Jerimaia 17:14 - Edo Bible (E Baibol Ẹdo) Version 1996

¹⁴ Nọyaẹnmwa, mu mwẹ egbe rran, egbe gha wa rran mwẹ giẹnrẹn; yuo mwẹ ladian, I gha vbe fe vbe obọ ẹbe fẹẹrẹ, wẹ ọrọre ọmwa ne imẹ rho vbe uyi!

Jerimaia 17:14 ပူးပေါင်းရင်းမြစ်များ

Psalm 106:47

Miẹn ima fan, Nọyaẹnmwa Osanobua mwa, ne u viọ ima werriegbe ke uwu ẹbu avbe uhunmwu ẹvbo ladian, ne ima miẹn ehe na kpọnmwẹ ẹse ne a rho eni ruẹn ne ọ huanrẹn.

Psalm 109:1

I rho ruẹ Osanobua, ghẹ hunwan!

Psalm 119:94

Ọwuẹ ọ re imẹ khin, miẹn mwẹ fan! I wa hia nẹ ne I rhie iyi ruẹ mwẹ.

Psalm 12:4

“Ẹmwẹ unu ima ọ re ima ya miẹn emwi nẹ ima ho. Emwi ne ọ khọn ima ọre ima ra gha ta. Ọmwa ne ọ gha sẹtin gbe eta ye ima unu, ẹi rrọọ.”

Psalm 148:14

Ọ ye ẹvbo ẹre khian ne ọ wegbe, sẹrriọ wẹ te emwa rẹn hia rho ẹre, avbe ivbi Izrẹl, ni ghan ne ẹẹn ẹsẹse. Wa rho e Nọyaẹnmwa!

Psalm 54:1

Ya ẹtin ruẹn miẹn mwẹ fan Osanobua ya iwegbe ruẹ rhan mwẹ ye otọ.

Psalm 6:2

Egbe wọ mwẹ nẹ Nọyaẹnmwa, tohan mwẹ! Rhie orhiọn yọmwẹ iwu, rhunmwuda ẹtin fo mwẹ nẹ fẹfẹẹfẹ.

Psalm 6:3

Egbe ma rọkhọ mwẹ hiehie, vbua gha kpẹẹ sẹhẹ yi, Nọyaẹnmwa, u ke do yọmwẹ obọ?

Psalm 6:4

Gha de do miẹn mwẹ fan, Nọyaẹnmwa wọlọ mwẹ hin obọ uwu rre, rhunmwuda itohan ruẹn.

Psalm 60:5

Ya ẹtin ruẹn miẹn mwa fan, họn erhunmwu mwa ne a miẹn ehe na dẹ emwa ne u ho ẹmwẹ ọnrẹn werriegbe.

Aizaia 6:10

Rẹn keghi vbe tama mwẹ wẹẹ, “Gie ekhọe iran ne emwa na gbin, gie ehọ iran yin, ne aro iran vbe rhu. Ne iran ghẹ bẹghe ra ne iran họn, ra ne iran rẹn emwi ne a yae kha. Ọ gha gie iran ru, iran sẹtin fiwerriẹ bu mwẹ gha dee, mẹ ghi mu iran egbe rran.”

Jerimaia 15:20

Zẹ vbe ọghe ne ọ kan uwẹ kan iran, I gha ru ẹe ne u gha yevbe ekẹn ne ọ wegbe ne a ye oze gbe. Iran gha guẹ gbinna, sokpan, obọ iran i ra gba ruẹ. I gha mudia ke uẹ ne I degue ruẹ, ne emwi rhọkpa ghẹ ru uẹ.

Jerimaia 3:23

Avbe ẹbọ emwa ni ma yayi ne ima gha ghoo, vbe avbe uhunmwu oke, ma zẹdẹ yima obọ hiehiere. Ọ ghe Nọyaẹnmwa ne Osanobua mwa okpa ọ re iyobọ ke sẹ Izrẹl obọ.

Jerimaia 30:17

I gha ru ẹe ne egbe rran uwa, I gha kpe uwa ẹwẹn rrie, avbe eghian uwa gha rhe gha kha wẹẹ, ‘Evbahe ọ re Zaiọn khin; a i miẹn ọmwa ne ọ zẹye ọre re.’ Mẹ ne Nọyaẹnmwa tae nẹ.”

Jerimaia 31:18

“I họn vbe ivbi Izrẹl ye akhiẹ tae wẹẹ, ‘E Nọyaẹnmwa, te ima te yevbe aranmwẹ ne a ma rri sokpan, wẹ keghi ma iran re ne a gha họn ẹmwẹ. Viọ ima werriegbe rre, ma mu egbe ne a ya bu ruẹ gha dee, e Nọyaẹnmwa ne Osanobua mwa.

Jerimaia 33:6

Sokpan, I gha mu ẹvbo na egbe rran, kevbe emwa ni rrọọ, I ghi gie egbe rran iran. I gha rhie ọfumwegbe nọkhua kevbe ẹkun ne ọ sotọ ẹsẹse ne iran.

Nọmbas 12:13

Ẹre Mosis na datu tie Nọyaẹnmwa wẹẹ, “Osanobua, mu ẹre egbe rran.”

Matiu 14:30

Sokpan ugbẹn vbe ọ ghi miẹn ẹhoho, ohan keghi muẹn ọ na suẹn gha dinmwi ye uwu amẹ. Ọwarọkpa nii, ọ keghi datu wẹẹ, “Bu mwẹ rre Nọyaẹnmwa.”

Matiu 8:25

Avbe erhuanegbe keghi ya huẹn ọnrẹn, iran wẹẹ, “Nọyaẹnmwa, burre ighe ma wiri.”

Iyẹn ne ọ Maan Ọghe Luk 4:18

“Orhiọn Nọyaẹnmwa hin yan mwẹ. Ọ zẹ mwẹ nẹ ne I ya kpe orhu Iyẹn Ne ọ maa ma ivbiogue, ọ gie mwẹ ne I ya na iyẹn afanvbirri ma avbe oghunmwu, a dọlegbe bẹghe ne avbe arhuaro, ne afannọ iran na zẹ kpokpo ye otọ,

Diuteronomi 10:21

Wa gha rho ẹre, Osanobua rua nọ, aro uwa vbe sẹ emwi nọkhua kevbe ne ọ yan mwa unu uan ne ọ ru ne uwa.

Diuteronomi 32:39

“ ‘Mẹ, mẹ ọkpa kẹkan ọrọre Osanobua, Osanobua ẹmwata ọvbehe i ghi rrọọ. I gbe; I vbe huẹn, I fian ẹwẹn, I vbe kpe ẹwẹn rrie, ne ọ gha sẹtin gbe odan ye emwi ne I ru, ẹ i rrọọ.