Jerimaia 13:22 - Edo Bible (E Baibol Ẹdo) Version 1996

²² U gha nọ emwi ne ọ si ẹe ne emwi na hia na sunu vbe egbe ruẹ, emwi ne ọ si ẹe ne ukpọn na yanghan ye uwẹ ẹkun, kevbe ne emwa na ye ẹtin mu ẹẹn guẹ gha ru emwi, emwi ne ọ sii ẹe ọrọre wẹ orukhọ ruẹ mu ohan gbe.

Jerimaia 13:22 ပူးပေါင်းရင်းမြစ်များ

Aizaia 20:4

Ọgbaisi ọghe Asiria gha viọ avbe oghunmwu ne ọ munọ ẹn vbe ẹvbo eveva na gha rrie vbe irhunmwuirhun. Ke ibiẹka kevbe eniwanrẹn, iran gha ya owẹ mama otọ, iran ghi vbe gha khian vbe irhunmwuirhun, iran ghi munọ ikebe yotọ, ne iran fa Igipt rua.

Aizaia 3:17

I gha rri iran oya, I gha khiokhio iran uhunmwu, I ghi vbe gie iran gha re emwa ne eto i ghi rrọ ẹre uhunmwu.”

Aizaia 47:8

“Danmwehọ ẹmwẹ na, wẹ ne ọyẹnmwẹ yẹẹ, wẹ ne ọ ro ighẹ ẹbe fo, ẹkun vbe sẹ uẹ otọ. U khare wẹ u kpọlọ vba Osanobua nẹ kevbe wẹ ọmwa ne ọ ye vbe ruẹ ighi rrọọ, u te ro ighẹ u i ra dẹgbẹ ẹdẹ ra ne ọmọ wu ẹ.

Jerimaia 13:26

E Nọyaẹnmwa tobọ ẹre ọ re ọ ra bannọ uwa a, ọ ghi gie agbọn miẹn emwi ekhue uwa.

Jerimaia 14:16

Erriọ ọ re a ra vbe gbele iran ne iran talọ avbe ẹmwẹ na ma. A gha filo ikun iran ku adesẹ ore Jerusalẹm, a i vbe miẹn ọmwa ne ọ gha re iran. Emwi ne ọ ra rruan iran hia ọ re ọna khin, ya sẹ egbe avbe amwẹ iran, ivbi iran nikpia kevbe ivbi iran nikhuo. I gha ru ẹe ne iran ha osa ekhọe dan iran.”

Jerimaia 5:19

Iran gha nọ emwi ne ọ si ẹe ne I na ru avbe emwi na, u ghi tama iran Jerimaia wẹ, zẹ vbene iran fi iyeke gbe mwẹ, iran na gha gho ẹbọ ẹrrẹe vbe ẹvbo iran, erriọ zẹẹ iran khian ya ga avbe orhunmwuyẹn vbe ẹvbo ne iran ma yan.”

Eve Orriara 1:8

Uyi ne ọ rre ọre egbe fo, te ọ ghi bannuan te a ghi sọnnọẹn. Ọ gha khiẹkhiẹ egbe, te ọ ghi ye ekhue rhie aro lẹre. E Jerusalẹm keghi ya orukhọ dan ya iruẹn wuo egbe.

Ezikiẹl 23:26

Iran gha yanghan ukpọn ruẹn kua, iran ghi miẹn ruẹn ikpẹrọnmwẹ ne a ya te egbe hia.

Hozia 12:8

‘Ma fe nẹ. Ma rri okpe ere, ọmwa ne ọ gha sẹtin gunmwa gui ẹe i rrọ wẹ odẹ omuru ọ re ima ya họn ẹfe.’

Hozia 2:10

I gha sirra avbe ọse ne ọ zẹlẹe bannọ ọẹn ruan, ọmwa ọkpa ne ọ gha sẹtin wọlọ ẹe hin mwẹ obọ rre, ẹ i rrọọ.

Hozia 2:3

Adeghẹ ọ ma dobọyi, I gha bannọ ọẹn ruan ye irhunmwuirhun, egbe ne ọ gha ye vbe ẹdẹ ne a biẹ ọe. I gha ru ẹe ne ọ khian otọe ne ọ kae kevbe ne ọ dihoi rua. Ohanmwẹ amẹ ghi gbẹe rua.

Nahum 3:5

E Nọyaẹnmwa ne Oghodua khare wẹẹ, “I gha rriọ oya, Ninevi, I gha bannọ ọn uan, I ghi vbe gie avbe uhunmwu ẹvbo miẹn ọn, iran gha miẹn ọn vbe uwu emwiekhue ruẹ.

Zẹfanaia 1:12

Vbe ẹghẹ ne a kha na, I gha mu ukpa ya gualọ Jerusalẹm. Avbe iran ne ẹko owa iran vuọẹn ke ni ya obọ rra ẹwẹe iran, I gha rri iran oya. Iran ni kha wẹẹ, ‘E Nọyaẹnmwa i ru emwi rhọkpa.’

Diuteronomi 18:21

“Wa sẹtin kha wẹ vbe a gha ya rẹn hẹ ighẹ ẹmwẹ ne akhasẹ ta ẹe e Nọyaẹnmwa ma gie ẹe.

Diuteronomi 7:17

“Wa ghẹ gha tama egbe uwa wẹ emwa na bun sẹ uwa rhunmwuda onii wa i sẹtin khulo iran ladian.

Diuteronomi 8:17

Rhunmwuda ọnii, wa ghẹ ro ighẹ ẹtin kevbe iwegbe obọ uwa ọ re uwa ya họn ẹfe ne egbe rua.