Jerimaia 18:16 - Edo Bible (E Baibol Ẹdo) Version 1996

¹⁶ Iran ye otọe nii khian ọghe ohan ne a ra gha zan ẹdẹdẹmwẹdẹ emwa ni lae gberra hia gha miẹn emwi ne ọ gha ye izegbe zẹ iran vbọ ọ gha yan iran unu uan, iran ghi gha fieghe uhunmwu.

Jerimaia 18:16 ပူးပေါင်းရင်းမြစ်များ

I Ọba 9:8

Ọgua Osa na ghi do khian otiku ọrhiae, ọ ghi gha yan emwa hia ni la evba gberra unu an, ọ ghi gbe orrirri ku iran, iran ghi kha wẹẹ, ‘Vbọzẹ ne Nọyaẹnmwa na ru otọ na kevbe emwa na vbenian yi?’

II Krọnikol 29:8

Rhunmwuda ọnọna, e Nọyaẹnmwa keghi mu ohu ghe Juda kevbe Jerusalẹm, emwi ne ọ he ru iran ẹre kegha re ne ọ mu ohan kevbe ne ọ kpan emwa hia udu. Wa rẹn ọna ẹsẹse.

Psalm 109:25

Emwa gha beghe mwẹ iran ghi fieghe uhunmwu ọsọre mẹ.

Psalm 22:7

Emwa ni miẹn mwẹ hia, ya mwẹ gbogiẹ, iran yuo aranmwẹ ladian, iran gha rueghe uhunmwu iran.

Psalm 44:14

U ya ima khian emwi igbogiẹ vbe uwu ẹbu agbọn ẹvbo nibun iran gha fieghe uhunmwu iran da ima vbe ọghe ozan.

Aizaia 37:22

e Nọyaẹnmwa khare wẹẹ, “Ore nọkhua e Jerusalẹm gha giọ, wẹ ne Senakẹrib, ọ ya a gbe ogiẹ.

Aizaia 6:11

Mẹ keghi nọ wẹẹ, “Inu ẹghẹ ọ re ọ ra gha ye vbenian la vbe otọe yi e Nọyaẹnmwa?” Rẹn keghi wanniẹn wẹẹ, “Rhinrin avbe okpẹvbo nii tedo rẹnkhẹn uan ne ehia vbe dihoi rua, a te do miẹn wẹ avbe owa nii khian ne ẹvbo i ghi ye, a te do miẹn wẹ avbe otọe nii hia dihoi rua, ne ehia la ọrhiae rrie.

Jerimaia 19:8

I gha gie egbe ọkhọ vberriọ sunu vbe egbe ẹvbo na wẹ ọmwaikọmwa ne ọ rhirhi la ẹe gberra, orrirri ghi gbe ku ọre, ọ ghi yan ẹre unu uan.

Jerimaia 25:9

‘I khian gie ya tie avbe emwa ni rre odẹ okuọ hia rre, kevbe ọguọmwadia mwẹ ighe e Nebukiadneza ne ọba e Babilọn, I gha viọ iran rre, ne iran do gu e Juda kevbe emwa ni rre uwu ẹre gbinna. Kevbe avbe ẹvbo ni sikẹ ọre hia. I khian fuẹn uhunmwu ẹvbo na kevbe avbe uhunmwu ẹvbo ni lẹga ẹre, I ghi ya ehia khian itowa ẹdẹdẹmwẹdẹ, emwi ne ọ mu ohan ne ọ ye egbe ku ọmwa ohiọnhiọn. Mẹ ne Nọyaẹnmwa ọ re ọ tae.

Jerimaia 29:18

I gha ya okuo ohanmwẹ kevbe emianmwẹ khulo iran, agbọn ẹvbo ni rre agbọn gha runran ye emwi ne iran miẹn. Ehe hia ne I zagha iran gha rrie, emwi ne ọ sunu vbe egbe iran na gha yan emwa hia ni rhirhi miẹn iran unu an. Emwa gha ya iran gha gbogiẹ, a ghi vbe gha ya eni iran tie ihen.

