Jerimaia 15:13 - Edo Bible (E Baibol Ẹdo) Version 1996

¹³ E Nọyaẹnmwa keghi tama mwẹ wẹẹ, “I gha gie avbe eghian rre ne iran do viọ ẹfe kevbe emwi ewe ọghe avbe emwa mwẹ, ne a miẹn ehe na rri iran oya ye orukhọ ne iran hẹẹ gba otọe na hia.

Jerimaia 15:13 ပူးပေါင်းရင်းမြစ်များ

Psalm 44:12

U khiẹnnẹ emwa ruẹn ọpuẹkẹ kua vbene a miẹn wẹ ive tunnẹ ọre u tie ye iran uhunmwu.

Aizaia 52:3

E Nọyaẹnmwa ne Udazi tama emwan rẹn wẹẹ, “Ẹghẹ ne uwa na khian eviẹn, a ma ha osa ye uwa uhunmwu, erriọ vbe nọ ẹghẹ ne a gha na fannọ uwa kua, a i ra vbe ha osa yọ.

Aizaia 52:5

Egbọre ọ re ọ vbe sunu vbe Babilọn na, oghunmwu ọ re uwa khin, a ma vbe ha osa rhọkpa ye uwa uhunmwu. Ẹghẹ hia ọ re iran ni khaemwisẹ yan uwa ya rhuọ, iran vbe ghagha, iran ghi gha ya unu rhia mwẹ uan.

Jerimaia 15:8

Ikhuo ni dẹgbẹ ni rre otọe uwa, bun sẹ ekhae ni rre ọkpẹn okun. I gbele avbe igbama uwa ye isẹrre I keghi ru ẹe ne usẹ gha sẹ iye iran, I ye akhiẹ nọkhua kevbe ohan fi iran emwi vbe udomwurri.

Jerimaia 17:3

Kevbe avbe oke nekhua vbe oha. I gha gie avbe eghian uwa viọ avbe ẹfe emwi ewe uwa gha rrie rhunmwuda avbe orukhọ hia ne uwa he ru lele otọe uwa hia.

Jerimaia 20:5

I gha vbe gie avbe eghian iran fu iran ẹfe ni rre ẹvbo na viọ gha rrie, iran ghi vbe ya ẹtin viọ ẹfe ni rrọọ kevbe emwi ne iran mwẹ hia, ya sẹ egbe emwi ewe ọghe avbe ọba e Juda, iran ghi viọ emwi hia gha rrie Babilọn.

Ezikiẹl 38:13

Ivbi e Sieba kevbe Dedan, kevbe avbe ikpatẹ ni ke Spen rre gha nọ uwa wẹẹ, ‘Te uwa si ivbiyokuo uwa si koko ne uwa na vbe mu okuo gha khian, ne uwa miẹn ehe na fu emwi kevbe ne uwa do emwi hẹ? Te uwa ho ne uwa viọ esiliva kevbe igoru, ẹmila kevbe emwi ewe, ne uwa viọ emwi ne uwa hẹ re nii hia gha rrie?’ ”

Zẹfanaia 1:13

Emwa gha fu iran emwi viọ, a gha dunmwu owa iran an. Iran i yin owa ne iran bọlọe ra ne iran da ayọn vbe ọghe ugbo azara ne iran gbee.”