Jerimaia 13:14 - Edo Bible (E Baibol Ẹdo) Version 1996

¹⁴ Iyekọnii, I ghi khuarha iran kugbe zẹ vbe uru, ke ibiẹka kevbe eniwanrẹn, itohan, ẹnina ra agiẹngiẹn ọmwa irrọ ne ọ gha da mwẹ obọ yi wẹ ne I ghẹ gbele iran an.”

Jerimaia 13:14 ပူးပေါင်းရင်းမြစ်များ

II Krọnikol 20:23

Ivbiyokuo Amọn kevbe ọghe Moab keghi deyan ọghe Idọm, iran na lọkọ ehia a. Vbe iyeke ọnii iran keghi viọ aro da egbe gha gu egbe gbinna igbinna aranmwẹ oha.

Job 27:22

ọ gha hoho yan iran vbe ne ẹ i na mwẹ itohan. Vbe iran gha te gha ziga ne iran lẹkua.

Psalm 2:9

U gha ya umọmọ rẹnkhẹn iran, u gha zagha iran kua ukhiọnmwẹ, zẹ vbe akhe.’ ”

Aizaia 27:11

Abọ avbe erhan luẹluẹe, ehia vbe bunnọ kua. Te ikhuo ghi ho iran ya koko. Rhunmwuda wẹ, avbe emwa ni ma rẹn otọ emwirhọkpa, Osanobua ne Ayi ne ọ yi iran i ra tohan iran, ra ne ọ vbe mwẹ ekhọe agiẹngiẹn ghe iran.

Jerimaia 15:5

E Nọyaẹnmwa khare wẹẹ, “De ọmwa ne ọ gha tohan uwa ivbi e Jerusalẹm, de ọmwa ne ọ gha vbe khiẹ uwa? De ọmwa ne ọ gha mudia kpee sẹ ne ọ gha na nọ uwa wẹ vbe ọ ye hẹ?

Jerimaia 15:6

Wa he mwẹ nẹ, wa keghi vbe fi iyeke gbe mwẹ, rhunmwuda ọnii, ọ re I na niẹn obọ ya rẹnkhẹn uwa a. Rhunmwuda, I ma ghi sẹtin ziengbe ohu ne ọ mu mwẹ.

Jerimaia 16:5

“Ghẹ la owa ne a na khiẹ. Ghẹ vbe khiẹ ọmwarhọkpa. I i ghi gie egbe rọkhọ emwa mwẹ ọvbehe ra ne I ye ho ẹmwẹ iran ra ne I fiangbe iran.

Jerimaia 21:7

Sokpan, wẹ kevbe avbe ekhaẹmwẹ ruẹn kevbe avbe emwa ni miẹn uhunmwu vbọ, I gha gie obọ ọba e Nebukiadneza vba uwa ya munọ, kevbe avbe eghian uwa ni ho ne iran gbele uwa a. Nebukiadneza gha gbele uwa a, ẹ i ra vbe sẹ ọkpa rae vbe uwa, ne ọ tohan uwa ra ne ọ lekhue uwa. Mẹ ne Nọyaẹnmwa ọ re ọ tae.”

Jerimaia 25:16

Iran gha da vbọ, iran ghi gha dobidokpannọ khian, iran ghi vbe kiza rhunmwuda okuo ne I ra gie bu iran gha dee.”

Jerimaia 47:3

Iran gha họn ukpukpẹ owẹ avbe ẹsin, e khuanghankhuanghan ọghe ikẹkẹ okuo, kevbe okhirhikhirhi owẹ ikẹkẹ, erha emọ i ra werriegbe ya viọ ivbi iran, obọ iran gha wu ginna iran egbe.

Jerimaia 48:12

Rhunmwuda ọnii nian, ẹghẹ dee ne I gha na gie emwa ne iran ya tue Moab kua zẹ vbe ayọn. Iran gha tue avbe uru ayọn rẹn kua, iran ghi vbe dunmwu ehia a.

Jerimaia 6:21

Rhunmwuda ọnii, I gha gie iran na rrua owẹ ne iran dele. Erha kevbe avbe emọ gha wulo, erriọ vbe nọ ne avbe ọse kevbe ẹdogbo.”

Eve Orriara 2:21

Ke ibiẹka kevbe eniwanrẹn, ehia wulo lele otọ vbe adesẹ ore ẹvbo. Avbe igbama kevbe ivbialeke ne umozo avbe eghian gbele ua. Ẹdẹ ne ohu mu uwẹ u keghi rẹnkhẹẹn iran an vbe ne a i na mwẹ itohan.

