Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jerimaia 16:19 - Edo Bible (E Baibol Ẹdo) Version 1996

19 E Nọyaẹnmwa, wẹ ọrọre ọmwa ne ọ degue mwẹ kevbe ne ọ rhie ẹtin mẹ wẹ ọ re ọ yọmwẹ obọ vbe ọghe ibaro. Avbe uhunmwu ẹvbo gha ke ufomwẹ agbọn bu ruẹ rre do kha wẹẹ, “Avbe erha ima odede i mwẹ emwi rhọkpa gberra ẹbọ ohoghe, emwirhọkpa i rrọọ gberra amazẹ ne ẹ i mwẹ asa.

အခန်းကိုကြည့်ပါ။ ကော်ပီ




Jerimaia 16:19
55 ပူးပေါင်းရင်းမြစ်များ  

Emwa e Benhadad ne ọba keghi tama rẹn wẹẹ, “Ẹbọ emwa Izrẹl, ẹbọ ne uhunmwu oke iran khin, onii ọ si ẹe ne ivbi Izrẹl na khọn ima muotọ. Sokpan ma gha gu iran gbinna vbe otọe kẹkan, ẹ i mwẹ ma ma khọn miẹn iran otọ.


I tu tie Nọyaẹnmwa, ọ keghi fan mwẹ vbe obọ avbe eghian mwẹ. Wa rho e Nọyaẹnmwa.


Gie ẹmwẹ ne unu mwẹ, kevbe iziro ekhọe mwẹ, gha re ne uwẹ rhan obọ miẹn Nọyaẹnmwa ugue mwẹ kevbe Ọmiọnmwafan mwẹ.


Ọ gha degue mwẹ vbe ẹghẹ ibaro ọ gha rhie mwẹ lẹre vbe uwu Ọgua Osa ẹre, vbe ne ai na mwẹ ẹbe. Ọ ghi vbe gie ẹkun sẹ mwẹ otọ vbe uhunmwu okuta ne ọ yo.


Osanobua ọrọre ugue kevbe ẹtin mwa, ọ mu egbe vbe ẹghẹ hia ne ọ ya ru iyobọ vbe ẹghẹ ukpokpo.


E Nọyaẹnmwa ne Oghodua rrọ yaba mwa Osanobua Jekọb ọrọre ugue mwa.


E Nọyaẹnmwa ne Oghodua gu ima rrọọ Osanobua Jekọb ọrọre ugue ne ima.


Rẹn okpa kẹkan ọre ọ degue mwẹ ọ vbe miẹn mwẹ fan obọ ọmwa i ra gba mwẹ ẹdẹdẹmwẹdẹ.


Osanobua ọ re imiẹnfan mwẹ kevbe uyi mwẹ hẹnhẹn egbe yan; rẹn ọrọre ugue mwẹ ne ọ wegbe, rẹn ọrọre ehe ne I lẹre yi.


Abakuru mwa munọ ima gbotọ, sokpan, wẹ keghi ya iran bọ mwa.


Iran ne ukọ ẹvbo gha ke Igipt rre avbe ivbi e Sudan, gha tọn obọ mu na erhunmwu ghe Osanobua.


Uhunmwu ẹvbo ne uwẹ he yi hia, gha rre do ya uhunmwu rhanmwẹ otọ nuẹn iran gha rho ukpọlọmwẹ ruẹn.


Te Nọyaẹnmwa ye vbe owa ọkhẹ ne ọ wegbe, ehe ne emwa esi gha lẹ fi, iran ghi vbe miẹn uhunmwu.


Ivbiogue kevbe iran ne ẹ i mwẹ iyobọ lẹẹ bu ruẹ rre iran kegha rrọ vbe a i mwẹ ẹbe vbe ẹghẹ ibaro. U rhie ehe ne iran lẹre yi vbe ẹghẹ okpẹhoho, kevbe irhu vbe ẹghẹ owowo ne ọ tọn. Emwa dan gbinna zẹ vbe ẹhoho okhuakhua


Dọmwadẹ ọghọe vbe uwu iran ghi yevbe ehe ne a lẹre yi vbe ẹhoho a gha hoho, kevbe ehe ne a lẹ fi vbe ẹghẹ okpẹhoho. Iran gha yevbe ẹzẹ ni lẹ vbe uwu ato, zẹ vbe aghọnghọn okuta nọkhua vbe otọe ne o dihoi rua.


