Jerimaia 17:18 - Edo Bible (E Baibol Ẹdo) Version 1996

¹⁸ Fa iran ni kpokpo mwẹ uan, sokpan gie ẹe la mwẹ ban Nọyaẹnmwa. Ye ohan vuọn iran, sokpan, ghẹ runran mwẹ. Gie ọkhọ rruan iran, ne u dunmwu iran rẹnkhẹnrẹnkhẹn.

Jerimaia 17:18 ပူးပေါင်းရင်းမြစ်များ

Job 16:14

ọ kegha kuan mwẹ yan egbe yan egbe. Ọ keghi dekun mwẹ vbe ovbiyokuo ne ohu rhia ẹre uhunmwu an.

Psalm 35:4

Iran ni ho ne iran gbe mwẹ uan, te obọ gha ke ukhunmwu ne iran, ne a fa iran an. Iran ni si uma ẹkhokho khuan khẹ mwẹ, te a gha khu iran werriegbe ne iro han iran.

Psalm 35:8

Sokpan, ọkhọ gha rruan iran vbe iran te rẹn, ifi ne iran khuẹn gha munọ iran. Iran ghi ya uhunmwu mu emwi ne iran mwamwaẹn.

Psalm 40:14

Te obọ gha ke ukhunmwu ne iran ni ho ne iran gbe mwẹ uan te iro gha han iran. Iran ni ghọghọ ye ọlọghọmwa ne I ye, te a gha khulo iran werriegbe ne avbe fa iran an.

Psalm 70:2

Te obọ gha vba iran ni ho ne iran gbe mwẹ uan ne iro han iran. Iran ni ghọghọ ye ọlọghọmwa mwẹ, te a gha khu iran werriegbe ne a fa iran an.

Psalm 71:1

Nọyaẹnmwa, wẹ ọ re imẹ lẹgbinna, ghẹ gie obọ gba mwẹ.

Jerimaia 1:17

Mu egbe, Jerimaia, ya talọ avbe ẹmwẹ hia ne I we ne u tama iran, ma iran. Ghẹ gie ohan iran mu ẹẹn nian, ne a ghẹ miẹn wẹ te I ghi gie ohan iran mu ẹẹn sayọ vbe u gha sẹ ehe ne iran ye ne.

Jerimaia 11:20

Ọ re I na na erhunmwu wẹẹ, “E Nọyaẹnmwa ne Oghodua, ọbuohiẹn ne ẹ i bu eku ọ re uwẹ khin, wẹ ọ re ọ danmwẹ iro ekhọe emwa kevbe vbene emwi ye iran hẹ, ghe I mu ẹmwẹ enegbe mwẹ ye uwẹ obọ, rhunmwuda ọnii, gie aro mwẹ sẹ ọe vbe u gha rria iran na ikhi.”

Jerimaia 12:3

Sokpan wẹ rẹn mwẹ Nọyaẹnmwa; wẹ miẹn emwi ne I ru, kevbe vbene I ho ẹmwẹ ruẹn hẹ. Silo avbe emwa dan na gha khian zẹ vbe avbe ohuan ne a ra gbele ua. Gha baba iran ọ te sẹ ẹghẹ ne a gha ya gbele iran an.

Jerimaia 14:17

E Nọyaẹnmwa keghi yan tama mwẹ wẹ ne I ta ẹmwẹ akhiẹ mwẹ ma emwa nii, ne I tama iran wẹẹ: “Te ameve gha lẹ vbe aro mwẹ ke avan kevbe asọn I i gha dobọ eve ne I viẹ iran re yi rhunmwuda ẹwẹn ne ọ da ọ re a fian avbe emwa mwẹ re, obọ wa vbe daa iran.

Jerimaia 16:18

I gha ye iran ha osa ukhukhu eva ye orukhọ kevbe uyinmwẹ dan iran rhunmwuda, iran ya amazẹ ne ẹ i mwẹ arrọọ vbene ikun orinmwi ye, mu awua ye otọe mwẹ, iran keghi vbe ya ẹbọ ohoghe iran vuọn ehe hia.”

Jerimaia 17:13

E Nọyaẹnmwa, wẹ ọrọre idaehọ Izrẹl, ekhue gha mu iran hia ni he uwẹ yotọ a gha ho iran bẹkun zẹvbe eni ne a gbẹnnẹ ye ekhae rhunmwuda, iran hee uwẹ ne Nọyaẹnmwa yotọ nẹ, wẹ ne uhunmwu ẹzẹ amẹ ne ọ furre.

Jerimaia 17:16

Sokpan, mẹ ma kha wẹ ne u gie ọkhọ rruan iran Nọyaẹnmwa. Mẹ ma vbe kha wẹ ne iran miẹn ibaro. E Nọyaẹnmwa, wẹ rẹn ọnọna, wẹ rẹn ẹmwẹ ne I tae.

Jerimaia 17:19

E Nọyaẹnmwa keghi tama mwẹ wẹẹ, “E Jerimaia, ya ta uhunmwu ne I gie uẹ ẹre na vbe Onurho Emwa, ehe ne ọba e Juda la ladian kevbe ne ọ vbe la la ore ẹvbo, iyekọnii, u ghi vbe gha rrie avbe onurho nekpa ọghe Jerusalẹm.

Jerimaia 20:11

Sokpan, Nọyaẹnmwa ne ọ wegbe kevbe ne ọ mwẹ ẹtin mẹ ọ re uwẹ deba ẹ i ra dunna ne iran ni zẹ mwẹ kpokpo. A gha fa iran an ẹdẹdẹmwẹdẹ, rhunmwuda, ẹ i ra mwẹ uhunmwu ne iran. Ai ra mianmian efa ne ọ rruan iran ẹdẹdẹmwẹdẹ.

Diuteronomi 33:11

E Nọyaẹnmwa gie ẹwae iran gha wan yọ vbe iwegbe, gie emwi ne iran ru gha yẹ ruẹ, dunmwu eghian iran hia, ne iran ghẹ ghi guakpao ọvbehe.”

Arhie Maan 18:6

Vbene irẹn ru uwa, erriọ zẹ wa vbe ru ẹe. Emwi ne ọ ru, wa ru ẹre ha osa ukhukhu eva. Wa sa ayọn ne ọ ye ukhukhu eva wegbe sẹ ọghọe vuọn ukpu ẹre egbe ayọn ne irẹn mu khẹ uwa.