Jerimaia 15:15 - Edo Bible (E Baibol Ẹdo) Version 1996

¹⁵ Ẹghẹ nii ọ re imẹ na kha wẹẹ, “E Nọyaẹnmwa, wẹ rẹn vbene emwi yẹ hẹ. Ye mwẹ rre ne u yọmwẹ obọ. Gun mwẹ sẹtin rria iran ni zẹ mwẹ kpokpo ikhi. Ghẹ ziengbe ne obọ iran gba mwẹ ya rhie gbe ua yerre wẹ rhunmwuda ruẹ ọ re a na rhovbiẹ mwẹ.

Jerimaia 15:15 ပူးပေါင်းရင်းမြစ်များ

Nehimaia 13:22

I keghi tama avbe Livai wẹ ne iran họnmwẹ egbe ne iran ya gha khẹ Urho, ne iran miẹn wẹ a ma ru Ẹdẹ Ikẹtin awua. Osanobua vbe ye mwẹ rre vbe ọnọna, ne u vbe fan mwẹ ye otọ rhunmwuda ahọ ẹmwẹ ọmwa ruẹn.

Nehimaia 13:31

I keghi mwamwa ẹn wẹ ne iran gha ho erhan ne a ya giẹn emwi izọ ese rre vbe ẹghẹ, kevbe wẹ ne emwi ni gha viọ emwi imuohan ọghe ọka ne a ka fian kevbe ọmọ erhan ne ọ ka vbọ rre. Ye ena hia rre Osanobua, ne u san mwẹ ẹse ẹre.

Nehimaia 5:19

Osanobua, lahọ, u ghi ye mwẹ rre vbe ne ọ maa, vbe ekpa emwi hia ne I ru ne avbe emwa na.

Nehimaia 6:14

I keghi na erhunmwu wẹẹ, “Osanobua, ghe emwi ne Tobaia kevbe Sanbọlat ru, ne u rri iran oya. Vbe ye okhuo ni rre ighẹ Nodaia kevbe avbe akhasẹ nekpa, emwa ni te gha ho ne iran ha mwẹ.”

Job 10:7

U rẹnrẹn wẹ I ma rria abe. Ọmwa ne ọ gha sẹtin wọlọ mwẹ hin obọ ruẹ rre, ẹ i rrọọ.

Psalm 102:24

Osanobua, ghẹ rhie mwẹ kpao ẹghẹ na, vbe ẹ i re te I khian ọmaẹn nẹ. O Nọyaẹnmwa, wẹ rrọ ẹdẹdẹmwẹdẹ.

Psalm 106:4

Nọyaẹnmwa, u gha ye emwa ruẹn obọ, u gha miẹn iran fan, u ghi rhie mwẹ ba ẹre Nọyaẹnmwa.

Psalm 119:84

Vbia gha ye mudia kpee sẹ hẹ yi? De ẹghẹ ne u gha ya rria iran ni kpokpo mwẹ ikhi?

Psalm 17:3

U gba ekhọe mwẹ. Wẹ ka bu mwẹ rre yi vbe asọn, u gualọ otọ mwẹ fo fẹẹrẹ. U ma vbe miẹn iho emwi dan vbe uwu ekhọe mwẹ, I ma ta ẹmwẹ dan.

Psalm 39:13

Rhie obọ hin mwẹ ẹkun rre, ne I vbe fanmwegbua kherhe, a te do miẹn wẹ, I kpao gha rriẹ vbene a i ghi na miẹn mwẹ ọvbehe.

Psalm 44:22

Sokpan, rhunmwuda ruẹ, ọ re ima na khian ne a ghi gbele ua vbe ẹghẹ hia ne a na ru ima zẹvbe ohuan ne a ra gbele ua.

Aizaia 38:3

“Yerre Nọyaẹnmwa wẹ, ekhọe mwẹ hia ọ re I ya ga a vbe ne a i na ru ero. Kevbe wẹ te I wa hia ne I ru vbene u ho ne I ru vbe ẹghẹ hia.” Ọ keghi viẹ ua ghẹghẹghẹ.

Jerimaia 12:3

Sokpan wẹ rẹn mwẹ Nọyaẹnmwa; wẹ miẹn emwi ne I ru, kevbe vbene I ho ẹmwẹ ruẹn hẹ. Silo avbe emwa dan na gha khian zẹ vbe avbe ohuan ne a ra gbele ua. Gha baba iran ọ te sẹ ẹghẹ ne a gha ya gbele iran an.

Jerimaia 15:10

U miẹn agbọn ne I ye, vbọzẹ ne iye mwẹ na biẹ mwẹ ye agbọn na? Te I ghi gu emwa hia ni rre otọe na gui, I ghi gha gu iran gbe agbanmwẹ I ma rhie igho ne ọmwa mọmọ, I ma mọmọ ọmwa rhọkpa ẹre, sevba emwa hia gha rhovbiẹ mwẹ.

Jerimaia 15:20

Zẹ vbe ọghe ne ọ kan uwẹ kan iran, I gha ru ẹe ne u gha yevbe ekẹn ne ọ wegbe ne a ye oze gbe. Iran gha guẹ gbinna, sokpan, obọ iran i ra gba ruẹ. I gha mudia ke uẹ ne I degue ruẹ, ne emwi rhọkpa ghẹ ru uẹ.

