Jerimaia 13:18 - Edo Bible (E Baibol Ẹdo) Version 1996

¹⁸ E Nọyaẹnmwa keghi tama mwẹ wẹẹ, “Tama ọba ke ẹe kevbe iye ẹe wẹ ne iran tuorre vbe ẹkete gha die otọ rhunmwuda, ẹde iran ne mose mose dele hin iran uhunmwu rre nẹ.

Jerimaia 13:18 ပူးပေါင်းရင်းမြစ်များ

II Ọba 24:12

ẹre Jehoiakin ne ọba, kevbe iye ẹe, avbe ivbi ẹre nikpia, avbe ewọe oga ọba ẹre, kevbe avbe ekhaẹmwẹ ọnrẹn, na wa zẹ egbe iran obọ ne ivbi e Babilọn. Ọ ghi rre ukpo erẹnrẹn ne Nebukiadneza rri ọba, o na mu e Jehoiakin oghunmwu.

II Ọba 24:15

E Nebukiadneza keghi mu e Jehoiakin gha rrie Babilọn zẹ vbe oghunmwu, ke ẹe kevbe iye ẹe, kevbe avbe amwẹ ọnrẹn, iran ni rre ukpo, kevbe emwa ni hin ukhuaẹn vbe Juda.

II Krọnikol 33:12

Oya ghi rrio ẹ nẹ, aro ẹre keghi rriotọ, ọ na werriegbe bu e Nọyaẹnmwa ne Osanobua ẹre gha dee, ọ na rinmwian ẹn wẹ ne ọ yi irẹn obọ.

II Krọnikol 33:19

Erhunmwu ne ọba naẹn, kevbe ewanniẹn ne Osanobua rhie yọ, okha ọghe avbe orukhọ ne ọ ru ọ ke fiwerriẹ — avbe emwi dan ne ọ ru, avbe aro ẹbọ kevbe amazẹ ọghe Asiẹrra ne ẹbọ ne okhuo ne ọ mannọẹn, kevbe avbe amazẹ ne ọ gha ye uhunmwu rhanmwẹ otọ na, a gbẹnnẹ ehia ye Okha Avbe Akhasẹ.

II Krọnikol 33:23

sokpan, aro irẹn ma rriotọ vbe ẹghẹikẹghẹ ne ọ vbe fiwerriẹ bu e Nọyaẹnmwa gha dee vbene erha ẹe ru, ọ keghi kakabọ ru orukhọ erha ẹe ẹsẹse.

Ẹksọdọs 10:3

Ẹre Mosis kevbe Errọn na bu ọba, iran ke tama rẹn wẹẹ, “Vbe nian ọre Nọyaẹnmwa ne Osanobua ivbi e Hibru khare, ‘De ẹghẹ ne uwa gha fieghe uhunmwu ye ẹmwẹ ne I khama uwa la? Gie emwa mwẹ kpao ne iran ya ga mwẹ.

Ẹksọdọs 39:28

Ukugba uhunmwu, ẹrhu, utalawẹ eto ovbiohuẹ.

Itan 27:24

Rhunmwuda ẹfe i re emwi etẹbitẹ. Uhunmwu ẹvbo tobọ ọre, ne ọ re etẹbitẹ i rrọ.

Aizaia 3:20

kevbe ẹrhu iran, ẹbo ne iran gbalọ lele obọ kevbe ẹkun;

Aizaia 3:26

Avbe onurho ẹvbo gha khiẹ, iran ghi vbe gha viẹ, nene ore ẹvbo tobọ ẹre ghi yevbe okhuo ne ọ bannọ uan, a na mu ẹẹn tota ye otọ kẹkan.

Aizaia 47:1

E Nọyaẹnmwa khare wẹẹ, “E Babilọn, tuorre vbe ẹkete ruẹ ne u do tota ye ebubẹ vbe otọ. Vbe ẹghẹ ọkpa, te u te yevbe ovbialeke, ẹvbo ne a ma khọn miẹn ẹre otọ sokpan, u i ghi re ne vbukhẹ kevbe ne sọguọsọguọ ọvbehe, ọviẹn ọ re u ghi khin na.

Jerimaia 22:24

E Nọyaẹnmwa keghi tama e Jehoiakin, ọha ne ovbi e Jehoiakim ne Ọba e Juda wẹẹ, “Omwa vbene a miẹn wẹ mẹ ọ re ọ gele re Osanobua ne ọ rrọọ, ọ gha khọnrẹn ne a miẹn wẹ wẹ ọrọre oroka asẹ ne ọ rrọ mwẹ obọ erha ọmwa, te I yuo ruẹ fua.

Jerimaia 22:26

I gha sua uwẹ vbe iye uẹ gha rrie iwe, Wa gha kpao gha rrie ẹvbo ne ẹ i re ne a na biẹlẹ uwa, evba wa eveva ra na wulo.