Ere ọkpa irrọ ne ọmwa ye ematọn ru amazẹ ne ọ gha gho ẹre zẹ vbe ẹbọ!


Ẹwaẹn ne ọ rre emwa ma vbe kpọlọsẹ ọghe ọmwa ne ọ rri emuẹn. Emwi akpa ne ọ rre ọre uhunmwu bibi ẹre odẹ sẹ vberriọ nẹ wẹ ẹ i ghi gia yọre obọ. Ẹ i sẹtin tae ma egbe ẹre wẹ amazẹ ne irẹn mu mwẹ obọ ighe ẹ i re Osanobua hiehiere.


E Nọyaẹnmwa kha ma Izrẹl wẹẹ, “Ẹfe Igipt kevbe Sudan gha khian ọwuẹ emwa ni taẹn ni rre Siẹba gha khian eviẹn ruẹn; iran gha lele uẹ vbe a ye eghan gbalọ iran, iran gha ghughẹrre nuẹn iran ghi miẹnkue wẹẹ, ‘Osanobua deba ruẹ rẹn ọkpa kẹkan ọrọre Osanobua.


E Nọyaẹnmwa keghi tama mwẹ wẹẹ, “I mwẹ iwinna ne ọ sẹ ọna ne I wa ye otọ khẹ ruẹ ọguọmwadia mwẹ. Ẹire ne u viọ ivbi Izrẹl ni ghi kẹe werriegbe ye ihe ukpọlọmwẹ ọkpa; sokpan, I gha vbe ya a ru uwanmwẹ, ọghe avbe uhunmwu ẹvbo ne a sẹtin miẹn otọ agbọn hia fan.”


Jerusalẹm, avbe uhunmwu ẹvbo, gha ye aro iran miẹn akhọnmiotọ ọwuẹ avbe ọba hia gha miẹn uyi ruẹ a gha he uwẹ eni ọgbọn eni ne Nọyaẹnmwa tobọ ẹre hee ruẹ re.


Emwi ne ọmwa maa ọ re iran na gho. A tọn erhan gbotọ vbe oha, owinna ghi ye emwi iwinna rẹn kaa iran.


Te avbe amazẹ vberriọ yevbe emuẹn muẹn ne a mu ye ugbo ogi, iran i sẹtin guan, te a dada iran khian, rhunmwuda, iran i sẹtin khian, wa ghẹ, gie ohan iran mu uwa, iran i mwẹ emwi okpa ne iran gha ru uwa ẹre iran i vbe sẹtin ru emwi okpa ne uwa.”


Adeghẹ iran ghi ye ekhọe iran hia rhan obọ miẹn iyayi avbe emwa mwẹ, iran na vbe gha ya ẹe vẹn ihẹn wẹẹ, ‘Zẹ vbene Nọyaẹnmwa na rrọọ’ zẹ vbene iran vbe ma emwa mwẹ ẹre ne iran gha ye eni e Baal vẹn ihẹn, ẹghẹ nii iran ghi do gha re efẹn okpa vbe uwu avbe emwa mwẹ, agbọn gha maa iran.


Wẹ ọrọre idaehọ okpa kẹkan ne Izrẹl mwẹ wẹ okpa kẹkan ọ re ọ miẹn ima fan vbe obọ ọfuan. Vbọzẹ ne u na ye vbe ọrriọvbe vbe otọe mwa? Zẹ vbe ọmwa ne ọ rre okhian, ne ọ gbe asọn okpa kẹkan?


Ghẹ khian ne afianma rẹn ghi fian mwẹ, wẹ ọrọre ehe ne I lẹ lao hin ẹbe rre, vbe ukpokpo a rre.


Ẹvbo ọvbehe ne ọ he fi ẹbọ ne iran gho werriẹ i rrọọ, egbe ne iran i rhe ya re ẹbọ ẹmwata, sokpan, emwa mwẹ ya mwẹ rọ nẹ. Mẹ ne Osanobua ne ọ rhie uyi gie iran, iran keghi zẹ avbe ẹbọ ne ẹ i sẹtin ru emwi rhọkpa ne iran.


Avbe ohẹn ma vbe nọ wẹẹ, “E Nọyaẹnmwa vboo?” Avbe ohẹn mwẹ ma rẹn mwẹ, avbe iran ni khaemwisẹ keghi sọtẹ mwẹ, avbe akhasẹ kegha ye eni e Baal guan yotọ iran kegha gho avbe amazẹ ni emwa maa.


