Jerimaia 15:16 - Edo Bible (E Baibol Ẹdo) Version 1996

¹⁶ Wẹ gunmwẹ guan, I keghi rhie ehọ ye ẹmwẹ hia. Ọwuẹ ọ re imẹ khin Nọyaẹnmwa, Osanobua ne Oghodua, rhunmwuda ọnii ẹmwẹ ruẹn keghi ya oghọghọ kevbe ọyẹnmwẹ vuọn ekhọe mwẹ.

Jerimaia 15:16 ပူးပေါင်းရင်းမြစ်များ

Nehimaia 8:12

Rhunmwuda ọnii, emwa ni hia ke gha rrie owa. Iran na ya re, iran na da vbe ẹko rhiẹnrhiẹnmwẹ, iran na ghae ne emwa ọvbehe vbe emwi ne iran mwẹ rhunmwuda, emwi ne a tie ma iran, la iran ehọ.

Job 23:12

Emwi ne Osanobua tae ọ re I ru vbe ẹghẹ hia; emwi ne ọ ho ọre I ru, ẹ i re ọghomwẹ.

Psalm 119:111

Iyi ruẹ, ẹfe etẹbitẹ mwẹ nọ, emwi ọyẹnmwẹ uwa ọ re ọ khin mwẹ re.

Psalm 119:16

Avbe uhi ruẹ sẹ mwẹ ọyẹnmwẹ mẹ i ra vbe mianmian iyi ruẹ.

Psalm 119:72

Uhi ne uwẹ rhie ne emwa vuọn mwẹ aro ẹsẹse sẹ igho ni rre agbọn na hia.

Psalm 119:97

A miẹn vbene I ho ẹmwẹ uhi ruẹ hẹ, te I wa mu ẹẹn ro ne ebi ro.

Psalm 19:10

A rhie aro yọ sẹ igoru ne ọ ghi hian sẹẹ iran rhiẹnrhiẹn sẹ owọn ne ọ ghi hian sẹ.

Jerimaia 14:9

Vbọzẹ ne u na ye vbe ọmwa ne emwi yan ẹre unu uan, zẹ vbe ovbiyokuo ne ẹ i mwẹ ẹtin ne ọ gha ya ru iyobọ? Vbe ẹmwata, wẹ rrọọ yaba mwa, Nọyaẹnmwa emwa ruẹn ma khin, ghẹ he mwa yotọ.

Ezikiẹl 2:8

“Ovbi ọmwa, danmwehọ ẹmwẹ ne I tama ruẹn. Ghẹ sọtẹ vbene iran ye. Rhan unu uan ne u rri emwi ne I ra rhie ne uẹn.”

Maika 2:7

Te uwẹ ro ighe te a fi ivbi Izrẹl unu ra? E Nọyaẹnmwa i ghi sẹtin ziengbe ra? Rẹn gha gele ru egbe emwi vberriọ ra? E i ghi gu iran ni ru emwi esi guan rọkhọrọkhọ ra?”