọre avbe Ju khian mu ọmwa ne ọ yan ugbẹkun na gba vbe Jerusalẹm, iran ghi mu ẹn gie avbe emwa ne ẹ i re Ju.’ ”