Jerimaia 18:13 - Edo Bible (E Baibol Ẹdo) Version 1996

¹³ E Nọyaẹnmwa keghi kha wẹẹ, “Wa nọ dọmwadẹ uhunmwu ẹvbo ghe adeghẹ egbe emwi vberriọ he ka sunu ẹdẹ. Ivbi Izrẹl ru a ghẹ ru nẹ!

Jerimaia 18:13 ပူးပေါင်းရင်းမြစ်များ

Aizaia 36:22

Ẹre Eliaikim, Siebna kevbe Joa na yanghan ukpọn iran an, iran na ya tama Hẹzekaia, ẹmwẹ ne avbe ivbiyokuo Asiria tae.

Aizaia 66:8

Wa he họn egbe ọre ẹdẹ ra, wa he miẹn egbe ọre ẹdẹ? Wa he miẹn uhunmwu ẹvbo ne a wa ya ẹdẹ ọkpa mu gbọọ? E Zaiọn i ra susẹ kpẹe a ke do mu uhunmwu ẹvbo ni gbọọ.

Jerimaia 14:17

E Nọyaẹnmwa keghi yan tama mwẹ wẹ ne I ta ẹmwẹ akhiẹ mwẹ ma emwa nii, ne I tama iran wẹẹ: “Te ameve gha lẹ vbe aro mwẹ ke avan kevbe asọn I i gha dobọ eve ne I viẹ iran re yi rhunmwuda ẹwẹn ne ọ da ọ re a fian avbe emwa mwẹ re, obọ wa vbe daa iran.

Jerimaia 18:14

Wa he miẹn vbe isonorhọ kae vbe oke Lebanọn ẹdẹ ra? Ẹzẹ ne ọ furre, ne ọ lẹ ke uhunmwu ẹnrẹn rre, he vbe ka ẹdẹ ra?

Jerimaia 23:14

Sokpan, I vbe miẹn wẹ avbe akhasẹ ni rre Jerusalẹm wa vbe rhia sẹẹ iran rhie amwẹ ẹrrẹe, iran vbe ta ohoghe, iran kpe ọbọbọ ne emwa ya gha ziba. Sẹrriọ wẹ a i ghi miẹn ne ọ dobọ emwi dan ne a ru yi. Zẹ vbe ne I miẹn iran, iran hia wa vbe rhia vbe ivbi e Sọdom kevbe Gomorra.

Jerimaia 31:4

I gha ye dọlegbe mu uwa agbọn mudia uhukpa, wa gha ye viọ emwi iku uwa uhukpa, wa ghi vbe gha ku vbe oghọghọ.

Jerimaia 5:30

Emwi ohan ne ọ gborrirri sunu nẹ vbe otọe nii.

Eve Orriara 1:15

“E Nọyaẹnmwa gie ivbiyokuo mwẹ ni wegbe sẹẹ hia ọ gie ivbiyokuo do fuẹn avbe igbama mwẹ ọ keghi piẹnpiẹn avbe emwa mwẹ gbe ua vbene a minọ alimo vbe okọ ayọn.

Hozia 6:10

Aro mwẹ miẹn emwi ne ọ ye izegbe zẹ ọmwa vbe Izrẹl. Emwa mwẹ mu awua ye egbe iran vbe ne iran na gha ru ẹbọ.

Emọs 5:1

Wa ne ivbi Izrẹl wa danmwehọ ihuan orinmwi ne I ra so yan uwa:

Emọs 5:2

Izrẹl ne uvbi de guọghọ ua, ẹ i ghi kpaegbe vbe otọ ẹdẹ! A he ẹe ye ehe ne ọ lovbiẹ yi vbe otọ. A ma miẹn ọmwa ne ọ si ẹe kpaegbe.

I Kọrinti 5:1

I họn ẹmwẹ uyinmwẹ alama oghẹ vbe obọ uwa, egbe ne ohan i gie avbe enigẹbọ danmwẹ ghe, rhunmwuda, a tama mwẹ wẹ arhin ọkpa rhie amwẹ erha ẹe rọnmwẹ.

I Samuẹl 4:7

Ohan keghi mu iran, iran keghi kha wẹẹ, “Ẹbọ la agọ iran: Ma wiri! Emwi vbenian ma he sunu vbe egbe ima ẹdẹ!