Jerimaia 11:19 - Edo Bible (E Baibol Ẹdo) Version 1996

¹⁹ Mẹ keghi yevbe oteghe ohuan ne ẹ i vbe begbe hiehiere, ne a mu ladian ne a ya gbe ẹe rua, mẹ ma vbe rẹn wẹ mẹ ọ re iran zẹ iro ọkhọ da. Iran kegha kha wẹẹ, “Wa gia kalọ erhan na kua, vbe egbe he rran rẹn na, wa gia gbe ẹe rua ne ọmwa rhọkpa ghẹ ghi ye ẹre rre ọvbehe.”

Jerimaia 11:19 ပူးပေါင်းရင်းမြစ်များ

Job 28:13

A i miẹn ewaẹn vbe uwu ẹbu emwa, ọmwa ne ọ mobọ rẹn igho ẹre ẹ i rrọ.

Psalm 109:13

Te ivbi uniẹn ọnrẹn hia gha wulo, te eni ẹnrẹn gha gbe ẹro, hin ọghe orre ni dee rre.

Psalm 112:6

Ọmwa esi i gbe ihoi ẹdẹ, te a gha ye ẹre rre rhinrin ẹdẹ.

Psalm 116:9

Rhunmwuda ọnii, ọ re imẹ na khian vbe odaro e Nọyaẹnmwa, vbe otọe iran ni rre agbọn.

Psalm 142:5

Nọyaẹnmwa, I kpe tie ruẹ ne u yọmwẹ obọ, wẹ, e Nọyaẹnmwa, ọrọre ne ọ rhie mwẹ lẹre, wẹ ọrọre emwi okpa ne I ho vbe agbọn na.

Psalm 27:13

Mẹ rẹnrẹn i ghẹ I gha tọ miẹn ọma ọghe Nọyaẹnmwa vbe arria na.

Psalm 31:13

I họn ewẹwẹwẹ, ne avbe eghian mwẹ ta; iran wa khuan khẹ mwẹ iran gha si uma ne iran gbe mwẹ uan.

Psalm 35:15

Sokpan, mẹ ghi rre uwu ọlọghọmwa nian, iran kegha ghọghọ, iran kegha gbe ẹbu ya mwẹ gbogiẹ. Avbe orhunmwuyẹn gbe mwẹ iran kegha liki mwẹ.

Psalm 52:5

Rhunmwuda ọnii, Osanobua gha mu uwẹ rhia ẹdẹdẹmwẹdẹ, ọ gha dobọ mu ẹẹn ọ ghi sanmwọ ọn hin owa ruẹ rre ọ ghi rhie ruẹ hin agbọn emwa ni ma he wu rre.

Psalm 83:4

Iran khare wẹẹ, “Wa larre, wa gie ima guọghọ uhunmwu ẹvbo iran an, ne a wa mianmian Izrẹl ẹdẹdẹmwẹdẹ.”

Itan 10:7

A gha ye ẹmwata rre zẹ vbe emwa ne a fiangbe, sokpan, banbanna a mianmian ọmwa dan nẹ.

Itan 24:15

Ghẹ yevbe ọmwa dan, ne ọ mwamwa vbene irẹn gha ya rha ọmwa ne ọ yin ẹse hẹ, ra vbe ne ọ gha mu ẹre owa hẹ.

Itan 7:22

Ọ keghi wa lelẹe kpao vbe ọwarọkpa nii, vbene ẹmila rrie ehe ne a na gbẹe, ra ẹrhuẹ ne ọ rhulẹ rrie ifi,

Aizaia 32:7

Ọmwa dan ọ re ọzuọ khin, emwi dan ọ re ọ vbe ru vbe ẹghẹ hia. Ọ ghi kun ẹẹn ne ọ ya ohoghe gbe ovbiogue hin oghẹn rre, kevbe ne ọ ghẹ vbe gie emwi ne ọ khẹ ke iran sẹ iran obọ.

Aizaia 38:11

I te gha ro wẹ mẹ i ghi dọlegbe miẹn Nọyaẹnmwa. Ra ọmwa ne ọ rre agbọn vbe agbọn emwa ni ma he wulo na.

Jerimaia 18:18

Emwa nii keghi kha wẹẹ, “Wa gia gualọ vbene a gha ru ẹmwẹ e Jerimaia hẹ. A gha miẹn avbe ohẹn ne ọ gha ma ima emwi rhinrin, avbe umẹwaẹn ni gha bu ima ude, kevbe avbe akhasẹ ni gha ta ẹmwẹ Osanobua ma ima. Wa gie a mu ẹmwẹ kuan rẹn, ne a ghẹ ghi danmwehọ ẹmwẹ ne ọ ta.”

Jerimaia 20:10

I ghi họn vbe agbọn hia tae wẹẹ, “Ohan gba ehe hia, wa gia ya gu ẹe gui ma iran ni khaemwisẹ.” Uhin ghe te avbe ọse mwẹ ni sikẹ mwẹ sẹẹ, khẹ ẹghẹ ne I gha ya de, iran wẹẹ, “Wẹ wẹ ẹ ghi gia rẹrẹ, ẹghẹ nii, obọ ima ghi vba ẹre ne a rria ẹre ikhi.”

Jerimaia 26:8

Ọwarọkpa vbe I ghi wa taa ẹmwẹ ne Nọyaẹnmwa tama mwẹ wẹ ne I ta fo nẹ iran ke gua mwẹ rhie, iran na gha go kha wẹẹ, “Te ọ kere ne a gbe uẹ ua ba ọnọna.

Eve Orriara 3:60

U rẹn vbene avbe eghian mwẹ khuiwu mwẹ hẹ, kevbe vbene iran khuan khẹ mwẹ hẹ.

Ezikiẹl 32:24

“Ẹlam rre evba, ke ẹe kevbe idin avbe ivbiyokuo ẹre ni lẹga ẹre. Okuo ọ re a na gbele ehia, iran keghi ya ukpikolo gha rre ẹvbo avbe emwa ni wulo nẹ. Ẹghẹ ne iran na rre agbọn, iran kegha ya ohan mu emwa hia, sokpan, banbanna nian, iran wulo ye otọ, iran khian emwa ne a fara a.

Daniẹl 9:26

Ọ gha sẹ ufomwẹ ẹghẹ na, iran gha gbe ẹe rua ighe ọkaolotu ne Osanobua zẹe na vbene ẹ i na mwẹ emwi ne ọ ru. Ivbiyokuo ọmwa ne ọ wegbe ọkpa ne ọ rre asẹ gha mu okuo la ẹvbo, iran gha dunmwu avbe idunmwu nii kevbe Ọgua Osa rua. Ufomwẹ gha rre, orogho okpamẹ ne ọ lẹẹ gha rre, ọ ghi viọ okuo kevbe ọfuan gha dee zẹ vbene Osanobua mwamwaẹn yotọ.

Hozia 9:8

Te Osanobua gie mwẹ zẹ vbe akhasẹ ne I do tama ivbi Izrẹl yotọ khẹ ọ dee. Sevba, eheikehe ne I rhirhi a la, wa ghi gha ho ne uwa ya ifi mu mwẹ zẹ vbe ahianmwẹ. Emwa ọrọre oghian avbe akhasẹ vbe otọe Osanobua tobọ ẹre.