Jerimaia 11:4 - Edo Bible (E Baibol Ẹdo) Version 1996

⁴ Ile ne I gu avbe erha iran odede taa nọ, vbe ẹghẹ ne I na viọ iran ke Igipt ladian, otọe nii ne ọ yevbe ogidi erhẹn ne iran. I tama iran wẹ ne iran gha họn ẹmwẹ mẹ, kevbe ne iran gha ru emwi hia ne I tama iran. I keghi tama iran wẹ, iran gha họọn ẹmwẹ mẹ, iran ghi gha re emwa mwẹ, mẹ ghi vbe gha re Osanobua iran.

Jerimaia 11:4 ပူးပေါင်းရင်းမြစ်များ

Gẹnẹsis 17:8

I gha mu otọe ne uwẹ ye na zẹ vbe orhunmwuyẹn ne uwẹ vbe uniẹn ruẹn. Otọe Kenan hia ghi gha re ọwuẹ ẹdẹdẹmwẹdẹ, mẹ ghi vbe gha re Osanobua iran.”

I Ọba 8:51

Emwa ruẹn iran khin, emwa ne u viọ ke Igipt ladian, vbe uwu ogidi erhẹn nii.

II Ọba 18:6

Rẹn keghi wa rhie ekhọe ye ẹmwẹ e Nọyaẹnmwa, ọ ma vbe rra uhi ẹre, sokpan, ọ keghi hẹko rhie uhi ẹre hia mwẹ, avbe uhi hia ne Nọyaẹnmwa rhie ne Mosis.

Ẹksọdọs 20:6

Sokpan iran nii ho ẹmwẹ mwẹ nii vbe rhie uhi mwẹ mwẹ, aro nọmaa mwẹ gha rre iran egbe ya sẹ orre arriaisẹn arriaisẹn.

Aizaia 30:6

Ọna ọre uhunmwu ne Osanobua gie vbekpa avbe aranmwẹ ni rre ato odẹ ekẹn: “Avbe ukọ nii khian la ẹvbo dan ne avbe oduma ye kevbe avbe ẹyẹn ni mwẹ obi dan kevbe avbe Ugbogiorinmwi ni tin. Iran keghi kun emwiokọ ighobioye vuọn ekẹtẹkẹtẹ kevbe kamẹl iran ne a viọ gie uhunmwu ẹvbo ne ẹ i mwẹ iyobọ ne ọ gha sẹtin ru.

Aizaia 48:10

I danmwẹ uwa ghe nẹ vbe erhẹn irrioya zẹ vbene a kpe esiliva vbe uwu erhẹn sokpan, I keghi miẹn wẹ akpa ọmwa i rre uwa egbe hiehiere.

Jerimaia 11:7

Ẹghẹ ne I na viọ iran ke otọe Igipt ladian, te I mobọ wa kan rẹn ye iran ehọ wẹ ne iran gha họn ẹmwẹ mẹ, te I yevbe gha ta ẹe ma iran khian rhinrin do sẹ ẹdẹnẹrẹ na.

Jerimaia 24:7

I gha rhie ye iran ekhọe aho ne iran rẹn wẹ mẹ ọrọre Nọyaẹnmwa. Ẹghẹ nii iran ghi gha re emwa mwẹ, mẹ ghi vbe gha re Osanobua iran, rhunmwuda, iran gha werriegbe bu mwẹ rre, ekhọekekhọe iran hia.

Jerimaia 26:13

Wa fi uyinmwẹ uwa werriẹ, kevbe emwi ne uwa ru, ne uwa gha họn ẹmwẹ ne Nọyaẹnmwa ne Osanobua uwa. Wa gha ru vberriọ rẹn gha vbe fi ekhọe werriẹ vbekpa ọkhọ ne ọ wẹ ọ gha rruan uwa.

Jerimaia 32:28

I ra mu ẹvbo na ne Nebukiadneza ne ọba e Babilọn kevbe ivbiyokuo ẹre. iran gha khọnrẹn muotọ.

Jerimaia 38:20

Mẹ keghi kha wẹẹ, “A i ra rhie ruẹ ne iran. I rinmwian ne u danmwehọ uhunmwu ne Nọyaẹnmwa gie rre, emwi hia ghi wa gha ma ne uẹn, ai ra vbe gbe uẹ ua.

Ezikiẹl 11:20

Ẹghẹ nii, iran gha rhie uhi mwẹ mwẹ, iran ghi vbe ya iyi mwẹ hia ru emwi vbe ẹko ata. Iran ghi gha re emwa mwẹ, mẹ ghi vbe gha re Osanobua iran.

Ezikiẹl 14:11

I gha ru ẹe vberriọ ne ivbi Izrẹl ghẹ ghi lẹ sẹ mwẹ rae, ne iran ghẹ ghi ya gha ya orukhọ mu awua ye egbe iran egbe. Te iran ra gha re emwa mwẹ, ne imẹ vbe gha re Osanobua iran.” E Nọyaẹnmwa ne Udazi guaan nẹ.

