Rhunmwuda mẹ ọrọre Nọyaẹnmwa ne Osanobua ruẹ, Osanobua nọhuanrẹn ọghe Izrẹl, ọmwa ne ọ miẹn ruẹn fan; I gha sẹ Igipt rae ne I miẹn ruẹn fan. I gha sẹ e Sudan kevbe Siẹba rae.
Ẹghẹ nii, I ghi gha re ama ne uwa, wa ghi vbe ru avbe emwi hia ne imẹ ru. E Nọyaẹnmwa khare wẹ, emwi vberriọ gha sunu nẹ, wa gha rẹn ighe irẹn ọrọre Nọyaẹnmwa Osanobua.”
Ẹdẹ nẹdẹrriọ, aranmwẹ ne ọ te sigba gha rhan, u ghi sẹtin gha guan, u ghi vbe do gu ẹe guan. Odẹ vbe nian, ọ re u gha ya gha re ama ne emwa nii, iran ghi rẹn ighe mẹ ọrọre Nọyaẹnmwa.”
Izrẹl ne emwa mwẹ gha rria Idọm ikhi mẹ, iran gha gie Idom hẹnmwẹ ohu ne ọ kakabọ mu mwẹ vbe egbe. Idom gha rẹn emwi ne ọ khin ne emwa gha re emwa ne I wẹ I ra rria ẹre ikhi.” E Nọyaẹnmwa ne Udazi guaan nẹ.
E Nọyaẹnmwa ọ re ọ yii avbe orhọnmwẹ, iyọkhọkọ kevbe Agho. Ọ ye ebiebi khian uwanmwẹ kevbe avan khian asọn. Ọ gha datie amẹ ni rre okun ọ ghi hihiẹ ọe ku otọ. E Nọyaẹnmwa ọrọre eni ẹnrẹn.