Jerimaia 18:20 - Edo Bible (E Baibol Ẹdo) Version 1996

²⁰ Ọkhọ ọ re a ya ha osa ọma ra? Sevba, iran tọn uvun ye otọ khẹ mwẹ ne I de yọ. Yerre vbene I bu ruẹ rre hẹ, I na do gha rinmwian ne iran wẹ ne u ghẹ ye ohu ru iran emwi.

Jerimaia 18:20 ပူးပေါင်းရင်းမြစ်များ

Job 6:27

Wa gha sẹtin yan uta ye ọviẹn ne udefiagbọn, wa ghi silo emwi ọse uwa khuankhuaankhuan ya vuọn ẹfe uwa.

Psalm 106:23

Ugbẹn vbe Osanobua khare ighe rẹn ra fuẹn emwa irẹn uan, e Mosis ne ọguọmwadia ẹre ne ọ hannọ zẹ keghi degbe Osanobua odẹ ọ ma gie ohu ẹre fuẹn iran an.

Psalm 119:95

Emwa dan mudia khẹ mwẹ, ne iran gbe mwẹ uan, sokpan, mẹ gha mu ẹmwẹ uhi ruẹ roro.

Psalm 35:12

Iran ya oghodan kpọnmwẹ mwẹ ẹse, egbe keghi wa wọ mwẹ ye otọ.

Psalm 35:7

Vbene ẹi na mwẹ otọe, iran khuẹn ifi khẹ mwẹ, iran tọn uye ne ọ dinmwi, ne iran ya mu mwẹ.

Psalm 38:20

Iran ni ya ọkhọ san ẹse mu aro igbinna da mwẹ rhunmwuda, ighẹ I hia ne I gha ru vbene ọ kere.

Psalm 57:6

Avbe eghian mwẹ rhuẹ ọga yotọ ne iran mu mwẹ, akhiẹ gbe mwẹ fi otọ iran tọn uye ye odẹ ne I la, sokpan, iran tobọ iran kharha yọ.

Psalm 7:15

Sokpan, ifi ne iran te khuẹn khẹ ẹrrẹe, iran tobọ iran ọ re ọ ghi mu.

Itan 17:13

U gha ya ọkhọ ha osa ọ maa, ọkhọ i lahin owa ruẹ rre ẹdẹdẹmwẹdẹ.

Itan 26:27

Emwa ni khuẹn ifi khẹ ẹrrẹe, ọ re ọ de ye nene ifi. Iran ni rrua ekẹn, ọ re ekẹn rẹnkhẹn uan.

Asan-Ibo 10:8

U gha tọn uvun, wẹ ọ ra de yọ, u gha kpahiẹ la ekẹn gberra, ẹyẹn gha ho ruẹ ẹmwẹ.

Jerimaia 11:14

E Jerusalẹm i ghi na erhunmwu ghe mwẹ ra ne iran vbe rinmwian mwẹ ne emwa nii ọvbehe. Iran gha rre uwu ibaro, iran na tu bu mwẹ rre do nọ iyobọ, I i zẹ ye iran ẹre.”

Jerimaia 14:20

Ma ru orukhọ ghe ruẹ nẹ, Nọyaẹnmwa ma miẹn orukhọ mwa kue, kevbe orukhọ avbe erha mwa odede.

Jerimaia 15:1

Ẹre Nọyaẹnmwa na tama mwẹ wẹẹ, “Ọ gha khọnrẹn ne a miẹn wẹ e Mosis kevbe Samuẹl ọ re ọ mudia vbe emwa na gha rinmwian mwẹ, I i sẹtin tohan emwa na hiehiere. Wẹ ne iran ladian, wẹ ne iran kpao hin odaro mwẹ rre.

Jerimaia 17:18

Fa iran ni kpokpo mwẹ uan, sokpan gie ẹe la mwẹ ban Nọyaẹnmwa. Ye ohan vuọn iran, sokpan, ghẹ runran mwẹ. Gie ọkhọ rruan iran, ne u dunmwu iran rẹnkhẹnrẹnkhẹn.

Jerimaia 18:19

Ẹre imẹ ghi na na erhunmwu wẹẹ, “Nọyaẹnmwa, danmwehọ ẹmwẹ ne I ta, ne u vbe danmwehọ ẹmwẹ ne avbe eghian mwẹ ta vbe ekpa mwẹ.

Jerimaia 18:22

Gie otu ọkhọ ya fu iran emwi viọ vbene iran ma na họn yotọ. Gie iran viẹ rhunmwuda ohan nọkhua. Iran tọn uvun yotọ khẹ mwẹ ne I de yọ, iran keghi vbe khuẹn ifi khẹ mwẹ wẹ ne ọ mu mwẹ.

Jerimaia 27:18

Adeghẹ akhasẹ ọ re iran gele khin, adeghẹ mẹ gie iran uhunmwu, wẹ ne iran do nọ imẹ ne Nọyaẹnmwa ne Oghodua, ne I ghẹ gie a viọ avbe emwiewe ne ọ ghi kẹe vbe Ọgua Osa kevbe ẹguae ọba gha rrie Babilọn.”

Jerimaia 5:26

“Emwa dan rre uwu ẹbu emwa mwẹ. Iran rre ihako zẹ vbe emwa ni rhuẹ ifi ne ọ mu ahianmwẹ, sokpan ifi ne ọ munọ emwa ọ re iran rhuẹ re.

Jerimaia 7:16

E Nọyaẹnmwa keghi kha wẹẹ, “Jerimaia, ghẹ na erhunmwu ne iran na, ghẹ viẹ ra ne u na erhunmwu ne iran, ghẹ rinmwian mwẹ rhunmwuda, mẹ i ra zẹ ye uẹ ẹre.

Eve Orriara 3:59

Ta ye ọghomwẹ wẹ rẹn vbe ne iran ho mwẹ ẹmwẹ hẹ.

Iyẹn ne ọ Maan Ọghe Jọn 10:32

Jesu tama iran wẹẹ, “Iwinna esiesi ni bun ne Erha viọ mẹ winna ọre I he sirra uwa winna, de ne uwa ra rhunmwuda ẹre filo okuta gbe mwẹ vbọ?”

Iyẹn ne ọ Maan Ọghe Jọn 15:25

Ẹ i mwẹ ọ ma gha ye vberriọ, ne emwi ne a gbẹn ye uwu Uhi iran miẹn ehe na sẹ wẹẹ, ‘Iran kegha khọ ẹko mwẹ ọghe edanmwidan!’

I Samuẹl 19:4

E Jonatan keghi tian e Devid ma e Sọl wẹẹ, “Dọmọ ọ, ghẹ ru e Devid ne ọguọmwadia ruẹ emwi ne ọ ma gba, ọ ma he ru emwi ne ọ ma gba ghe ruẹ ẹdẹ, sokpan, vbe ẹmwata, emwi ne ọ he ru hia, nẹ ọ rhie ere nọkhua gie uẹ ọ re ehia khin.