Ezikiẹl 36:28

Ẹghẹ nii wa ghi yin otọe ne I mu ne avbe erha uwa odede. Wa ghi gha re emwa mwẹ, mẹ ghi vbe gha re Osanobua uwa.

Ezikiẹl 37:23

Iran i ghi ra ya ẹbọ osọnnọ mu awua ye egbe iran egbe ọvbehe, ra ne iran ya orukhọ rhia egbe iran an. I gha fannọ iran hin uwu emwi ne iran ya gha ru orukhọ ghe mwẹ ne iran na vbe ya mwẹ ma. I gha khue iran huan, iran gha khian emwa mwẹ, mẹ ghi vbe gha re Osanobua iran.

Ezikiẹl 37:27

I gha gu iran gha rre evba, mẹ ghi gha re Osanobua iran, iran ghi gha re emwa mwẹ.

Daniẹl 3:26

Ẹre Nebukiadneza na gha rrie onurho ehe ne ogidi erhẹn nii ye, ọ da tie iran wẹẹ, “E Siedrak! Mesiak! Abẹdnigo! Eguọmwadia Osanobua ne ọ kpọlọ Sẹehia! Wa ladian gha dee!” Iran keghi ladian vbe ọwarọkpa nii.

Levitikọs 26:12

“Mẹ gha re Osanobua uwa, wa ghi vbe gha re emwa mwẹ.

Levitikọs 26:3

“Deghẹ wa rhie owẹ lele uhi mwẹ wa na vbe gha ya ilele mwẹ ru emwi.

Zẹkaraia 13:9

Mẹ gha danmwẹ obọkpa vbe uwu eha ni miẹn uhunmwu vbọ ghe. I ghi vbe kpe iran huan, vbene a kpe esiliva huan vbe erhẹn. I gha danmwẹ iran ghe vbene a danmwẹ igoru ghe. Ẹghẹ nii, iran gha na erhunmwu iran. I gha tama wẹ emwa mwẹ ọ re iran khin, iran ghi vbe miẹn kue wẹ mẹ ọrọre Osanobua iran.”

Zẹkaraia 6:15

Emwa ni rre urria gha rre, iran ghi do ru iyobọ ye ubọmwẹ Ọgua Osa e Nọyaẹnmwa. A ghẹ ghi dọlọ ẹe bọọ nẹ, wa gha rẹn wẹ e Nọyaẹnmwa ne Oghodua ọre ọ gie mwẹ bu uwa gha dee. Ena hia gha wa sunu fẹẹrẹ a deghẹ wa họn ẹmwẹ ne Nọyaẹnmwa Osanobua rua tama uwa, wa na vbe ya ẹe ru emwi.

Zẹkaraia 8:8

I ghi vbe viọ iran ke odẹ ahọ kevbe orrie rre ne iran do gha rre Jerusalẹm. Iran ghi gha re emwa mwẹ mẹ ghi vbe gha re Osanobua iran. I ghi gha khaemwisẹ yan iran vbe ọghọ kevbe ute.

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

II Kọrinti 6:16

Vbe Ọgua Osa kevbe amazẹ ọghe iran nigẹbọ ra ya gue obọ egbe hẹ yi? Rhunmwuda Ọgua osa ọghe Osanobua nọ rrọọ, ọre ima khin. Zẹ vbe ne Osanobua tobo ẹre kha re: “I gha bọ owa mwẹ ye ehe ne iran ye. I ghi yin ehe ne iran ye. Mẹ ghi gha re Osanobua iran, iran ghi gha re emwa mwẹ.”

Diuteronomi 11:27

afiangbe deghẹ wa ru vbene Nọyaẹnmwa Osanobua khare vbe uwu uhi ne I ra viọ ne uwa ẹrẹna,

Diuteronomi 4:20

Sokpan wa ọrọre emwa ne irẹn viọ ke Igipt ladian, uwu ogidi erhẹn nii. Te ọ viọ uwa ladian ne uwa do gha re ọghọe vbene uwa ye ẹrẹna.

Diuteronomi 5:6

‘Mẹ ọrọre Nọyaẹnmwa Osanobua ruẹ, ne ọ fan uwa vbe irri lahin otọ Igipt ne uwa na te re eviẹn rre.

Hibru 5:9

Ugbẹn vbe a ghi ya ẹe khian enọgbae na nẹ, rẹn keghi do khian ehe ne imiẹnfan etẹbitẹ ke rre ne iran hia ni họn ẹmwẹ nẹẹn.

I Samuẹl 15:22

E Samuẹl keghi kha wẹẹ, “De ne ọ yẹ e Nọyaẹnmwa sẹẹ vbọ yi? Ahọn ẹmwẹ ra ese ne a zọọ? A họn ẹmwẹ ne ẹẹn, ọre ọ maa sẹẹ ne a gha gbe ohuan ne ọ maa sẹẹ ne ẹẹn.