Jerimaia 29:2

A mu Jehoiakim, iye ẹe, avbe ekhaẹmwẹ ẹguae, avbe ọkaolotu e Juda kevbe Jerusalẹm, avbe owinna kevbe emwa ni guẹ iwinna, kpao gha rrie iwe nẹ, I ke gbẹn nene ebe.

Jerimaia 36:16

Ugbẹn vbe ọ ghi tie ẹre nẹ, afianma keghi fian dọmwadẹ ọghọe, iran na ya ghe egbe aro, iran keghi tama e Barọk wẹẹ, “Te ima gha ta ọna ma ọba.”

Eve Orriara 1:6

Ose Jerusalẹm khian ne a ghi ya kpitan. Te avbe ọkaolotu ẹre ghi yevbe avbe ẹrhuẹ ne ohanmwẹ ya khian ne mitanmitan. Ni yevbe ni ra sahẹ ye ulẹ ne ọ lẹ ne avbe ohuẹ.

Eve Orriara 1:9

Te a wa rherhe rẹn wẹ ọ ma huan sokpan, rẹn ma zẹ ye emwi ne ọ sunu vbe egbe irẹn. Udemwẹ ọnrẹn kegha re ne ọ mu ohan; ọmwa ne ọ gha sẹtin fu ẹre ẹko rre i rrọọ. Obọ avbe eghian gba ẹre nẹ, Te ọ ghi tu nọ itohan vbe obọ e Nọyaẹnmwa.

Eve Orriara 2:10

Avbe eniwanrẹn e Jerusalẹm tota lele otọ vbe ahunwan hii, iran zẹẹ ebubẹ ye uhunmwu, iran keghi viọ ukpọn akhiẹ ye egbe. Evbokhunvbi hia hie uhunmwu ghe otọ.

Eve Orriara 5:16

Avbe emwi ne ima te ya ghan hia okpa ma ghi kẹe vbọ. Ma ru orukhọ nẹ, banbanna, ọghe ima fo.

Ezikiẹl 16:12

I rhie oroka ihue kevbeemwi-ehọ ne uẹn, deba ẹde ne mose mose ne u mu rhuẹ.

Ezikiẹl 21:26

Mẹ ne Nọyaẹnmwa ne Udazi tae nẹ. Wa viọ ẹde uwa kevbe ukpọn ne uwa ya gbalọ uhunmwu egie hin rre. Emwi okpa ne ọ gha ye dunna vbene ọ ka ye dee yi, ẹ i ghi rrọọ. Wa tọn ivbiogue mu ye ukpo ọdakha. Wa ya iran ni te khaemwisẹ owẹ yotọ.

Ezikiẹl 24:17

Ghẹ gie a họn vbe u so asukpẹ eve. Ghẹ bannọ uhunmwu yotọ ra ne u ya owẹ kẹkan gha khian zẹ vbe ama akhiẹ. Ghẹ mu emwi gue aro ra ne u rri evbare ne iran ni rre akhiẹ re.”

Ezikiẹl 24:23

Wa i ra bannọ uhunmwu yotọ ra ne uwa gha ya owẹ mama otọ khian, ra ne uwa khiẹ ra ne uwa viẹ. Wa ghi gha rri ororo rhunmwuda orukhọ uwa, wa ghi gha rriakọn ma egbe.

Ezikiẹl 44:18

Iran ghi ya ukpọn eto ovbiohuẹ gbalọ uhunmwu, iran ghi vbe yọ utalawẹ ọsotọ ọghe eto ovbiohuẹ, sokpan, iran ghẹ ya ugbẹkun gba.

Daniẹl 5:20

Sokpan, ugbẹn vbe ọ ghi do ze vbudu, ọ na gha hioo, ọ na do gha ru emwi dan, a keghi sii ẹe hin ẹkete ẹre rre, uyi ne ọ rre ọre egbe keghi wii.

Jona 3:6

Ugbẹn vbe ọba e Ninevi ghi họn, ọ keghi kpaegbe vbe ẹkete ọ keghi ban ẹwu ẹre mu fua, ọ na viọ ukpọn akhiẹ yọ, ọ na tota ye uwu emuẹn.

Matiu 18:4

Ọmwa ne ọ mu egbe ẹre rriotọ ọ na do gha ye vbe ọvbokhan na, ọrọre ne ọ kpọlọ sẹ vbe Arriọba ẹrinmwi.

Jems 4:10

Wa mu egbe uwa rriotọ vbe odaro Osanobua, rẹn gha vbe tọn uwa mu.

I Pita 5:6

Rhunmwuda ọnii nian, gha mu egbe rri otọ vbe odaro obọ ẹtin nọkhua ọghe Osanobua, ne irẹn miẹn ehe na tọn ọn mu vbe ẹghẹ ne ọ keyi vbe aro ẹre.