Jerimaia 15:18 - Edo Bible (E Baibol Ẹdo) Version 1996

¹⁸ De emwi ne I rrioya khian ba? Vbọzẹ ne ẹwẹn mwẹ i na mwẹ ukhunmwu? Vbọzẹ ne iran i na rrie? Te uwẹ ho ne u hiẹ mwẹ ra zẹ vbe ẹzẹ ne ọ kae vbe ẹghẹ uyunmwu?”

Jerimaia 15:18 ပူးပေါင်းရင်းမြစ်များ

Job 14:11

“Zẹ vbe ẹzẹ ne amẹ i ghi na lẹ, kevbe avbe odighi ni kae,

Job 34:6

Ọ keghi kha wẹẹ, ‘I gha kha wẹ I rria abe, ohoghe ọre I ta ẹe, obọ da mwẹ gbe sokpan, I ma rukhọ.’

Psalm 6:3

Egbe ma rọkhọ mwẹ hiehie, vbua gha kpẹẹ sẹhẹ yi, Nọyaẹnmwa, u ke do yọmwẹ obọ?

Jerimaia 14:19

E Nọyaẹnmwa, te uwẹ wa he Juda fo fẹẹrẹ ra? Te uwẹ mu ohu emwa ni rre Zaiọn ra? Vbọzẹ ne u na mu ohu ima sẹ vberriọ yi ne a na miẹn wẹ, a i ghi sẹtin mu ima egbe rran? Ma rhie aro ye ọfumwegbe sokpan, emwi ọma rhọkpa ma sunu, ma rhie aro ye amu ọmwa egbe rran, sokpan, emwi ugborrirri ọ re ọ rre.

Jerimaia 14:3

Avbe iran ni fe gha gie eguọmwadia iran ne iran ya sa amẹ rre, iran yo uhae nibun sokpan amẹ i rrọọ, iran keghi viọ uru ohogha gha die owa, egbe wọ iran, iro han iran, iran keghi viọ aro lẹre rhunmwuda ekhue.

Jerimaia 20:18

Vbọzẹ ne a na biẹ mwẹ yi? Ne a ye efa rhie ufomwẹ ye ẹdẹ agbọn mwẹ?

Jerimaia 20:7

E Nọyaẹnmwa, u mu mwẹ rẹrẹ nẹ, mẹ keghi khian ne a mu rẹrẹ. U wegbe sẹ mwẹ, obọ ruẹ keghi ke ukhunmwu mẹ. Te emwa hia ghi ya mwẹ gbe ogie te iran ghi gie mwẹ ne ebi ro.

Jerimaia 30:12

E Nọyaẹnmwa keghi tama avbe emwa rẹn wẹẹ, “Ẹwẹn uwa i mwẹ ikhunmwu, ẹtẹ uwa i gia kpe ne ọ rrie.

Jerimaia 30:15

Wa ghẹ ghi talọ ye ẹmwẹ ẹwẹn uwa, ukhunmwu ne ọ ra mu uwa egberran i rrọọ I rri uwa oya vberriọ rhunmwuda orukhọ uwa bun uyinmwẹ dan uwa vbe kpọlọ.

Maika 1:14

Banbanna nian, wa ne ivbi e Juda, wa gbe ọkhian ẹdẹ hia ne emwa ni rre Morẹsiẹt Gat. Ọba Izrẹl i ra miẹn iyobọ vbe obọ ẹvbo ne a tie ẹre Akzib.

Maika 1:9

A i sẹtin kpe ẹwẹn e Sameria rrie, emwi vberriọ gha mian e Juda ban, ọfuan sẹ onurho e Jerusalẹm tobọ ẹre nẹ, ehe ne emwa mwẹ ye.”