Jerimaia 42:18

“E Nọyaẹnmwa ne Osanobua Izrẹl khare wẹẹ, ‘Zẹ vbe ne a hihiẹẹ izohu kevbe okuosu mwẹ yan ivbi e Jerusalẹm erriọ zẹ ọ re a gha hihiẹ okuosu mwẹ yan uwa adeghẹ wa kpao gha rrie Igipt. Wa gha khian ne ọmianmwẹ ughe, emwa gha ye uwa gha gbogiẹ, wa ghi khian ne a ya tie ihẹn ne ọmwa. Wa ighi dọlegbe ye aro uwa kan emwana ọvbehe.’ ”

Jerimaia 44:12

Zẹvbe ọghe ivbi e Juda ni ghi kee, ni vbe muegbe ne iran kpao gha rrie Igipt ne iran ya yin odọ nii, I gha miẹn wẹ a fuẹn iran hia a. Iran fẹẹrẹ, ke ni kpọlọ kevbe ni kanmwa, ehia gha wulo vbe Igipt, okuo ma ghi gbele iran an, iran gha khian emwi ne ọ mianmwẹ ughe, emwa gha ya iran gbogiẹ a ghi gha ya eni iran tie ihẹn.

Jerimaia 48:27

E Moab, ye rre vbene u gha ya ivbi Izrẹl gbogiẹ hẹẹ. U ke gha ru iran vbene a miẹn wẹ te a mu iran vbe uwu ẹbu otu izigan.

Jerimaia 49:13

“Mẹ tobọmwẹ vẹn ihẹn ne wẹ e Bozra gha khian ne ọ mianmwẹ ughe, ọ ghi vbe khian ato, emwa gha yae gha gbogiẹ, a ghi ya ẹe gha tie ihẹn. Avbe igue ni lẹga ẹre hia gha khian itowa ẹdẹdẹmwẹdẹ. Mẹ ne Nọyaẹnmwa ọ re ọ taa ẹe.”

Jerimaia 49:17

“Okuo ne ọ ra sunu vbe egbe Idọm gha mu ohan sẹ vberriọ wẹ ọmwa ne ọ rhirhi la evba gberra, ohan gha mu ẹn, afianma gha vbe fian ẹẹn.

Jerimaia 50:13

Rhunmwuda ohu mwẹ, ọmwa ne ọ gha yin e Babilọn i ghi rrọ, te a ra yae khian itowa, emwa ni la evba hia, ọ gha yan iran unu an, orrirri ghi vbe gbe ku iran.

Jerimaia 51:37

Ẹvbo ni gha khian utete itowa, ehe ne avbe aranmwẹ oha ghi dia. Te ọ khian gha mianmwẹ ughe, ọmwarhọkpa i ra yin evba, emwa ni miẹn ọẹn hia gha vbe runran.

Jerimaia 51:43

Avbe okpẹvbo ni rrọọ khian emwi ne ọ mianmwẹ ughe, ọ keghi vbe yevbe ato ne amẹ i ye, ehe ne emwa i ye a ma wẹ te emwa ra khian sọe.

Jerimaia 9:11

E Nọyaẹnmwa khare wẹẹ, “I gha ya Jerusalẹm khian otiku itowa, ehe ne avbe ekuaghagha dia; avbe okpẹvbo e Juda gha khian ato ehe ne emwarhọkpa i ghi ye.”

Eve Orriara 1:12

Ọ datu ma avbe emwa ni gberra khian wẹẹ, “Wa ghe mwẹ o, wa ni gberra khin a ma he miẹn ọmwa ne ọ miẹn egbe obalọ vbe ọghomwẹ na ẹdẹ. Obalọ ne Nọyaẹnmwa hihiẹẹ yan mwẹ vbe ohu mu ẹẹn.

