Jerimaia 16:3 - Edo Bible (E Baibol Ẹdo) Version 1996

³ I gha tama ruẹn emwi ne ọ ra rruan avbe emọ ne a biẹlẹe vbe emwa na kevbe avbe evbibiẹ iran.

Jerimaia 16:3 ပူးပေါင်းရင်းမြစ်များ

Jerimaia 15:8

Ikhuo ni dẹgbẹ ni rre otọe uwa, bun sẹ ekhae ni rre ọkpẹn okun. I gbele avbe igbama uwa ye isẹrre I keghi ru ẹe ne usẹ gha sẹ iye iran, I ye akhiẹ nọkhua kevbe ohan fi iran emwi vbe udomwurri.

Jerimaia 16:2

“Ghẹ rhie okhuo, ghẹ vbe biẹlẹ emọ vbe ehe ne ọ ye vbe nian.

Jerimaia 16:5

“Ghẹ la owa ne a na khiẹ. Ghẹ vbe khiẹ ọmwarhọkpa. I i ghi gie egbe rọkhọ emwa mwẹ ọvbehe ra ne I ye ho ẹmwẹ iran ra ne I fiangbe iran.

Jerimaia 16:9

Danmwehọ ẹmwẹ ne I ra ta, mẹ ne Nọyaẹnmwa ne Oghodua, ne Osanobua Izrẹl. I gha dobọ urhu oghọghọ yi kevbe ọghe ọyẹnmwẹ, kevbe urhu oghọghọ evbare irhiọha. Emwa ni rre emwana gha rre agbọn ne aro iran sẹ ọe vbe emwi na a sunu.

Jerimaia 6:21

Rhunmwuda ọnii, I gha gie iran na rrua owẹ ne iran dele. Erha kevbe avbe emọ gha wulo, erriọ vbe nọ ne avbe ọse kevbe ẹdogbo.”

Ezikiẹl 24:21

Ne I ta ẹmwẹ na ma uwa ne ivbi Izrẹl wẹ Ẹtin Ọgua Osa ọ re uwa ya ghagha, ọ yẹ uwa ne a ghee, kevbe ne a yo, sokpan, e Nọyaẹnmwa ra ru ẹre awua. Avbe igbama ni rre ẹgbẹe uwa ne a ghi sẹrae ye Jerusalẹm, okuo gha gbele ehia.