Jerimaia 18:18 - Edo Bible (E Baibol Ẹdo) Version 1996

¹⁸ Emwa nii keghi kha wẹẹ, “Wa gia gualọ vbene a gha ru ẹmwẹ e Jerimaia hẹ. A gha miẹn avbe ohẹn ne ọ gha ma ima emwi rhinrin, avbe umẹwaẹn ni gha bu ima ude, kevbe avbe akhasẹ ni gha ta ẹmwẹ Osanobua ma ima. Wa gie a mu ẹmwẹ kuan rẹn, ne a ghẹ ghi danmwehọ ẹmwẹ ne ọ ta.”

Jerimaia 18:18 ပူးပေါင်းရင်းမြစ်များ

II Samuẹl 15:31

E Devid ghi họn ighẹ Ahitofẹl vbe deba isọtẹ Absalọm, ọ keghi kha wẹẹ, “Nọyaẹnmwa, lahọ, fi ibude Ahitofẹl werriẹ khian ukọnmwẹ.”

II Samuẹl 17:14

Absalọm kevbe emwa rẹn keghi kha wẹẹ, “Iro ne Husiai zẹe ọ re ọ maa sẹ ọghe Ahitofẹl.” E Nọyaẹnmwa ta ẹe nẹ wẹ a i rhie iro esi ne Ahitofẹl zẹ rhunmwuda ne ọkhọ miẹn ehe na rruan Absalọm.

I Ọba 22:24

Ere Zedekaia na sikẹ Makaia, ọ na gbe ubi ye ọre aro, ọ wẹẹ, “De ẹghẹ ne orhiọn e Nọyaẹnmwa ghi vbe ya sẹ imẹ rae ya gha gu uwẹ guan yi?”

II Krọnikol 24:21

E Joas ne ọba keghi deba emwa nii khuan khẹ e Zẹkaraia, emwa nii keghi filo okuta gbe Zẹkaraia a vbe ẹghodo Ọgua Osa zẹ vbene ọba wẹ ne iran ru ẹe.

Psalm 21:11

Iran si uma, iran keghi khuan khẹ ọre. Sokpan ẹi dunna ne iran.

Psalm 52:2

U zẹ iro vbene u gha mu agbọn rhia ye ẹrrẹe obọ hẹ aranmwẹ ruẹn yevbe abẹe ne ọ mu, ẹghẹ hia ọ re u ya zẹ ohoghe ta.

Psalm 57:4

Eghian ni yevbe oduma ni rri ọmwa lẹga mwẹ. Akọn iran yevbe asoro kevbe ifẹnmwẹ, aranmwẹ iran yevbe umozo ne ọ mu.

Psalm 64:3

Iran lọ aranmwẹ iran zẹvbe umozo iran kegha ya ẹmwẹ ọkhọ kọn ọmwa zẹvbe ifẹnmwẹ.

Itan 18:21

Ẹmwẹ ne u tae sẹtin sinmwi ọmwa, ọ vbe sẹtin gbe ọmwa, rhunmwuda ọnii, u ghi mu egbe ne u ye egbe miẹn emwi ne ẹmwẹ ne unu ruẹn si rre.

Aizaia 32:7

Ọmwa dan ọ re ọzuọ khin, emwi dan ọ re ọ vbe ru vbe ẹghẹ hia. Ọ ghi kun ẹẹn ne ọ ya ohoghe gbe ovbiogue hin oghẹn rre, kevbe ne ọ ghẹ vbe gie emwi ne ọ khẹ ke iran sẹ iran obọ.

Jerimaia 11:19

Mẹ keghi yevbe oteghe ohuan ne ẹ i vbe begbe hiehiere, ne a mu ladian ne a ya gbe ẹe rua, mẹ ma vbe rẹn wẹ mẹ ọ re iran zẹ iro ọkhọ da. Iran kegha kha wẹẹ, “Wa gia kalọ erhan na kua, vbe egbe he rran rẹn na, wa gia gbe ẹe rua ne ọmwa rhọkpa ghẹ ghi ye ẹre rre ọvbehe.”

Jerimaia 18:11

Banbanna nian, tama ivbi e Juda kevbe Jerusalẹm wẹ, I wa khuan khẹ iran, I wa mu egbe ne I ya rri iran oya. tama iran ne iran dobọ uyinmwẹ dan ne iran yin yi, ne iran fi ohọ werriẹ kẹe kevbe emwi ne iran ru.

Jerimaia 18:19

Ẹre imẹ ghi na na erhunmwu wẹẹ, “Nọyaẹnmwa, danmwehọ ẹmwẹ ne I ta, ne u vbe danmwehọ ẹmwẹ ne avbe eghian mwẹ ta vbe ekpa mwẹ.

Jerimaia 2:8

Avbe ohẹn ma vbe nọ wẹẹ, “E Nọyaẹnmwa vboo?” Avbe ohẹn mwẹ ma rẹn mwẹ, avbe iran ni khaemwisẹ keghi sọtẹ mwẹ, avbe akhasẹ kegha ye eni e Baal guan yotọ iran kegha gho avbe amazẹ ni emwa maa.

