Jerimaia 16:14 - Edo Bible (E Baibol Ẹdo) Version 1996

¹⁴ E Nọyaẹnmwa khare wẹẹ, “Ẹghẹ dee ne emwa i ghi ra na gha ya eni mwẹ vẹn ihẹn wẹ Osanobua ne ọ rrọọ, ne ọ viọ ivbi Izrẹl ke otọe Igipt rre.”

Jerimaia 16:14 ပူးပေါင်းရင်းမြစ်များ

Psalm 81:11

“Sokpan avbe emwa mwẹ I danmwehọ mwẹ, Izrẹl ma họn ẹmwẹ mẹ.

Psalm 81:7

Ẹghẹ ne uwa na gha rre uwu ọlọghọmwa, wa kpe tie mwẹ, I keghi miẹn uwa fan, ehe ne I lẹre yi vbe uwu okpẹhoho, ọ re I ke rhie ewanniẹn ne uwa, I keghi danmwẹ uwa ghe vbe ẹzẹ Mẹriba.

Ẹksọdọs 20:2

Mẹ ọrọre Nọyaẹnmwa Osanobua ruẹ ne ọ rhie ruẹ ladian hin otọe Igipt rre, lahin owa ọviọnmwa.

Jerimaia 32:37

I ra ya si avbe emwa nii hia koko ke ehe ne I te zagha iran kui vbe ohu mu mwẹ, werriegbe gha die emwa na, I gha gie iran gha rrọ vbe a i mwẹ ẹbe.

Maika 6:4

I viọ uwa ke Igipt ladian, I fannọ uwa hin ọviẹn rre. I gie Mosis, Errọn kevbe Miriam, ne iran su uwa gha khian.

Diuteronomi 15:15

Wa ghi yerre wẹ, eviẹn wa gha a khin vbe Igipt, e Nọyaẹnmwa ne Osanobua uwa keghi fannọ uwa kua, ọna ọ si ẹe ne I na rhie uhi na ne uwa.

Diuteronomi 20:1

“De ghẹ wa yo okuo, ne uwa ya gu eghian uwa gbinna wa na miẹn ikẹkẹ okuo kevbe ẹsin kevbe ivbiyokuo ni bun sẹ ọghe uwa, wa ghẹ gie ohan iran mu uwa. E Nọyaẹnmwa Osanobua rua ne ọ viọ uwa ke Igipt ladian, gha rrọ yaba uwa.