Jerimaia 13:23 - Edo Bible (E Baibol Ẹdo) Version 1996

²³ Ọmwa nekhui gha sẹtin fi ikpakpa egbe ẹre werriẹ ra, ra ne ogioha khiẹn ekẹnnẹkẹnnẹ ne ọ rre egbe ẹre kua. Adeghẹ iran gha sẹtin, ẹghẹ nii ọ re uwa ne ọ ma rẹn vbe a ru emwi ọvbehe hẹ gberra orukhọ, gha na vbe sẹtin ruẹ vbene a ru emwi ne ọ kere hẹ.

Jerimaia 13:23 ပူးပေါင်းရင်းမြစ်များ

II Ọba 17:40

Sokpan, emwa nii ma danmwehọ, iran kegha lele uyinmwẹ iran nẹdẹ khian.

Itan 27:22

Ọ gha khọn ruẹn, gbe ọzuọ ne ọ kẹ ekherhe ne ọ wu, u i sẹtin gbe ukọnmwẹ ọnrẹn hin ẹre ẹko rre.

Asan-Ibo 1:15

U i sẹtin dia emwi ne ọ gọ nẹ, u i sẹtin ka emwi ne ẹ i rre evba.

Aizaia 1:5

Vbọzẹ ne uwa na sọtẹ khian vberriọ yi? Te uwa ho ne a ye rri uwa oya sẹẹ ọna ra? Izrẹl, ghe vbe ẹtẹ gba uwa uhunmwu hia. Orhiọn kevbe ekhọe uwa khuọnmwi.

Jerimaia 17:9

Gha ọ gha sẹtin rẹn otọ vbene ekhọe ọmwa nagbọn ye hẹ? Emwi ọvbehe ne ọ rẹrẹ ọmwa vbe ne irẹn ye i rrọ ọ khuọnmwi gberra ne ọ gie sinmwi nẹ.

Jerimaia 2:22

Ọ gha khọn uwa, wa ya ye evbakhuẹ ne ọ ghi huan emwi sẹ khue te I gha ye bẹghe ehe ne abakuru uwa ya iruẹn yi.

Jerimaia 2:30

I rrii uwa oya, sokpan, ọ ma gbe emwi rhọkpa, wa iho ne I gbe uwa hin ọkhọ rre. Wa gbele avbe akhasẹ uwa zẹ vbe oduma ne ọ tu.

Jerimaia 4:22

E Nọyaẹnmwa khare wẹẹ, “Akpa ọ re avbe emwa mwẹ khin, iran ma rẹn mwẹ. Iran ye vbe emọ ni kọẹn iran imwẹ irẹnmwi hiehiere. Iguẹsẹ iran khin vbe emwi dan ne a ru emwi esi ne a ru i dunna ne iran.”

Jerimaia 5:3

Vbe ẹmwata, emwi ne Nọyaẹnmwa gualọ ọrọre ayekhọe ga. Ọ fi uwa emwi sokpan wa ma zẹ yọ, ọ rẹnkhẹẹn uwa, sokpan, wa ma ye mwẹ ẹwaẹn wa keghi yin ehọ, wa ma vbe zobọ vbe orukhọ ne uwa ru.

Jerimaia 9:5

Dọmwadẹ ọghọe bibi ọsiọre odẹ a i ghi miẹn ne ọ ta ẹmwata iran ma aranmwẹ iran ohoghe ne a ta iran i vbe dobọ orukhọ ne a ru yi. Iran ru emwi ọkhọ okpa yan ọvbehe iwinna erẹrẹ okpa ghi lele ọvbehe e Nọyaẹnmwa tae i ghẹ emwa irẹn hee irẹn yotọ nẹ.

I Samuẹl 19:21

Ugbẹn vbe Sọl ghi họn ẹmwẹ na, ọ keghi vbe gie otu ọvbehe gha khian, iran na kevbe suẹn gha ku, iran na gha vannọ, ọ keghi vbe gie emwa ukpogieha erriọ ọre ọ vbe sunu vbe egbe iran.