Jerimaia 17:16

Sokpan, mẹ ma kha wẹ ne u gie ọkhọ rruan iran Nọyaẹnmwa. Mẹ ma vbe kha wẹ ne iran miẹn ibaro. E Nọyaẹnmwa, wẹ rẹn ọnọna, wẹ rẹn ẹmwẹ ne I tae.

Jerimaia 18:23

Sokpan, Nọyaẹnmwa, wẹ rẹn emwamwa iran wẹ ne iran ghe mwẹ uan. Ghẹ ye ọkhọ iran bọ iran, ra ne u ya orukhọ iran bọ iran. Mu iran gbotọ ne obọ ke ukhunmwu ne iran, ne u vbe ye obọ mu iran vbe ohu a gha mu uẹn.”

Jerimaia 20:11

Sokpan, Nọyaẹnmwa ne ọ wegbe kevbe ne ọ mwẹ ẹtin mẹ ọ re uwẹ deba ẹ i ra dunna ne iran ni zẹ mwẹ kpokpo. A gha fa iran an ẹdẹdẹmwẹdẹ, rhunmwuda, ẹ i ra mwẹ uhunmwu ne iran. Ai ra mianmian efa ne ọ rruan iran ẹdẹdẹmwẹdẹ.

Jerimaia 20:12

Sokpan, e Nọyaẹnmwa ne Oghodua wẹ danmwẹ emwa ghe vbene ọ kei yi; wẹ rẹn emwi ni rre ekhọe kevbe ẹko iran. Rhunmwuda ọnii, gun mwẹ miẹn vbe u rria avbe eghian mwẹ ikhi, rhunmwuda, wẹ ọ re I rhie ẹdagbọn mwẹ ye ọre obọ.

Jerimaia 20:8

Ẹghẹikẹghẹ ne I rhirhi a ya guan I ghi gha tie, “Ọkhọ kevbe Ọfuan.” Nọyaẹnmwa, I khian ne a ghi ya gbe ogie kevbe ne a zan vbe ẹghẹ hia, rhunmwuda ighẹ I ta uhunmwu ne u gie.

Eve Orriara 3:64

“Rri iran oya ye emwi ne iran ru Nọyaẹnmwa.

Eve Orriara 3:66

Zọ uhio owẹ iran, ne u gie iran gbẹro vbe agbọn na!”

Matiu 10:22

Emwa hia gha mu ohu uwa rhunmwuda mwẹ. Sokpan ọmwa ne ọ mu uhunmwu kọe ya sẹ ufomwẹ, a gha miẹn rẹn fan.

Matiu 19:29

Debare, ọmwaikọmwa ne ọ sẹ owa rae kevbe etẹn nikpia, etẹn nikhuo, erha ra iye, emọ ra ugbo rhunmwuda mwẹ, ukhukhu iyisẹn avbe emwi na hia gha sẹ ọre obọ deba ẹfe ne ẹ i mwẹ ọfo.

Iyẹn ne ọ Maan Ọghe Luk 21:17

Agbọn hia ghi wa gha khuiwu uwa rhunmwuda mwẹ.

Ebe ne Pọl gbẹẹn gie emwa Rom 12:19

Ọse mwẹ, ghẹ rria ikhi, sokpan, gie izohu Osanobua ruẹe, rhunmwuda ebe tae wẹẹ, “I gha rria ikhi, I gha ruẹe werriegbe, erriọ Nọyaẹnmwa khare.”

Ebe ne Pọl gbẹẹn gie emwa Rom 8:35

De ọmwa ne ọ gha sẹtin wannọ ima hin ahoẹmwọmwa ọghe Kristi rre yi? Orueghe nọ ra ọlọghọmwa, ra ukpokpo ra ohanmwẹ ra ogue, ra ẹbe ra uwu?

II Kọrinti 5:11

Ma rẹn emwi ne a yae kha wẹ, ne a gha mu ohan Nọyaẹnmwa, ma keghi rhunmwuda ọnii ho ne a gha bọ emwa yọ. Osanobua rẹn ima fo fẹẹrẹ, mẹ vbe yayi wẹ, vbe uwu ekhọe uwa, wa vbe rẹn mwẹ.

II Timoti 4:14

Emwi ne ọ ru mwẹ re ima ighẹ Alẹkzanda ne ogun ẹrọnmwọ. E Nọyaẹnmwa gha vbe ha ẹre osa emwi ne ọ ru.

Arhie Maan 18:20

Wa ne ẹrinmwi, wa gha ghọghọ ye ne okhuo na na fuan! Wa ne emwa Osanobua, wa gha ghọghọ, kevbe avbe ukọ kevbe avbe akhasẹ. Rhunmwuda emwi ne okhuo na ru uwa ẹre, ẹre Osanobua rria ẹre ikhi yi na.

Arhie Maan 6:10

Iran keghi ye urhu ne ọ la datu wẹẹ: “Oghodua Nọyaẹnmwa, ne ọ huanrẹn kevbe ọmwa ẹmwata. Vbe ọ gha kpẹe sẹ hẹ yi u ke ya bu ohiẹn emwa ni rre agbọn, ne u vbe rri iran oya ye ne iran na gbele ima uan?”

Giọgis 16:28

Ẹre Samsin na na erhunmwu wẹẹ, “E Nọyaẹnmwa Osanobua ne Udazi, lahọ ye mwẹ rre, lahọ Osanobua, ye rhie ẹtin mẹ uhukpa na, ne isẹtin ya emwi ne I ghi fi uhukpa na rria ikhi ne ọ khẹke emwa Filistia ye aro mwẹ eveva.”