Jerimaia 12:15 - Edo Bible (E Baibol Ẹdo) Version 1996

¹⁵ Sokpan, I gha viọ iran kpao nẹ, I gha tohan iran, I gha viọ dọmwadẹ uhunmwu ẹvbo dọlegbe gha die otọ ẹre kevbe ẹvbo ẹre.

Jerimaia 12:15 ပူးပေါင်းရင်းမြစ်များ

Jerimaia 16:15

Sokpan iran ghi ya eni mwẹ gha vẹn ihẹn, zẹvbe Osanobua ne ọ rrọọ ne ọ viọ ivbi Izrẹl ke otọe okuo rre, kevbe avbe ẹvbo ọvbehe, vbe ehe ne I zagha iran kui. I gha viọ iran werriegbe gha die ẹvbo iran, gha die otọe nii ne I mu ne avbe erha iran odede. Mẹ ne Nọyaẹnmwa ọ re ọ taa ẹe.

Jerimaia 24:6

I gha gbearoghe iran, I ghi vbe viọ iran werriegbe gha die otọe na. I gha mu iran kpaegbe, I i ra vbe siẹn iran kua. I gha gbọ iran, I i ra vbe silo iran vbọlọ.

Jerimaia 29:14

Ẹn, erriọ I tae wẹ wa gha gualọ mwẹ miẹn. Mẹ ghi viọ uwa ya ye ihe vbe otọe uwa. I gha si uwa koko ke dọmwadẹ ẹvbo, kevbe dọmwadẹ ehe ne I zagha uwa gha rrie, I ghi viọ uwa gha die otọe nii ne I ke viọ uwa kpao gha rrie iwe. Mẹ ne Nọyaẹnmwa tae nẹ.’

Jerimaia 3:12

Rẹn keghi tama mwẹ wẹ ne I ya tama Izrẹl wẹẹ, “Izrẹl ne ekhọe ẹre ma mudia ẹse, werriegbe bu mwẹ gha dee, mẹ mwẹ itohan, ohu i ra vbe mu mwẹ. I i ra muohu ruẹ rhinrin ẹdẹ.

Jerimaia 3:17

Ọ gha sẹ ẹghẹ nii, a ghi do gha tie Jerusalẹm ‘Ẹkete Nọyaẹnmwa;’ uhunmwu ẹvbo hia gha vbe sikoko ye evba ne iran do ga mwẹ. Ẹ i re emwi ne ekhọe iran ne ọ wo nii kevbe ọghe dan nii tama iran ọ re iran ghẹ ghi gha ru.

Jerimaia 4:2

ọ sẹtin gha re emwi ne ọ kere ne uwa, ne uwa gha ye eni mwẹ vinhẹn. Ẹghẹ nii avbe uhunmwu ẹvbo hia gha rinmwian mwẹ ne I fiangbe iran, iran ghi vbe gha rho mwẹ.”

Jerimaia 48:47

Sokpan e Nọyaẹnmwa gha gie agbọn dọlegbe maa e Moab vbe ẹghẹ ne ọ dee. Avbe emwi na hia, ọre Nọyaẹnmwa khare ighe ọ gha sunu vbe egbe Moab.

Jerimaia 49:39

Sokpan, vbe okiekie ehia, I gha gie agbọn vbe dọlegbe maa ivbi Ẹlam. Mẹ ne Nọyaẹnmwa taa ẹe nẹ.”

Jerimaia 49:6

“Sokpan, vbe okiekie, I gha gie agbọn dọlegbe maa Amọn. Mẹ ne Nọyaẹnmwa taa ẹe nẹ.”

Daniẹl 11:4

Sokpan vbe ẹghẹ ne ẹtin ẹnrẹn gha na wa kpọlọ sẹẹ, arriọba ẹre gha zagha a, a ghi vbe gha ẹre ye ihe enẹ. Avbe ọba ne ẹ i re ivbi ẹre, gha rriọba vbe ihe ẹre, sokpan, iran i ra mwẹ ẹtin zẹ vbene irẹn gha mwẹ.

Emọs 9:14

I gha viọ emwa mwẹ werriegbe gha die otọ iran, iran gha dọlọ ẹvbo iran ne ọ te guọghọ ua bọ. Iran ghi di ẹe ya. Iran gha gbe ugbo azara iran ghi da ayọn ẹnrẹn. Iran gha mu ugbo, iran ghi rhọ emwi ne iran kọe.

Nọmbas 32:18

Ma i ra werriegbe gha die owa ima, a te do miẹn wẹ ivbi Izrẹl hia gele yan avbe otọe nii ne a ghae ne iran.

Iwinna 15:16

“ ‘Vbe iyeke ọnọna, I gha werriegbe rre, erriọ Nọyaẹnmwa khare. I gha mu owa Devid ne ọguọghọe kpao, I ghi dọlọ ehe ne ọ na rhia yi, I ghi dọlegbe bọ ẹe.

Diuteronomi 3:20

Wa ru iyobọ ne ivbi Izrẹl ne ihua uwa, iran te do gbe ẹkun sẹ otọ vbe avbe otọe nii ne Nọyaẹnmwa gha mu ne iran vbe odẹ orrie Jọdan, kevbe wẹ e Nọyaẹnmwa te do gie iran gha rre ọfumwegbe zẹ vbene ọ vbe ru ne uwa. Iyeke onii dọmwadẹ ọghọe vbe uwu uwa sẹtin dọlegbe gha die otọ ne I mu ne uwa.’

Diuteronomi 30:3

Ẹghẹ nii, e Nọyaẹnmwa Osanobua rua gha tohan uwa. Ọ ghi viọ uwa werriegbe ke ẹvbo ne ọ zagha uwa yi gha dee, ọ ghi dọlegbe gie agbọn ma uwa.