Jerimaia 14:19 - Edo Bible (E Baibol Ẹdo) Version 1996

¹⁹ E Nọyaẹnmwa, te uwẹ wa he Juda fo fẹẹrẹ ra? Te uwẹ mu ohu emwa ni rre Zaiọn ra? Vbọzẹ ne u na mu ohu ima sẹ vberriọ yi ne a na miẹn wẹ, a i ghi sẹtin mu ima egbe rran? Ma rhie aro ye ọfumwegbe sokpan, emwi ọma rhọkpa ma sunu, ma rhie aro ye amu ọmwa egbe rran, sokpan, emwi ugborrirri ọ re ọ rre.

Jerimaia 14:19 ပူးပေါင်းရင်းမြစ်များ

II Krọnikol 36:16

Sokpan, iran kegha ya emwa ne Osanobua gie ẹre uhunmwu gbogiẹ, iran ma zẹ ye ẹmwẹ ne iran ta, iran na vbe gha giẹ avbe akhasẹ ọre, rhinrin a ke do miẹn wẹ ohu Osanobua ghe emwa rẹn kpọlọ sẹrriọ wẹ, emwi ne a gha ya rhanmwẹ ọẹn re, ẹ i ghi rrọ.

Job 30:26

Ọyẹnmwẹ kevbe uwanmwẹ ọre I te rhie aro yi, sokpan ibaro kevbe ebiebi ọ re I ghi miẹn.

Psalm 78:59

Ohu mu Osanobua vbe ọ miẹn emwi na ọ na rhunmwuda ọnii he emwa rẹn fẹẹrẹ.

Psalm 89:38

Sokpan, ohu ọba ne u hannọ zẹ mu uẹn, u ke he ẹe ye otọ, u kevbe fi iyeke gbe ẹe.

Itan 29:1

Adeghẹ te u wa dọlegbe zevbudu yọ ẹghẹikẹghẹ ne a ya guẹ gui ne a dia ruẹ ye odẹ, ẹdẹ ọkpa, emwi gha degbe uẹ, u i ra vbe miẹn uhunmwu vbọ.

Jerimaia 12:7

E Nọyaẹnmwa khare wẹẹ, “I hee Izrẹl yotọ nẹ. I sẹẹ uhunmwu ẹvbo mwẹ ne I hannọ zẹ rae nẹ I viọ emwa ne I ho ẹmwẹ ọnrẹn ye obọ ẹtin eghian iran nẹ.

Jerimaia 12:8

Emwa mwẹ ne I hannọ zẹ mu aro igbinna da mwẹ nẹ, iran gha vannọ okan yan mwẹ zẹ vbe oduma vbe uwu oha, rhunmwuda ọnii, ohu iran mu mwẹ.

Jerimaia 15:1

Ẹre Nọyaẹnmwa na tama mwẹ wẹẹ, “Ọ gha khọnrẹn ne a miẹn wẹ e Mosis kevbe Samuẹl ọ re ọ mudia vbe emwa na gha rinmwian mwẹ, I i sẹtin tohan emwa na hiehiere. Wẹ ne iran ladian, wẹ ne iran kpao hin odaro mwẹ rre.

Jerimaia 15:18

De emwi ne I rrioya khian ba? Vbọzẹ ne ẹwẹn mwẹ i na mwẹ ukhunmwu? Vbọzẹ ne iran i na rrie? Te uwẹ ho ne u hiẹ mwẹ ra zẹ vbe ẹzẹ ne ọ kae vbe ẹghẹ uyunmwu?”

Jerimaia 30:12

E Nọyaẹnmwa keghi tama avbe emwa rẹn wẹẹ, “Ẹwẹn uwa i mwẹ ikhunmwu, ẹtẹ uwa i gia kpe ne ọ rrie.

Jerimaia 30:13

A i miẹn ọmwa ne ọ ra gbearoghe uwa, ukhunmwu ne a ra ya ye uwa ẹtẹ i rrọọ, idaehọ i rrọ ighe a gha sẹtin sinmwi uwa.

Jerimaia 51:5

Mẹ ne Nọyaẹnmwa ne Osanobua Izrẹl, ma fi iyeke gbe Izrẹl kevbe Juda, a gha rhe miẹn wẹ iran ru orukhọ ghe imẹ ne Nọhuanrẹn Izrẹl.

Jerimaia 6:30

Ikpakpa erhan ne ẹ i mwẹ vbe ọ gia ya ru ọ re iran khin rhunmwuda, mẹ ne Nọyaẹnmwa he iran yotọ nẹ.”

Jerimaia 7:29

Ivbi e Jerusalẹm, wa gha khiẹ, wa zẹ eto uwa hẹ kua, wa ya so ihuan orinmwi vbe uhunmwu oke rhunmwuda, ohu mu imẹ ne Nọyaẹnmwa I keghi vbe he avbe emwa mwẹ.

Jerimaia 8:15

Wa rhie aro ye odẹ gha khẹ ọfumwegbe kevbe ẹghẹ amu ọmwa egbe rran, erhọkpa ma dunna, sokpan emwi ohan nọkhua ọ re ọ rre ye ihe ẹre.

Jerimaia 8:22

Ukhunmwu ighi rre Giliad ra? Avbe ọbo i ghi rre evba ra? Vbọ ghi zẹ ne a ma na ye mu avbe emwa mwẹ egbe rran khekherriọ?

Eve Orriara 2:13

Eu, e Jerusalẹm, ẹvbo ne a ho ẹmwẹ ọnrẹn, e Jerusalẹm, vbe i a ghi ra miẹn ta? Vbe i a ra ya fu ruẹ ẹko rre hẹ? A ma miẹn ọmwa ne ọ he rri egbe oya ne uwẹ re na ẹdẹ. Ọkhọ ne ọ rruan ruẹn yevbe okun ne ẹ i mwẹ okhiẹ, idaehọ ighi zẹdẹ rrọ hiehiere.

Eve Orriara 2:22

Wẹ ọ re ọ gie ne a tie avbe eghian mwa ne iran do do ugie iba ne ọ mu ohan, lẹga mwẹ orhiọnkpa i rrọ ne ọ miẹn uhunmwu vbe ẹdẹ ne ohu mu uwẹ. Iran gbele mwẹ emọ ne I ho ẹmwẹ ọnrẹn ne imẹ koko wan nẹ.

Eve Orriara 4:17

Ma rhie aro ye odẹ rhinrin egbe ẹre te wọ mwa ighe iyobọ nẹ a khẹ ne ẹ i dee. Ma na gha khẹ iyohọ vbe obọ uhunmwu ẹvbo, ne ẹ i mwẹ iyobọ okpa ne ọ gha sẹtin ru.

Eve Orriara 5:22

Ra te uwẹ wa he ima fo fẹẹrẹ ra? Ohu ruẹ i ghi mwẹ okhiẹ ra?

Maika 1:12

Ivbi e Marọt rhie aro ye odẹ gha khẹ ne a bu iran rre, rhunmwuda, e Nọyaẹnmwa si ọkhọ kẹ ore Jerusalẹm nẹ.

I Tẹsalonaika 5:3

Ẹghẹ, ne emwa gha na gha kha wẹẹ, “Ore wa ma nian, ẹbe i rre odẹ,” Orriọkhọ ghi de gbe iran vbe udomwurri. Ọkpa ne ọ ra miẹn uhunmwu ẹ i rrọọ, te ọ ra ye vbe obalọ okhuo ne emwi ubiẹmwẹ ru.