Jerimaia 17:23 - Edo Bible (E Baibol Ẹdo) Version 1996

²³ Avbe erha iran odede ma họn ẹmwẹ mẹ ra ne iran zẹ yọ mwẹ re. Sokpan iran keghi ze vbe udu, iran ma họn ẹmwẹ mẹ amawẹ ne iran ruẹ emwi vbe ehe ne I ye.

Jerimaia 17:23 ပူးပေါင်းရင်းမြစ်များ

Psalm 50:17

Wa wẹ wa i kue ne I dia uwa, wa he iyi mwẹ ye otọ.

Itan 1:3

Iran gha sẹtin ma ruẹn vbene a ya ye ẹwaẹn yin agbọn hẹ, kevbe vbene a ya mwẹ uyinmwẹ a i zẹ ibeleku, ẹmwata kevbe a ya obọ ọkpa mu emwa hia hẹ.

Itan 1:5

Avbe itan na gha sẹtin rhie ba ẹwaẹn avbe umẹwaẹn, ọ ghi vbe ru igiodẹ ma emwa ni rẹn ehe.

Itan 29:1

Adeghẹ te u wa dọlegbe zevbudu yọ ẹghẹikẹghẹ ne a ya guẹ gui ne a dia ruẹ ye odẹ, ẹdẹ ọkpa, emwi gha degbe uẹ, u i ra vbe miẹn uhunmwu vbọ.

Itan 5:12

Wẹ ghi do gha kha wẹẹ, “Vbe a na miẹn hẹ wẹ mẹ i zẹdẹ roiro? Vbọzẹ ne I i na gie ọmwaikọmwa dia mwẹ ye odẹ?

Itan 8:10

Zẹ igiodẹ mwẹ ye ihe esiliva, zẹ irẹnmwi ye ihe igoru ne ọ maa sẹẹ.

Aizaia 48:4

I rẹnrẹn ighẹ wa gha rhie ma ighẹ wa zevbudu wa na ye gbain vbe ematọn, kevbe ne ẹ i vbe vbokho zẹ vbe ẹgere.

Jerimaia 11:10

Iran wa dọlegbe gha rrie orukhọ avbe erha iran odede ni hee ne iran gha ru vbene I khare, iran gaa avbe ẹbọ ọvbehe. Izrẹl kevbe Juda, iran eveva ma ru vbene ile ne I gu avbe erha iran odede ta khare.

Jerimaia 19:15

Wẹ e Nọyaẹnmwa ne Oghodua, ne ọ re Osanobua Izrẹl khare wẹẹ, “Oya hia ne I khare ighe I gha rri iran re, I ra mu ẹẹn sẹ vbe egbe ẹvbo na kevbe avbe ẹvbo ni sikẹ ọre, rhunmwuda, wa zevbudu gbe, wa i vbe danmwehọ ẹmwẹ ne I ta.”

Jerimaia 32:33

Iran fi iyeke iran gbe mwẹ. a gha rhe miẹn wẹ te I gha ma iran emwi khian, iran ma danmwehọ ne iran vbe ruẹ emwi rhọkpa.

Jerimaia 35:15

I gie avbe eguọmwadia mwẹ i ghe avbe akhasẹ gie uwa, iran vbe tama uwa ne uwa mu emwi dan ne uwa ru fua ne uwa gha ru emwi ne ọ gbae, iran tama uwa ne uwa ghẹghi ga avbe ẹbọ ọvbehe, ne uwa miẹn ehe na gha yin otọe nii ne I mu ne uwa kevbe avbe erha uwa odede. Sokpan, wa ma danmwehọ mwẹ a ma wẹ te uwa ghi ra zẹ yọ mwẹ re.

Jerimaia 5:3

Vbe ẹmwata, emwi ne Nọyaẹnmwa gualọ ọrọre ayekhọe ga. Ọ fi uwa emwi sokpan wa ma zẹ yọ, ọ rẹnkhẹẹn uwa, sokpan, wa ma ye mwẹ ẹwaẹn wa keghi yin ehọ, wa ma vbe zobọ vbe orukhọ ne uwa ru.

Jerimaia 6:8

Ivbi e Jerusalẹm, wa gie avbe ọlọghọmwa na gha bu uwa ude, ne I ghẹ ya he uwa yotọ, I ghi ya ore ẹvbo rua khian ato, ehe ne ọmwarhọkpa i yin.”

Jerimaia 7:28

U ghi tama iran wẹ, uhunmwu ẹvbo iran i họn ẹmwẹ mẹ, mẹ ne Nọyaẹnmwa ne Osanobua iran, ra ne oya ne a rri iran re vbe gha rhie ẹwaẹn ne iran. A ye ekhọe ga wu nẹ. A i ghi dọlegbe guan kan rẹn ọvbehe.

Ezikiẹl 20:13

Uhin wẹ vbe uwu ato, iran ke wa gha yagha mwẹ. Iran rra uhi mwẹ, iran keghi vbe fi iyeke gbe iyi mwẹ ne ọ rhie arrọọ ne ọmwaikọmwa ne ọ ya ẹe ru emwi. Iran ke wa mu Ẹdẹ Ikẹtin rhiaa fẹẹrẹ, I te wa mu egbe ne I gie iran họn obọ ohu mwẹ vbe egbe vbe uwu ato nii, ne I wa fuẹn iran an.

Ezikiẹl 20:16

I yan eyan ni rhunmwuda, iran he iyi mwẹ yotọ, iran rra uhi mwẹ, iran keghi vbe mu Ẹdẹ Ikẹtin rhia, ẹbọ iran ne iran ga ọ re ọ yẹ iran sẹ.

Ezikiẹl 20:21

Sokpan, orre nii keghi vbe yagha mwẹ. Iran rra uhi mwẹ, iran ma ya iyi mwẹ ru emwi, iyi ne ọ rhie arrọọ gie ọmwaikọmwa ne ọ ya ẹe ru emwi. Iran mu Ẹdẹ Ikẹtin rhia. Mẹ te wa mu egbe ne I gie iran họn ẹmwẹ obọ ohu mwẹ vbe egbe vbe uwu ato vba, ke ne I wa gbele iran hia a.

Zẹfanaia 3:7

I te gha ro wẹ emwa mwẹ gha rhunmwuda ọnii da mẹ, ne iran rhan obọ miẹn emwi enọrẹn enegbe ne ima iran re, wẹ iran i ra mianmian emwi ne I ma iran re ẹdẹ. Sokpan, wanwanna, iran keghi wa suẹn gha ru emwi dan ne iran ka ru de yi.”

Iwinna 7:51

“Wa na ni zẹ udu gbee! Wẹ ne ekhọe ibisi, wa ni kan igban khiọ ehọ, ne ẹ i họn ẹmwẹ Osanobua. Vbene avbe erha uwa gha ye ọre uwa vbe ye. Orhiọn Ne Ọ Huanrẹn ọre uwa gu suan ẹdẹ.

Giọgis 6:10

I tama uwa wẹ mẹ ọrọre Nọyaẹnmwa ne Osanobua uwa, kevbe wẹ ne uwa ghẹ gho ẹbọ avbe emwa Amọri ne uwa di otọ ẹre ya na. Sokpan, wa ma zẹ yọ mwẹ re.”