Jerimaia 17:22 - Edo Bible (E Baibol Ẹdo) Version 1996

²² Ra ne iran vbe mu emwikemwi ladian vbe owa iran vbe Ẹdẹ Ikẹtin, iran ghẹ winna vbe Ẹdẹ Ikẹtin. Iran ghi ya ẹe ru ẹdẹ nọhuanrẹn, zẹ vbe ne I tama avbe erha iran odede.

Jerimaia 17:22 ပူးပေါင်းရင်းမြစ်များ

Nehimaia 13:15

Vbe ẹghẹ nii, I keghi miẹn emwa Juda vbe iran minọ alimo vbe Ẹdẹ Ikẹtin. Eso ọvbehe kegha kun ihẹ ọka, ayọn alimo, ọmọ ohọ kevbe ọvbehe yan ekẹtẹkẹtẹ iran ne iran viọ rrie Jerusalẹm. I keghi ya obọ sekhae ne iran wẹ ne iran ghẹ khiẹn emwi vbe Ẹdẹ Ikẹtin.

Ẹksọdọs 23:12

“Wa ghi ya ikpẹdẹ ehan winna sokpan vbe ikpẹdẹ ne ogihinrọn, wa ghẹ winna ne ẹmila uwa kevbe ekẹtẹkẹtẹ uwa miẹn ehe na hẹwẹ ne avbe eviẹn kevbe orhunmwuyẹn miẹn ehe na koko ẹtin.

Aizaia 58:13

E Nọyaẹnmwa khare wẹẹ, “A deghẹ wẹ ru Ẹdẹ Ikẹtin zẹ vbe emwi. nọhuanrẹn, ighẹ u ma gha do ẹki egbe ruẹ vbe ẹdẹ nẹdẹrriọ; a deghẹ u ka ẹdẹ mwẹ nọhuanrẹn yọ, ighe u na yọghọ ne ẹẹn vbekpa ne u i na ya ẹe yo okhian, ra ne u ya ẹe winna ra ne u gha gbe ikuẹmwẹ vbe ẹdẹ nẹdẹrriọ.

Jerimaia 17:24

“Tama avbe emwa na ne iran gha ye uhi mwẹ hia ru emwi. Iran ghẹ mu ihẹikeihẹ la onurho ẹvbo nii la owa vbe Ẹdẹ Ikẹtin. Iran ghi gha ru Ẹdẹ Ikẹtin ẹdẹ nọhuanrẹn, iran ghẹ vbe winna iwinna rhọkpa hiehiere.

Ezikiẹl 20:12

I keghi ya Ẹdẹ Ikẹtin ne a ya hẹwẹ ru ama ye ile ne ima gba ta, ne ọ gha ye iran rre wẹ te imẹ ne Nọyaẹnmwa ya iran khian nọhuanrẹn.

Ezikiẹl 22:8

Wa i yọghọ ne avbe ehe nọhuanrẹn, wa i vbe lele emwi ru vbe Ẹdẹ Ikẹtin.

Levitikọs 19:3

Dọmwadẹ ọghọe ghi gha ya ọghọ ne erha ẹe kevbe iye ẹe, wa ghi vbe gha ru avbe ugamwẹ Ẹdẹ Ikẹtin zẹ vbene I khare. Mẹ ọre Nọyaẹnmwa Osanobua uwa.

Levitikọs 23:3

Ikpẹdẹ ehan ọre uwa mwẹ ne uwa gha ya gha winna iwinna uwa, sokpan wa ghi yerre wẹ ẹdẹ ne ogihinrọn, ẹdẹ ikẹtin nọ. Vbe ẹdẹ nẹdẹrriọ, wa ghẹ winna, sokpan wa ghi si koko ne uwa ru ugamwẹ, Nọyaẹnmwa ọ re ọ yan ẹdẹ ikẹtin, ehe ne u rhirhi gha ye.

Zẹkaraia 1:4

Wa ghẹ gha ye vbe avbe erha uwa odede. Vbe ẹghẹ ne ọ kpee fua, avbe akhasẹ ta uhunmwu ne I giee gie iran ma iran, wẹ ne iran ghẹ gha ru emwi dan ra ne iran gha yin uyinmwẹ dan, sokpan iran ma zẹ yọ mwẹ re, ra ne iran họn ẹmwẹ mwẹ.

Iyẹn ne ọ Maan Ọghe Luk 23:56

Iran na dọlegbe gha rrie owa, iran keghi ya le ori ne ọ winhin kevbe emwi ne ọ winhin ọvbehe ne a ra ya wo egbe Jesu, ọ ghi sẹ Ẹdẹ Ikẹtin, iran keghi kẹtin zẹ vbe ne Uhi khare.

Iyẹn ne ọ Maan Ọghe Luk 6:5

Jesu keghi rhie tẹẹ wẹẹ, “Ovbi Ọmwa ọre ọ yan Ẹdẹ Ikẹtin.”

Arhie Maan 1:10

Vbe Ẹdẹ Nọyaẹnmwa, Orhiọn keghi hin yan mwẹ, I keghi họn urhu ne ọ la ọkpa ne ọ davan zẹ vbe okpe, ọ kegha guan vbe iyeke mwẹ.