Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jerimaia 14:17 - Edo Bible (E Baibol Ẹdo) Version 1996

17 E Nọyaẹnmwa keghi yan tama mwẹ wẹ ne I ta ẹmwẹ akhiẹ mwẹ ma emwa nii, ne I tama iran wẹẹ: “Te ameve gha lẹ vbe aro mwẹ ke avan kevbe asọn I i gha dobọ eve ne I viẹ iran re yi rhunmwuda ẹwẹn ne ọ da ọ re a fian avbe emwa mwẹ re, obọ wa vbe daa iran.

အခန်းကိုကြည့်ပါ။ ကော်ပီ




Jerimaia 14:17
20 ပူးပေါင်းရင်းမြစ်များ  

Adesẹ ore Jerusalẹm gha giẹ ọ, e Senakẹrib, ọ vbe ya uwẹ gbe ogie.


Ameve mwẹ lẹ kua zẹ vbe ẹzẹ, rhunmwuda ne emwa i na ya uhi ruẹ ru emwi.


Ghẹ ghi rriọmwẹ oya sẹ ọna. Te avbe emwi ne u fi mwẹ re ghi ra gbe mwẹ uan.


e Nọyaẹnmwa khare wẹẹ, “Ore nọkhua e Jerusalẹm gha giọ, wẹ ne Senakẹrib, ọ ya a gbe ogiẹ.


Ivbi e Jerusalẹm keghi datu wẹẹ, “A kuan mwa, obọ da mwa ẹsẹse! Ẹwẹn ima i ra rrie! Ma te gha ro ighe emwi ne egbe mwa gha rrọ ọ re ọna khin.


Adeghẹ uwa ma zẹ yọ, I gha ya viẹ vbe ẹkhokho rhunmwuda itengbemu uwa I gha viẹ eve orriara, ameve, mwẹ ghi gha rhọ kua, rhunmwuda, a munọ emwa oghunmwu viọ gha rrie.


E Nọyaẹnmwa keghi kha wẹẹ, “Wa nọ dọmwadẹ uhunmwu ẹvbo ghe adeghẹ egbe emwi vberriọ he ka sunu ẹdẹ. Ivbi Izrẹl ru a ghẹ ru nẹ!


Akhiẹ mwẹ i mwẹ ukhunmwu I khuọnmwi emianmwẹ udu.


A guọghọ mwẹ ogiudu ua rhunmwuda a guọghọ emwa mwẹ uan te I ghi khiẹ, ehia yan mwẹ unu uan.


Akpawẹ uhae amẹ ọ re uhunmwu mwẹ khin nian, ne aro mwẹ vbe gha re uhunmwu ẹzẹ ne ọ lẹẹ, ne I miẹn ehe na gha viẹ, asọn kevbe avan, ne avbe emwa mwẹ ne a gbele ua!


Emwa nii keghi kha wẹẹ, “Wa tama iran ne iran zẹgiẹgiẹ, ne iran so ihuan irorinmwi ne ima, rhinrin aro mwa te vuọn ne ameve ne ifuẹn aro mwẹ gbọfọ rhunmwuda eve.”


Aro mwẹ so oze ba ẹmwẹ eve, orhiọn mwẹ vbe rre uwu obalọ nọkhua. Akhiẹ ugbelemwẹ emwa mwẹ gbe mwẹ fi otọ. Ke emọ obọ kevbe emọ owẹ ehia gha sahẹ vbe adesẹ ore ẹvbo.


Eu, e Jerusalẹm, ẹvbo ne a ho ẹmwẹ ọnrẹn, e Jerusalẹm, vbe i a ghi ra miẹn ta? Vbe i a ra ya fu ruẹ ẹko rre hẹ? A ma miẹn ọmwa ne ọ he rri egbe oya ne uwẹ re na ẹdẹ. Ọkhọ ne ọ rruan ruẹn yevbe okun ne ẹ i mwẹ okhiẹ, idaehọ ighi zẹdẹ rrọ hiehiere.


Jerusalẹm, gie avbe ekẹn ne a gbe ga ruẹ datu tie Nọyaẹnmwa wa gie ameve uwa gha lẹ vbe ẹzẹ asọn kevbe avan, wa ya eve kevbe akhiẹ wiẹn egbe uwa a!


Izrẹl ne uvbi de guọghọ ua, ẹ i ghi kpaegbe vbe otọ ẹdẹ! A he ẹe ye ehe ne ọ lovbiẹ yi vbe otọ. A ma miẹn ọmwa ne ọ si ẹe kpaegbe.


Rhunmwuda ọnii, I suẹn a rẹnkhẹn uan kevbe ọfuan uwa nẹ, rhunmwuda orukhọ uwa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