Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jerimaia 14:18 - Edo Bible (E Baibol Ẹdo) Version 1996

18 I gha la uwu oha, I ghi gha miẹn ikun emwa ne a gbele vbe okuo, I gha la adesẹ ore, I ghi gha miẹn emwa ne ohanmwẹ ghi ra ghe ua. Avbe akhasẹ kevbe avbe ohẹn wa winna iwinna iran khian, sokpan, iran ma rẹn emwi ne iran ru.”

အခန်းကိုကြည့်ပါ။ ကော်ပီ




Jerimaia 14:18
19 ပူးပေါင်းရင်းမြစ်များ  

Ore ẹvbo hia wa hu yo hu rre, ọ vuọn ne owogho kevbe igiangian. Emwa uwa ni wulo vbe okuo na, ẹ i re aro igbinna iran wulo yi.


Uhin ighe avbe akhasẹ kevbe avbe ohẹn daa ayọn gbe egbe sẹrriọ wẹ te iran ghi dobidokpannọ khian. Iran daa ayọn, iran kevbe wọọn emwi hia bun sẹrriọ wẹ, te iran ghi dekun emwi hia vbe ne emwi ghi tighi sẹ. Avbe akhasẹ daa ayọn bun sẹrriọ wẹ iran i ghi rẹn umian ne Nọyaẹnmwa rhie ma iran, avbe ohẹn vbe daa ayọn sẹrriọ wẹ iran i ghi rẹn ohiẹn ẹmwẹ ne a viọ bu iran yo ya bu.


Avbe ohẹn ma vbe nọ wẹẹ, “E Nọyaẹnmwa vboo?” Avbe ohẹn mwẹ ma rẹn mwẹ, avbe iran ni khaemwisẹ keghi sọtẹ mwẹ, avbe akhasẹ kegha ye eni e Baal guan yotọ iran kegha gho avbe amazẹ ni emwa maa.


E Nọyaẹnmwa khare wẹẹ, “I ma gie avbe akhasẹ na, sevba, iran keghi ye gha khian, I ma zẹdẹ gie iran uhunmwu sokpan, iran ke ya gha ya eni mwẹ guan.


Avbe akhasẹ i ta ẹmwẹ ọvbehe gberra ohoghe, vbene avbe akhasẹ khare ọ re avbe ohẹn ya khaemwisẹ yan emwa, emwa mwẹ i vbe wẹ hẹn. Sokpan, ena hia ghẹ ghi fo nia, vbe iran gha ru hẹ?”


Emwa hia fẹẹrẹ, ọkpọlọ kevbe ọ kanmwa, wa la odẹ ne ọ ma khuia gualọ igho. Uhin ighẹ te avbe akhasẹ kevbe avbe ohẹn ghi mu emwa ni ru.


Ohan i ghi gie ima khian ladian hin adesẹ ore ẹvbo rre, ra ne a khian lele ukpo, rhunmwuda, te avbe eghian mwa viọ emwi igbinna mwẹ, ohan rre ehe hia lẹga mwa.”


Rhunmwuda ọnii, I gha munọ ugbo iran ne emwa ọgbọn ọvbehe, I ghi vbe viọ amwẹ iran ne ikpia ọvbehe. Emwa hia fẹẹrẹ, ke ọ kpọlọ kevbe ọkanmwa, wa ni gha hia ne iran gha la odẹ ne ọ ma khuia khuan igho. Uhin ighe te avbe akhasẹ kevbe avbe ohẹn ghi mu emwa ni ru.


“E Nọyaẹnmwa, ghe obalọ ne I ye, ghe obalọ ekhọe mwẹ, ẹkoko udu mwẹ vua ba akhiẹ, ne I khiẹ ye orukhọ. Iran wa do izigha vbe adesẹ ore ẹvbo, a gha sẹ uwu owa, uwu vbe rre evba.


Wa gha kpaegbe yan egbe yan egbe vbe asọn ne uwa datie Nọyaẹnmwa; wa hihiẹ ekhọe uwa ladian ne uwa nọ rẹn wẹ ne ọ tohan ivbi uwa. Avbe emọ ne ohanmwẹ gbele ua lele adesẹ ore ẹvbo!


Iran ne okuo gbele ọ re ọ maa sẹ ni do wulo vbe okiekie emwa ne ohanmwẹ hẹko gbele ua vbene evbare i na rrọ ne ọ gha da iran yi ye agbọn.


Igbinna wa rre adesẹ ore, emianmwẹ kevbe ohanmwẹ wa rre uwu owa. Ọmwaikọmwa ne ọ fi owẹ hin ore ẹvbo rre, ladian gha wu ye igbinna nii, emwa ni vbe rre ore ẹvbo, obọ emianmwẹ kevbe ohanmwẹ gha vba iran.


“Mẹ ọ re ọ ru ẹe ne ohanmwẹ na fi la otọe uwa hia, sevba wa ma dọlegbe bu mwẹ rre.


Iran ni khaemwisẹ vbe ẹvbo, igho ọ re iran re ya khaemwisẹ, avbe ohẹn gha miẹn igho ye otọ Uhi ne iran rhan ma emwa, igho ọ re avbe akhasẹ miẹn ya ghe umian, ehia ghi ye gha kha wẹ e Nọyaẹnmwa rrọ yaba iran. Iran ghi gha kha wẹẹ, “Emwi rhọkpa i ru ima, e Nọyaẹnmwa rrọọ yaba mwa.”


“E Nọyaẹnmwa gha viọ uwa kevbe avbe ọba uwa gha rrie ẹvbo ẹrrẹe, ehe ne uwa kevbe avbe erha uwa odede ma he yin ẹdẹ, evba wa ghi na ya ga avbe amazẹ ne a ya erhan kevbe okuta ma.


“E Nọyaẹnmwa ghi zagha uwa lele agbọn ẹvbo. hia ke obọ ọkpa vbe ufomwẹ agbọn yasẹ obọ nọkpa, evba wa ghi na ya gha ga ẹbọ ne a ya okuta kevbe erhan ru, avbe ẹbọ ne uwa, ra avbe erha uwa odede ma he ga ẹdẹ.


Vbe uwu uzuanmwẹ iran, avbe emamwaemwi ohoghe na ghi gha ya okha ne iran tobọ iran ya rre, miẹn uwa emwi. Ọ kpẹre ne Ne ọ bu ohiẹn iran ghi mu egbe ye otọ. Ne ọ ra fuẹn iran uan i vbe vbiẹ hiehiere.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