Ezikiẹl 24:14

Mẹ ne Nọyaẹnmwa guaan nẹ. Ẹghẹ sẹẹ nẹ ne I gha ya guan yọ. I ra ghi fi aroa vbe orukhọ ruẹ ọvbehe, ra ne I mwẹ itohan ra ẹnina. A gha rri ọ oya ye emwi ne u ru.” E Nọyaẹnmwa ne Oghodua guan nẹ.

Ezikiẹl 7:3

“Izrẹl, ufomwẹ rre nẹ, wa gha họn ẹmwẹ ohu mwẹ vbe egbe, rhunmwuda, I ra rria uwa ikhi ye emwi ne uwa ru. I gha ha uwa osa uyinmwẹ ne ọ hu ẹko ne uwa yinrin.

Ezikiẹl 7:4

Mẹ I ra sẹ uẹ rae ra ne I tohan ruẹn hiehiere. I ra rria uwa ikhi ye uyinmwẹ ne ọ hu ẹko ne uwa yinrin, ne uwa miẹn ehe na rẹn wẹ mẹ ọrọre Nọyaẹnmwa.”

Ezikiẹl 7:9

Mẹ i ra sẹ uwa rae, ra ne I tohan uwa. I ra rria uwa ikhi ye uyinmwẹ ne ọ hu ẹko ne uwa yinrin, nu uwa miẹn ehe na rẹn wẹ mẹ ọrọre Nọyaẹnmwa kevbe wẹ, mẹ ọ re ọ rri uwa oya.”

Ezikiẹl 8:18

Obọ ohu mwẹ gha vba iran. I i ra sẹ iran rae, a ma wẹ ne I tohan iran. Iran gha go gboo gha na erhunmwu ghe mwẹ, sokpan I i zẹ ye iran ẹre.”

Ezikiẹl 9:10

Sokpan mẹ i ra tohan iran hiehiere. I gha ru iran vbene iran ru emwa ọvbehe.”

Ezikiẹl 9:5

I keghi vbe họn Osanobua tama avbe ikpia nekpa wẹẹ, “Wa lelẹe la ore ẹvbo ne uwa ya gbele emwa an. Wa ghẹ sẹ ọmwa rhọkpa rae, wa ghẹ tohan ọmwaikọmwa.

Hozia 2:4

Mẹ i ra tohan ivbi ẹre. Ivbi ebabotu ne awa lalọ ẹre aro ọ re iran khin. Rẹn tobọ ẹre khare wẹẹ, “I ra bu avbe ọse ne I zẹlẹe, iran ọ re ọ ya mẹ re, iran ọ re ọ ya mẹ da, iran ọre ọ viọ eto ohuan kevbe ukpọn eto ovbiohuẹ mẹ, ofigbọn oliv kevbe ayọn.”

Zẹkaraia 11:6

(E Nọyaẹnmwa khare wẹẹ, “Mẹ i ghi tohan ọmwarhọkpa vbe otọe agbọn ọvbehe. Mẹ tobọ mwẹ gha viọ emwa ni hia ye ẹtin iran ni khaemwisẹ yan iran obọ. Iran ni khaemwisẹ gha duẹ otọ agbọn uan, mẹ i ra vbe wọlọ ẹe hin ẹtin obọ iran rre.”)

Matiu 10:21

“Emwa gha silo etẹn iran ladian ne a gbelua, erriọ ọre erha gha vbe ru emọ. Emọ gha mu aro da erha iran, iran ghi gbele iran an.

Iyẹn ne ọ Maan Ọghe Mak 13:12

Emwa ghi silo etẹn iran ne ikpia ladian ne agbelua, emọ gha kpe lele erha iran, iran ghi silo iran ladian ne agbelua.

Diuteronomi 29:20

Nọyaẹnmwa i ra yabọ ọmwa vberriọ. Sokpan, izohu ne ọ tọn ọghe Nọyaẹnmwa gha baa yan rẹn, ọkhọ hia ne a gbẹnnẹ ye ebe na ghi rruan rẹn rhinrin e Nọyaẹnmwa te fuẹn iran hin otọe agbọn na rre.

I Samuẹl 14:16

Ibiẹka e Sọl ni bodẹ vbe Gibea vbe otọ e Bẹnjamin keghi bẹghe vbe ivbi e Filistin hia gha hẹ yo hẹ rre, vbene iran ma na rẹn emwi ne iran gha ru.