Jerimaia 17:27 - Edo Bible (E Baibol Ẹdo) Version 1996

²⁷ “Sokpan, te ọ kere ne iran gha họn ẹmwẹ mẹ, ne iran gha ru Ẹdẹ Ikẹtin zẹ vbe ẹdẹ nọhuanrẹn. Iran ghẹ mu ihẹikeikẹ la onurho e Jerusalẹm gberra vbe ẹdẹ vberriọ, iran gha danmwẹ ọẹn, I gha mu erhẹn ye onurho e Jerusalẹm. Erhẹn gha giẹn ẹguae ne ọ rre Jerusalẹm, ai ra vbe miẹn ọmwa ne ọ gha sẹtin dọ ẹre yọ.”

Jerimaia 17:27 ပူးပေါင်းရင်းမြစ်များ

II Ọba 22:17

Iran fi iyeke gbe mwẹ, iran keghi ya gha zọ ese ghe avbe ẹbọ ọvbehe, iran keghi rhunmwuda ọnii ya emwi ne iran ru hia gha ya ohu mu mwẹ. Ohu e Jerusalẹm mu mwẹ nẹ, ẹ i ghi dọyọ.

II Ọba 25:9

Ọ keghi giẹn Ọgua Osa a, kevbe ẹguae, kevbe owa emwa ni hin usi hia ni rre Jerusalẹm.

II Krọnikol 36:19

Ọ keghi giẹn Ọgua Osa kevbe ẹvbo ni sẹ otọ.

Psalm 122:7

Te ọfumwegbe gha rre uwu odin ruẹn, kevbe ai mwẹ ẹbe vbe uwu ẹguae ruẹ.”

Aizaia 1:20

sokpan, u gha yagha mwẹ, uhunmwu ọ re u ya khiẹ ọre, mẹ ne Nọyaẹnmwa ọre ọ tae.”

Aizaia 1:31

Zẹ vbene ogiọnmwẹ erhẹn kherhe sẹtin mu erhẹn ye irunmwu ne ọ kae, erriọ emwa dan ne emwa ẹtin ra ya fuẹn iran an, ọmwa ne ọ gha sẹtin dobọ ọfuan nii yi ẹ i rrọọ.

Jerimaia 17:24

“Tama avbe emwa na ne iran gha ye uhi mwẹ hia ru emwi. Iran ghẹ mu ihẹikeihẹ la onurho ẹvbo nii la owa vbe Ẹdẹ Ikẹtin. Iran ghi gha ru Ẹdẹ Ikẹtin ẹdẹ nọhuanrẹn, iran ghẹ vbe winna iwinna rhọkpa hiehiere.

Jerimaia 17:4

Wa gha vbe zobọ vbe otọe ne I te mu ne uwa, I ghi vbe ru ẹe ne uwa ya ga avbe eghian vbe otọe ne uwa ma rẹn emwi rhọkpa vbe ekpa ẹre rhunmwuda te ohu mwẹ ye vbe erhẹn, ọ gha vbe gha yọn rhinrin ẹdẹdẹmwẹdẹ.”

Jerimaia 18:1

E Nọyaẹnmwa keghi tama mwẹ wẹẹ,

Jerimaia 21:14

Sokpan, I gha rrio oya ye emwi ne u ru. I gha mu erhẹn ye ẹguae ruẹ, erhẹn ni gha giẹn emwi ni lẹga ẹre hia sotọ. Mẹ ne Nọyaẹnmwa ọ re ọ tae.”

Jerimaia 22:5

“Sokpan, a deghẹ wa ma ghi rhie ẹmwẹ ne I tae, I wa vẹn ihẹn ya tae ma uwa wẹ, ẹguae na gha khian itowa. Mẹ ne Nọyaẹnmwa ọ re ọ taa ẹe.

Jerimaia 32:29

Iran ghi vbe mu erhẹn yọ. Iran gha giẹn ọnrẹn sotọ, deba avbe owa nii ne emwa na ya gha ye ohu mu mwẹ vbekpa ne iran na gha giẹn eturari ne Baal vbe okpo, kevbe ne iran na gha sa ayọn imuohan kua ne avbe ẹbọ.

Jerimaia 39:8

Vbe uwu ẹghẹ na, ivbi Babilọn keghi giẹẹn ẹguae ọba sotọ ke ẹe kevbe owa avbe emwa nii, iran keghi vbe guọghọ ekẹn ne a gbe lẹga e Jerusalẹm kua.

Jerimaia 44:16

“Ma i ra zẹdẹ zẹ ye ẹmwẹ ne u ya eni e Nọyaẹnmwa tama ima.

Jerimaia 49:27

I gha mu erhẹn ye ekẹn e Damaskọs, I ghi vbe giẹn ẹguae e Bẹnhadad na. Mẹ ne Nọyaẹnmwa ne Oghodua taa ẹe nẹ.”

Jerimaia 52:13

Ọ keghi giẹẹn Ọgua Osa sẹ otọ deba owa emwa ni hin usi hia ni rre Jerusalẹm.

Jerimaia 6:17

Ẹre Nọyaẹnmwa na zẹ avbe abodẹ ne iran gha ra ehọ vbene okpe ne a kpe kha hẹ.” Sokpan iran keghi kha wẹẹ, “Ma i ra ehọ emwi rhọkpa.”