Ezikiẹl 12:19

U ghi tama avbe uhunmwu ẹvbo hia wẹ uhunmwu na ọ re Nọyaẹnmwa ne Udazi gie gie ivbi e Jerusalẹm ni ye rre otọ iran. Iran gha guọ vbe iran a gha rri evbare, iran ghi vbe gha mian ba ẹmwẹ ohan vbe iran a gha wọn amẹ. A gha wabọ emwi hia hin otọe iran rre rhunmwuda iran ni rrọ, emwa dan iran khin.

Ezikiẹl 27:36

Ọwuẹ fo, ọfo vbe otọ ẹdẹdẹmwẹdẹ, avbe ekpatẹ ni rre otọe agbọn hia keghi wa runran, ohan mu iran wẹ ne emwi ne ọ rruan ruẹn ghẹ vbe do rruan iran.’ ”

Ezikiẹl 36:3

“Rhunmwuda ọnii nian guan yotọ ne u vbe ta vbene imẹ ne Nọyaẹnmwa ne Udazi kha hẹ, wẹẹ: Ẹghẹ ne avbe ẹvbo ni yin ke Izrẹl na khọn, iran na vbe fu emwi avbe oke Izrẹl hẹ, emwa hia keghi ya Izrẹl gbogiẹ.

Ezikiẹl 6:14

Vbe ẹmwata, I gha nien obọ mwẹ ladian, I ghi dunmwu ẹvbo iran an, I gha ya ẹe khian otọe ne ọ gbe ẹvbi ke ato ne ọ rre odẹ ekẹn kpao, ya sẹ ore Ribla vbe odẹ okuọ vbene I i ra na vbe sẹ okpa rae vbe uwu ẹvbo hia ne ivbi Izrẹl ghi ye nẹ. Ẹghẹ nii, emwa hia gha rẹn ighe mẹ ọrọre Nọyaẹnmwa.”

Levitikọs 26:32

I gha rẹnkhẹn ẹvbo rua sẹrriọ wẹ, ọ gha kpan avbe eghian ni di evba ya udu, vbe iran a miẹn vbene a dunmwu ẹn ruan hẹ.

Levitikọs 26:43

Sokpan vbe okaro ehia, a gha ka viọ emwa nii hin otọe nii rre nẹ ne ọ miẹn ehe na hẹwẹ khuerhẹ, iran ghi vbe rri oya nọ khẹke ye ne iran na he uhi mwẹ kevbe emwamwa mwẹ.

Maika 6:16

Emwi na hia gha sunu rhunmwuda emwi dan ne Ọba Ehab ne ovbi Ọmri gu ẹe, ọ re uwa vbe guẹ. Emwi ne iran mu gbọọ ọ re uwa lele, rhunmwuda ọnii, I gha fuẹn uwa a, emwa hia ghi gha zan uwa. Emwa hia ghi gha sọnnọ uwa vbe ehe hia.”

Matiu 27:39

Avbe ilavbodẹ kegha fieghe uhunmwu iran, iran keghi vbe gha ya ukpẹ sakan Jesu wẹẹ,

Iyẹn ne ọ Maan Ọghe Mak 15:29

Avbe ilavbodẹ kegha fieghe uhunmwu, iran na gha ya ukpẹ sakan ẹn wẹẹ, “Ẹbẹe, U ma wẹ u gha dunmwu Ọgua Osa sẹ otọ ne u ya ikpẹdẹ eha mu ẹn kpa!

Diuteronomi 28:59

A deghẹ wa ma ru vberriọ, ọ gha gie emianmwẹ ne ẹ i mwẹ ukhunmwu gie uwa kevbe avbe ivbi uwa ke ẹe kevbe egboghogbogho ne ọ mu ohuan ne ẹ i gie a dayi.

Diuteronomi 29:23

Oha ghi khian ehe ọrhiae ne ọ dihoi rua ne ugbofi kevbe umwẹ lẹ rhu, a i kọ emwi yọ, irunmwu i ra vbe zọ vbọ. Otọe uwa ghi yevbe avbe ẹvbo e Sọdom kevbe Gomorra, zẹ vbe Adma ke Zẹboim, ne e Nọyaẹnmwa dunmwu an vbe ohu kakabọ mu ẹẹn.