Jerimaia 11:20 - Edo Bible (E Baibol Ẹdo) Version 1996

²⁰ Ọ re I na na erhunmwu wẹẹ, “E Nọyaẹnmwa ne Oghodua, ọbuohiẹn ne ẹ i bu eku ọ re uwẹ khin, wẹ ọ re ọ danmwẹ iro ekhọe emwa kevbe vbene emwi ye iran hẹ, ghe I mu ẹmwẹ enegbe mwẹ ye uwẹ obọ, rhunmwuda ọnii, gie aro mwẹ sẹ ọe vbe u gha rria iran na ikhi.”

Jerimaia 11:20 ပူးပေါင်းရင်းမြစ်များ

Gẹnẹsis 18:25

Vbe na i na gbe awẹawẹ u i ra gbe ni ma rukhọ ba eni rukhọ. Ọnii i gia ru wẹ i sẹtin ru vberriọ. Ẹghẹ nii, a ghi rri eni ma rukhọ oya zẹ vbe eni rukhọ. Ọnii i gia ru, enọbuohiẹn otọ agbọn hia, te ọ gha ru emwi nọkere.”

II Ọba 19:14

E Hẹzekaia keghi miẹn emwa ne a gie ẹre uhunmwu ebe nii, ọ na tie ẹre. Ọ na gha rrie Ọgua Osa, ọ na rhie ebe nii ye evba vbe odaro e Nọyaẹnmwa.

I Krọnikol 28:9

Rẹn keghi tama Solomọn wẹẹ, “Ovbi mwẹ, I yan tama ruẹn nian ne u rhan obọ miẹn Osanobua erha a, ne u gha ya ekhọe ẹmwata ga ẹe kevbe orhiọn ne ọ ho. Ọ rẹn iziro ekhọe mwa kevbe emwi ne ima gualọ. A dẹghe u bu ẹre gha khian, ọ gha miẹn ruẹn yi, sokpan a dẹghe u fi iyeke gbẹe, ọ gha suẹ rae rhinrin ẹdẹ.

I Krọnikol 29:17

Mẹ rẹnrẹn wẹ te uwẹ danmwẹ ekhọe edọmwadẹ ọghọe ghe, ẹko ruẹ vbe rhiẹnrhiẹn emwa ne ekhọe ne ọ huanrẹn kevbe ne ọ re ọghe ẹmwata. Ẹko ẹmwata ọre I ya ye ekhọe obọ mwẹ viọ emwi na hia guẹ. Ọ vbe miẹn vbene emwa ni si koko ye emwa na vbe ya ẹko ọyẹnmwẹ viọ emwi ihaoko guẹ.

Job 5:8

“Akpawẹ mẹ ọrọre uwẹ, I ghẹ hẹko sikẹ Osanobua I gha gui ẹzọ mwẹ ma rẹn.

Psalm 139:23

Gualotọ mwẹ Nọyaẹnmwa, ne u rẹn vbene ekhọe mwẹ ye hẹ; danmwẹ mwẹ ghe, ne u rẹn iro ekhọe mwẹ.

Psalm 35:2

Mu asa kevbe ẹwu okuo ruẹ ne u do wọlọ mwẹ ladian.

Psalm 43:1

Osanobua, bu asẹ mẹ, ne u mu ẹzọ mwẹ gui vbe ehe ne iran ne emwa dan ye; miẹn mwẹ fan vbe obọ emwa dan, kevbe avbe ọhọn ohoghe nii.

Psalm 57:1

Tohan mwẹ Osanobua tohan mwẹ, rhunmwuda wẹ ọ re imẹ lẹgbinna aghọnghọn ifuẹn ruẹn ọ re imẹ lẹre yi rhinrin okpẹhoho na te do la fo.

Psalm 58:10

Ẹko gha rhiẹnrhiẹn ẹmwata, vbe iran a miẹn wẹ a rri emwa dan oya, iran gha tubu la esagiẹn emwa dan gberra.

Psalm 7:10

Osanobua ọrọre ne ọ degue mwẹ, rẹn vbe miẹn iran ni họn ẹmwẹ ne ẹẹn fan.

Psalm 7:8

Wẹ ọrọre nọbuohiẹn emwa hia. Bu asẹ mẹ Nọyaẹnmwa. Wẹ rẹnrẹn wẹ mẹ ma rri abe.

Psalm 7:9

Osanobua ẹmwata ọ re uwẹ khin, wẹ keghi vbe bu ohiẹn iro ne ima zẹ, kevbe emwi ne ima ho. Dobọ emwi dan avbe emwa dan yi. Ne u vbe san avbe emwa esi ẹse.

Psalm 98:9

Rhunmwuda, ọ dee ra do kha yan agbọn, rẹn gha kha yan emwa ni rre agbọn na vbe ẹmwata kevbe a i ghe ikpanro.

Jerimaia 12:1

Nọyaẹnmwa, I gha wẹ ne ima gba gui ẹzọ mwẹ, wẹ ọ re ọ khian rri ase. Sokpan, I gha ye nọ ruẹn ọta ne ọ dekan ohiẹn ẹmwata. Vbọzẹ ne agbọn na maa emwa dan sẹrriọ yi?

Jerimaia 12:3

Sokpan wẹ rẹn mwẹ Nọyaẹnmwa; wẹ miẹn emwi ne I ru, kevbe vbene I ho ẹmwẹ ruẹn hẹ. Silo avbe emwa dan na gha khian zẹ vbe avbe ohuan ne a ra gbele ua. Gha baba iran ọ te sẹ ẹghẹ ne a gha ya gbele iran an.