Jerimaia 7:20

Rhunmwuda ọnii, mẹ ne Nọyaẹnmwa ne Udazi gha gie ohu mwẹ ne ọ mwẹ ọghae hihiẹn yan Ọgua Osa na. I gha hihiẹ ọe yan emwa nagbọn kevbe avbe aranmwẹ oha, uhin ya sẹ egbe erhan kevbe emwiokọ. Te ohu mwẹ ra ye vbe erhẹn na i miẹn ọmwa ne ọ gha sẹtin dọ ẹre yọ.

Eve Orriara 2:6

Ọgua Osa ne ima na te ga ẹe ọ dunmwu ẹn ruan rẹnkhẹnrẹnkhẹn. Ẹdẹ iruẹmwi kevbe Ẹdẹ Ikẹtin. Ọ rhie ufomwẹ ye ehia. Ke avbe ọba kevbe avbe ohẹn ehia họn obọ ẹre vbe egbe.

Eve Orriara 4:11

E Nọyaẹnmwa keghi wa tue izohu ẹre ne ọ wegbe ladian; ọ keghi hie erhẹn ye Zaiọn, ne ọ wa gien ọnrẹn sotọ.

Ezikiẹl 16:41

Iran gha gien owa ruẹ sẹ otọ, iran ghi vbe gie avbe ikhuo do gha bi ghe oya ne a rri ọ re. I gha da ruẹ obọ igberagia ne u gbe yi, I ghi vbe ru ẹe ne u ghẹ ghi ya emwi ne avbe egbakhian ruẹn.

Ezikiẹl 21:15

Ọ gie ẹtin wa fo avbe emwa mwẹ iran ghi vbe gha rrua owẹ. I gha ye umozo ne ọ fi wain vbe ayan, yan gie ẹvbo nii, umozo ne ọ vbe mu egbe ne ọ ya gbe emwi.

Ezikiẹl 21:3

Mẹ ne Nọyaẹnmwa khare wẹ, eghian uwa ọ re imẹ khin, I gha yuo umozo mwẹ ladian, I ghi gbele uwa hia a, ke ne ọ re ọmwa esi ke ne ọ re ọmwa dan.

Ezikiẹl 22:8

Wa i yọghọ ne avbe ehe nọhuanrẹn, wa i vbe lele emwi ru vbe Ẹdẹ Ikẹtin.

Ezikiẹl 23:38

Ẹ i re ọnii ọkpa ọ re iran ru, iran vbe ru awua ye Ọgua Osa mwẹ, iran keghi vbe rraa iyi Ẹdẹ Ikẹtin ne imẹ mu gbọ.

Hozia 8:14

“Avbe ivbi Izrẹl bọlọ ẹguae nibun, sokpan iran mianmian Ayi ne ọ yi iran. Ivbi e Juda bu ẹvbo nibun ne a gbe odin gaa, sokpan, I gha gie erhẹn ne ọ gha ya giẹn ẹguae iran kevbe ẹvbo iran an.”

Emọs 1:10

Rhunmwuda ọnii, I gha mu erhẹn ye ekẹn ne a gbe lẹga e Taia, I ghi vbe giẹn odin ẹnrẹn hia sẹ otọ.”

Emọs 1:12

Rhunmwuda ọnii I gha rhu erhẹn ye ore Tẹman, I ghi giẹn odin e Bozra sẹ otọ.”

Emọs 1:14

Rhunmwuda ọnii, I gha mu erhẹn ye ekẹn ne a gbe ga e Raba, I ghi vbe giẹn odin ẹnrẹn sẹ otọ. Ẹghẹ nii, iran gha tu okokoko vbe ẹdẹ okuo, igbinna ghi gha khọn emwi hia khian zẹ vbe okpẹhoho.

Emọs 1:4

Rhunmwuda ọnii, I gha rhu erhẹn ye ẹguae ne ọ bọe ighe Hazaẹl ne Ọba, I gha giẹn ehia mu otọ ighe ẹvbo ne a gbe odin ga ọghe Bẹnhadad.

Emọs 1:7

Rhunmwuda ọnii, I gha mu erhẹn ye ekẹn ne a gbe ga e Gaza. I gha vbe giẹn odin ne a gbe ga ẹre hia a.

Emọs 2:2

I gha rhu erhẹn ye otọe Moab, I ghi vbe giẹn odin e Keriọt. Uwu owogho okuo, ọre ivbi e Moab ra wulo yi, ehe ne ivbiyokuo na goo, avbe okpe vbe tu.

Diuteronomi 32:22

Ohu mwẹ gha ba ghe odukhunmwu vbe erhẹn ọ ghi giẹn emwi hia ni rre agbọn uan. Ọ ghi sẹ agbọn ne ọ rre uwu otọ, ọ ghi giẹn inian ọghe avbe oke ua.

Hibru 12:25

Rhunmwuda ọnii nian, wa ghi mwẹ ẹwaẹn wa ghẹ rhie obọ khiọ ehọ ne uwa ghẹ miẹn ehe na họn ẹmwẹ ọmwa ne ọ guan. Iran nọ ma danmwehọ ọmwa ne ọ kpe orhu iyẹn ne ọ huanrẹn vbe agbọn na, ma miẹn uhunmwu. Vbe ọmwa ghi ra na miẹn uhunmwu hẹ khekherriọ deghẹ ọ wẹ rẹn i danmwehọ ọmwa ne ọ guan ke ẹrinmwi rre?