Jerimaia 16:18 - Edo Bible (E Baibol Ẹdo) Version 1996

¹⁸ I gha ye iran ha osa ukhukhu eva ye orukhọ kevbe uyinmwẹ dan iran rhunmwuda, iran ya amazẹ ne ẹ i mwẹ arrọọ vbene ikun orinmwi ye, mu awua ye otọe mwẹ, iran keghi vbe ya ẹbọ ohoghe iran vuọn ehe hia.”

Jerimaia 16:18 ပူးပေါင်းရင်းမြစ်များ

Psalm 106:38

Iran gbele emọ ni ma rẹn okpa ọma rẹn eva nii, avbe uyinmwẹ izigha na keghi mu awua la ẹvbo.

Aizaia 24:5

Avbe emwa ru awua ye agbọn vbekpa ne iran na rra uhi Osanobua, kevbe ne iran ma na mu ẹẹn sẹ ighe ile ne ọ gu iran taa, emwi ne a wẹ ne ọ gha re ọghe etẹbitẹ.

Aizaia 40:2

Wa rhie igiọdu ne ivbi e Jerusalẹm wa khama iran ighẹ iran rrii oya kpee sẹ nẹ, ighẹ a ya orukhọ iran bọọ iran nẹ nian. I rrii iran oya sọkẹn ye orukhọ iran hia nẹ.”

Aizaia 61:7

Ekhue kevbe efaa ọghe uwa sẹ ufomwẹ. Otọe ọghe uwa ọ re uwa ghi ra gha ye a gha viọ ukhukhu eva ba ẹfe uwa oghọghọ uwa ghi gha rrọọ ẹdẹdẹmwẹdẹ.

Aizaia 65:6

“I mwamwa oya ne I gha rri iran re yotọ nẹ. Avbe gbẹn abe ne a bu gbe iran yotọ nẹ. Mẹ i ra fi aro ua vbe emwi ne iran ru, I gha ha ẹre werriegbe ne iran

Aizaia 65:7

ighẹ orukhọ iran kevbe orukhọ avbe erha iran odede. Iran giẹẹn eturari vbe uhunmwu oke ẹbọ, iran kevbe gha ya ukpe sakan mwẹ. Rhunmwuda ọnii, I gha rri iran oya zẹ vbene ọ khẹke orukhọ ne iran ru gberra.”

Jerimaia 17:18

Fa iran ni kpokpo mwẹ uan, sokpan gie ẹe la mwẹ ban Nọyaẹnmwa. Ye ohan vuọn iran, sokpan, ghẹ runran mwẹ. Gie ọkhọ rruan iran, ne u dunmwu iran rẹnkhẹnrẹnkhẹn.

Jerimaia 2:7

I keghi viọ iran gha die otọ ne ọ maa emwiokọ. Ne iran do gha ya emwiokọ ni rrọ ru, deba emwi ni maa ni rrọọ hia. Sokpan, ne iran gha na te ru vberriọ, iran keghi mu otọe mwẹ rhia. Iran keghi ru ẹvbo ne I mu ne iran awua.

Jerimaia 3:9

ekhue ma vbe mu ẹẹn hiehiere. Ọ ru otọ awua, ọ keghi ghẹ vbekpa ne ọ na gha gho avbe okuta kevbe erhan.

Jerimaia 44:4

I kegha giee avbe eguọmwadia mwẹ ighe avbe akhasẹ gie uwa, iran na vbe gha tama uwa ne uwa ghẹ gha ru avbe emwi dan na ne ẹ i yẹ mwẹ.

Jerimaia 7:30

“Ivbi e Juda ru emwi dan ọkpa, iran ya viọ amazẹ iran ne ọ sọnnọ mwẹ ye uwu Ọgua Osa mwẹ, iran keghi mu awua yọ.

Ezikiẹl 11:18

Iran gha dọlegbe rre, iran ghi viọ avbe ẹbọ iruẹn ne ọ zughu ọmwa ẹko ne iran a rhirhi miẹn kua.

Ezikiẹl 11:21

Sokpan, I gha rria iran ikhi ighe iran ni ho ne iran gha ga avbe ẹbọ iruẹn ni zughu ọmwa ẹko. I gha rria iran ikhi ye emwi ne iran ru.” E Nọyaẹnmwa ne Udazi guan nẹ.

Ezikiẹl 36:18

I keghi gie iran họọn obọ ohu mwẹ vbe egbe rhunmwuda izigha ne iran dee vbe otọe nii kevbe rhunmwuda avbe ẹbo ne iran ya mu awua yọ.

Ezikiẹl 5:11

Rhunmwuda ọnii, zẹ vbe Osanobua ne ọ rrọọ ne imẹ khin, vbenian ọ re e Nọyaẹnmwa ne Udazi khare, rhunmwuda ne uwa na ye avbe emwi dan ni hu ẹko ne uwa ru mu awua ye Ọgua Osa mwẹ, I gha giagia uwa gbotọ vbe ne a i na mwẹ itohan.

Hozia 9:7

Ẹghẹ ne a ya rri emwa oya rre nẹ, ẹghẹ ne a gha na ru emwa emwi ne ọ ma iran. Ọnii gha ghi sunu, Izrẹl gha vbe rẹn. Wa khare wẹẹ, “Akhasẹ na, akpa nọ, ọmwa ne a rhie ẹmwẹ ya giee ẹre uhunmwu na, te ọ mwẹmwẹ.” Wa na wa mu ohu mwẹ vberriọ, rhunmwuda, orukhọ uwa kpọlọ.

Levitikọs 26:30

I gha guọghọ ehe ne uwa na ga vbe uhunmwu oke hia, I ghi dunmwu aka ne uwa na giẹn eturari hia sẹ otọ. I ghi filo ikun orinmwi uwa yan amazẹ uwa ni dele. Vbe uwu ne emwi hia na khan mwẹ.

Maika 2:10

Wa kpaegbe ne uwa kpao, egbe rọkhọmwẹ i ghi rre emwa ọvbehe. Orukhọ ne uwa ru zẹ emwa na ye ne a ra fuan nẹ.

Arhie Maan 18:6

Vbene irẹn ru uwa, erriọ zẹ wa vbe ru ẹe. Emwi ne ọ ru, wa ru ẹre ha osa ukhukhu eva. Wa sa ayọn ne ọ ye ukhukhu eva wegbe sẹ ọghọe vuọn ukpu ẹre egbe ayọn ne irẹn mu khẹ uwa.