Jerimaia 15:15

Ẹghẹ nii ọ re imẹ na kha wẹẹ, “E Nọyaẹnmwa, wẹ rẹn vbene emwi yẹ hẹ. Ye mwẹ rre ne u yọmwẹ obọ. Gun mwẹ sẹtin rria iran ni zẹ mwẹ kpokpo ikhi. Ghẹ ziengbe ne obọ iran gba mwẹ ya rhie gbe ua yerre wẹ rhunmwuda ruẹ ọ re a na rhovbiẹ mwẹ.

Jerimaia 17:10

Mẹ ne Nọyaẹnmwa ọ re ọ gualọ otọ ẹko ghe, I vbe gualọ otọ ekhọe ọmwa, vbe ne dọmwadẹ ọghọe ru emwi, ọ re I vbe ya ye ohọ mu ẹẹn. Zẹ vbene emwi ne ọ ru vbe ye.”

Jerimaia 17:18

Fa iran ni kpokpo mwẹ uan, sokpan gie ẹe la mwẹ ban Nọyaẹnmwa. Ye ohan vuọn iran, sokpan, ghẹ runran mwẹ. Gie ọkhọ rruan iran, ne u dunmwu iran rẹnkhẹnrẹnkhẹn.

Jerimaia 20:12

Sokpan, e Nọyaẹnmwa ne Oghodua wẹ danmwẹ emwa ghe vbene ọ kei yi; wẹ rẹn emwi ni rre ekhọe kevbe ẹko iran. Rhunmwuda ọnii, gun mwẹ miẹn vbe u rria avbe eghian mwẹ ikhi, rhunmwuda, wẹ ọ re I rhie ẹdagbọn mwẹ ye ọre obọ.

Eve Orriara 3:58

“E Nọyaẹnmwa, wẹ gbe bu mwẹ rre u keghi do miẹn mwẹ fan.

Eve Orriara 3:59

Ta ye ọghomwẹ wẹ rẹn vbe ne iran ho mwẹ ẹmwẹ hẹ.

Eve Orriara 3:64

“Rri iran oya ye emwi ne iran ru Nọyaẹnmwa.

Ezikiẹl 11:5

Orhiọn Osanobua keghi hin yan mwẹ, ẹre Nọyaẹnmwa na wẹ ne I ta uhunmwu ne irẹn gie ma avbe emwa nii wẹẹ, “Ivbi Izrẹl, I rẹn ẹmwẹ ne uwa ta kevbe emwamwa ne uwa mwamwa.

Iwinna 17:31

Rhunmwuda ọ bu ẹdẹ ọkpa ye otọ nẹ ne irẹn gha wẹ ne ọmwa ne irẹn hannọ zẹ nẹ, bu ohiẹn agbọn na hia vbe ne a i na bu eku. rẹn keghi vbe gie aro emwa da ọ na vbe ekpa ne ọna huẹn ọmwa ne a kha na kpaegbe vbe idin orinmwi!”

Filipai 4:6

Ghẹ si osi ye emwi rhọkpa, sokpan gha ya erhunmwu ne a na, nọ emwi ne u ho hia vbe obọ Osanobua, u ghi gha ye ekhọe ọkpọnmwẹ ẹse nọ rẹn vbe ẹghẹ hia.

II Timoti 4:14

Emwi ne ọ ru mwẹ re ima ighẹ Alẹkzanda ne ogun ẹrọnmwọ. E Nọyaẹnmwa gha vbe ha ẹre osa emwi ne ọ ru.

I Pita 2:23

Ugbẹn vbe a tie ihẹn nẹẹn, ọ ma tie ha osa. Ugbẹn vbe ọ rri oya, ọ ma ya obọ sa ekhae ne ọmwa rhọkpa, sokpan, ọ keghi wa mu idaehọ ẹre hia yan Osanobua, ọmwa ne ọ bu ohiẹn Ne ẹ i bu eku.

Arhie Maan 18:20

Wa ne ẹrinmwi, wa gha ghọghọ ye ne okhuo na na fuan! Wa ne emwa Osanobua, wa gha ghọghọ, kevbe avbe ukọ kevbe avbe akhasẹ. Rhunmwuda emwi ne okhuo na ru uwa ẹre, ẹre Osanobua rria ẹre ikhi yi na.

Arhie Maan 2:23

I gha vbe gbele ẹre emọ, ẹghẹ nii, avbe esọsi hia ghi do rẹn wẹ, mẹ ọrọre ọmwa ne ọ rẹn iro ne ọmwa zẹ vbe ekhọe ẹre kevbe emwi ne ọ hoo. I gha do hae ne edọmwadẹ ọghọe vbe uwu uwa zẹ vbe iwinna ne uwa winnaẹn.

I Samuẹl 16:7

Sokpan, e Nọyaẹnmwa tama rẹn wẹẹ, “Ghẹ ghe ẹre wẹ ọ tanẹn ra wẹ ọ mose, mẹ he ẹe nẹ, rhunmwuda, ẹ i re vbene ọmwa ne agbọn ghe emwi ọ re imẹ ghe ẹre. Agbọn ghe ikpakpa, sokpan, ekhọe imẹ ghe.”

I Samuẹl 24:15

E Nọyaẹnmwa gha bu ohiẹn, ọ gha ta ne ọ diyi vbe uwu ima. Te ọ gha guan ye ẹmwẹ na, ọ ghi degue mwẹ, ọ ghi miẹn mwẹ fan vbe ọbo ruẹ.”