Avbe ẹbọ emwa ni ma yayi ne ima gha ghoo, vbe avbe uhunmwu oke, ma zẹdẹ yima obọ hiehiere. Ọ ghe Nọyaẹnmwa ne Osanobua mwa okpa ọ re iyobọ ke sẹ Izrẹl obọ.


E Jerusalẹm ghi do gha re ne ọ ya ọyẹnmwẹ sẹ mwẹ, ne ọ mwẹ uyi, kevbe ne ọ ghan, ohan gha mu avbe uhunmwu ẹvbo hia ni rre agbọn na iran ghi vbe gha guọ vbe iran a họn emwi ni maa ne I ru ne Jerusalẹm, kevbe ọmaa ne agbọn ne I viọ la ẹvbo nii.”


ọ sẹtin gha re emwi ne ọ kere ne uwa, ne uwa gha ye eni mwẹ vinhẹn. Ẹghẹ nii avbe uhunmwu ẹvbo hia gha rinmwian mwẹ ne I fiangbe iran, iran ghi vbe gha rho mwẹ.”


Banbanna nian, tama avbe ihua ne uwa gba rre iwe vbene I kha hẹ. Mẹ ọre ọmwa ne ọ viọ iran gha rrie ẹvbo ne ọ rrei ne iran gha rre odọ, I keghi vbe zagha iran gba ẹvbo ọvbehe hia. Sokpan, vbe ọghe banbanna, I gha gu iran gha rrọ vbe ẹvbo ne iran ye.


E Nọyaẹnmwa davan ke Oke Zaiọn rre, urhu ẹre wa vannọ ke Jerusalẹm rre, iso keghi mu rueghe. sokpan, rẹn gha gbinna ne emwa rẹn.


E Nọyaẹnmwa khare wẹẹ, “Te ivbi e Juda wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Iran zan iruẹmwi mwẹ, iran ma vbe ya iyi mwẹ ru emwi. Ẹbọ ohoghe ne avbe erha iran ghoro, vbe dee iran odẹ nẹ,


E Nọyaẹnmwa wa maa ọ degue avbe emwa rẹn vbe ẹghẹ ibaro; ọ gbe aro ghe iran ni lẹ bu ẹre rre.


E Nọyaẹnmwa ne Udazi rhie iwegbe mẹ. Ọ ya owẹ mwẹ wo ye ulẹ zẹ vbe ẹrhuẹ; ọ keghi ya mwẹ di avbe oke nekhua ya, vbe a i mwẹ ẹbe.


Ọ gha sẹ ẹghẹ nii, uhunmwu ẹvbo nibun gha bu e Nọyaẹnmwa rre iran ghi khian emwa rẹn. Rẹn gha yin ehe ne uwa ye, wa gha vbe rẹn wẹ rẹn ọ re ọ gie mwẹ bu uwa gha dee.


Ke ehe ne agbọn sẹe vbe obọ na ya sẹ ehe ne ọ sẹe vbe obọ nọkpa, te emwa hia ya ọghọ mẹ. Ehe hia iran na giẹn eturari mẹ, iran ghi vbe gha zọ ese ne ọ gia rhan obọ miẹn. Te iran hia wa rhie ọghọ mẹ.


Iran fi ẹmwata ne ọ rre ẹmwẹ Osanobua werriẹ ya khian ohoghe. Iran keghi ga, iran na vbe gha ya uhunmwu rhanmwẹ otọe ne emwi ne Osanobua yi, ne iran gha na te gha ga Ayi Ne ọ yi tobọ ẹre, ne a gha rhie uyi na ẹdẹdẹmwẹdẹ, Isẹ.


Rhunmwuda wa rẹn osa ne a hae ya dẹ uwa hin obọ ẹre rre ighẹ uyinmwẹ ne ẹ i mwẹ ere, ne uwa miẹn vbe obọ avbe erha uwa odede. Ẹ i re avbe emi ne ọ fafaa, vbe ne avbe igoru vbe esiliva ye.


Odibosa ne ogihinrọn keghi fian okpe ọghọe re, a keghi họn urhu ni vannọ vbe ẹrinmwi kha wẹẹ, “Ẹtin ne a ya khaemwisẹ yan agbọn na, Nọyaẹnmwa kevbe Mẹzaia ẹre, ọre ọ ghi yan rẹn nian, ọ gha vbe gha khaemwisẹ ẹdẹ kevbe ẹdẹdẹmwẹdẹ.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