Jerimaia 16:20 - Edo Bible (E Baibol Ẹdo) Version 1996

²⁰ Ọmwa gha sẹtin ru ẹbọ ẹre ra? Hiehiere, adeghẹ ọ sẹtin, iran i ra gha re ẹbọ ẹmwata.”

Jerimaia 16:20 ပူးပေါင်းရင်းမြစ်များ

II Ọba 19:18

ọ na giẹn ẹbọ iran an, ẹbọ ne ẹ i re ẹbọ hiehie gberra avbe amazẹ erhan kevbe okuta ne emwa ne agbọn ye obọ ru.

Aizaia 36:19

De ehe ne iran ye nian ighẹ ẹbọ avbe Hamat kevbe Apad. Ẹbọ avbe Sefavim vbo? A miẹn ọmwa ne ọ miẹn Sameria fan ra.

Aizaia 37:19

Ọ keghi giẹẹn avbe emwi ne iran gho ua emwi ne ọ ma sẹ ne a gho ọ re iran gha khin, amazẹ erhan kevbe okuta kẹkan ọ re iran gha khin, emwi ne emwa ya obọ ru.

Jerimaia 2:11

Ẹvbo ọvbehe ne ọ he fi ẹbọ ne iran gho werriẹ i rrọọ, egbe ne iran i rhe ya re ẹbọ ẹmwata, sokpan, emwa mwẹ ya mwẹ rọ nẹ. Mẹ ne Osanobua ne ọ rhie uyi gie iran, iran keghi zẹ avbe ẹbọ ne ẹ i sẹtin ru emwi rhọkpa ne iran.

Jerimaia 5:7

E Nọyaẹnmwa keghi nọọn wẹẹ, “Vbọzẹ ne I gha na ya orukhọ emwa mwẹ bọ iran yi. Iran hee mwẹ yotọ nẹ, iran keghi ya gha ga ẹbọ ne ẹ i re emwirhọkpa. I kokoo emwa mwẹ ne ẹko vuọn iran. Sokpan, iran keghi ya gha ru ọghe, iran vbe igberagia keghi gba gha mu yọ mu hin.

Daniẹl 3:1

E Nebukiadneza ne ọba keghi ya igoru ma amazẹ ne uyomwẹ ọnrẹn keve uvbẹmwẹ ọnrẹn re ibata ekigbesiyisẹn, ọ keghi mu ẹẹn ye otọe ne ọ rriẹe ọghe Dura vbe iyaẹvbo e Babilọn.

Iwinna 19:26

Wa họẹn, aro uwa tobọ uwa vbe sẹ emwi ne oko na ne iran tie ẹre Pọl ru. Ọ wẹ ẹbọ ne a ya obọ ma i re ẹbọ hiehiere, obọ ẹre da otọ ne ọ ya fi emwa ekhọe werriẹ vbe Ẹfisọs mwa na, kevbe na wa kha wẹ la otọe Esia hia.

Galatia 1:8

Sokpan, adeghẹ ma nọ, ra odibosa ọre ọ ke ẹrinmwi rre, do kpe orhu iyẹn ne ọ maa ne ọ lughaẹn ne ọnii, ne ima ka kpe ma uwa, ẹrinmwi erhẹn ọrọre ọ ghe ẹe!

Galatia 4:8

Vbe ẹghẹ ne ọ gberra, wa ma rẹn Osanobua, wa keghi rhunmwuda ọnii gha re eviẹn avbe emwi ne ẹ i re Osanobua.