Jerimaia 20:10

I ghi họn vbe agbọn hia tae wẹẹ, “Ohan gba ehe hia, wa gia ya gu ẹe gui ma iran ni khaemwisẹ.” Uhin ghe te avbe ọse mwẹ ni sikẹ mwẹ sẹẹ, khẹ ẹghẹ ne I gha ya de, iran wẹẹ, “Wẹ wẹ ẹ ghi gia rẹrẹ, ẹghẹ nii, obọ ima ghi vba ẹre ne a rria ẹre ikhi.”

Jerimaia 26:11

Ọ re avbe ohẹn kevbe avbe akhasẹ na tama avbe ọkaolotu kevbe emwa nii wẹẹ, “Te ọ kere ne a bu ohiẹn uwu gbe ọmwa na rhunmwuda, ọ taa ẹmwẹ dan gie ẹvbo ima na. Wa tobọ uwa ye ehọ uwa họẹn.”

Jerimaia 37:13

Sokpan, I ghi sẹ Onurho e Bẹnjamin arowa ne ọ gbearoghe avbe ivbiyokuo ni winna vbe evba, ọmwa ne a tie eni ẹnrẹn Irigia ne ovbi Sielemia kevbe eyẹ, Hananaia, keghi mu mwẹ mudia ọ wẹẹ, “Te u lẹ bu ivbi e Babilọn khian.”

Jerimaia 43:2

Ẹre Azaraia ne ovbi e Hosiaia, kevbe Johanan ne ovbi e Karea, kevbe avbe emwa nii hia nekpa fẹẹrẹ na tama mwẹ wẹẹ, “Ohoghe ọ re u ta, e Nọyaẹnmwa ne Osanobua mwa ma gie uẹ ne u tama ima wẹ ne ima ghẹ gha rrie Igipt ne a ya yin odọ nii.

Jerimaia 44:16

“Ma i ra zẹdẹ zẹ ye ẹmwẹ ne u ya eni e Nọyaẹnmwa tama ima.

Jerimaia 44:17

Emwi ne ima khare ighe ma ra ru hia ọ re ima ra ru. Ma gha zọ ese ghe avbe ẹbọ nokhuo ọghe ima ighe Ọba okhuo ne Ẹrinmwi, ma gha vbe gha sa ayọn ye otọ ne ẹẹn, zẹ vbene ima kevbe avbe erha mwa odede, avbe ọba ima kevbe avbe ọkaolotu ima ka ru ẹe dee yi vbe avbe ẹvbo e Juda, kevbe vbe adesẹ idunmwu ni rre Jerusalẹm. Vbe ẹghẹ nii, evbare keghi maa ne ima ọghe ọkpọkua, te agbọn wa gha maa ima ẹghẹ nii, ma ma vbe gha mwẹ ọlọghọmwa.

Jerimaia 8:8

Vbe uwa ra na sẹtin kha hẹ yi ighe wa wan, kevbe wẹ wa rẹn uhi mwẹ? Ghe avbe ọgbenbe ne ẹ i gia mu ẹtin yan, fi avbe uhi nii werriẹ nẹ.

Eve Orriara 3:62

Iyẹn mwẹ ọ re iran naa ne ebi ro iran ghi vbe gha si uma.

Ezikiẹl 7:26

Ọkhọ okpa gha lele ọvbehe. Iyẹn dan ghi gha gbe usun rre. Wa gha rinmwian avbe akhasẹ ne iran ta emwi ne iran miẹn. Avbe ohẹn i ghi ra miẹn emwi ma emwa ẹre, avbe eniwanrẹn i ra vbe miẹn ude bu.

Levitikọs 10:11

Wa ghi gha ma ivbi Izrẹl hia uhi ne I rhie la obọ Mosis gie uwa.”

Maika 3:6

“Wa ne avbe akhasẹ, ẹdẹ uwa rrie dọn ọn, ebi avan ra ro uwa. Rhunmwuda ne uwa na de emwa odẹ, wa i ghi ra miẹn umian akhasẹ ọvbehe, wa i ghi ra dọlegbe sẹtin ta emwi ne ọ gha he sunu ye otọ.”

Maika 3:7

Iran ni ta emwi ni gha he sunu ye otọ, efaa gha rruan iran vbe ọ ma ghi sẹ vberriọ. Emwiekhue gha rruan iran rhunmwuda Osanobua ma ghi zẹ ẹmwẹ wanniẹn iran.

Malakai 2:7

Iwinna avbe ohẹn nọ ne iran ma emwa irẹnmwi ẹmwata ọghe Osanobua. Te ọ kere ne emwa gha bu iran yo ne iran ya gha ruẹ emwi ne I ho, rhunmwuda iran ọrọre ukọ ọghe Nọyaẹnmwa ne Oghodua.

Iyẹn ne ọ Maan Ọghe Luk 11:45

Ọkpa vbe uwu iran ni ma emwa Uhi keghi tama rẹn wẹẹ, “Ọmamwaemwi, vbe ne u tae na, te u vbe zan ima ba ẹre!”

Iyẹn ne ọ Maan Ọghe Jọn 9:40

Eso vbe avbe Farisi ni rre evba ghi họn vbe ọ ta ẹmwẹ na, iran nọ rẹn wẹẹ, “Te ima ghi vbe rhu aro ra?”