Jerimaia 11:15 - Edo Bible (E Baibol Ẹdo) Version 1996

¹⁵ E Nọyaẹnmwa keghi kha wẹẹ, “Emwa ne I ho ẹmwẹ ọnrẹn wa ru emwi dan. De emwi ne ọ ghi ya khẹke iran yi ne iran gha rre uwu Ọgua Osa mwẹ? Te iran ro ra ighe iran gha sẹtin dobọ ọkhọ ne ọ rruan, ọmwa yi vbekpa ne iran na gha ve emwi kevbe ne iran gha na ye aranmwẹ zọ ese?

Jerimaia 11:15 ပူးပေါင်းရင်းမြစ်များ

Psalm 50:16

Sokpan, Osanobua tama emwa dan wẹẹ, “Vbọzẹ ne u wa na guan kan ile mwẹ?

Psalm 60:5

Ya ẹtin ruẹn miẹn mwa fan, họn erhunmwu mwa ne a miẹn ehe na dẹ emwa ne u ho ẹmwẹ ọnrẹn werriegbe.

Itan 10:23

Ukọnmwẹ nọ, a deghẹ ẹko rhiẹnrhiẹn ọmwa ye iba ne a zẹ. Avbe umẹwaẹn, ẹwaẹn ọ re ọ ye ẹko iran rhiẹnrhiẹn.

Itan 15:8

Emwa esi gha na erhunmwu, ẹko ghi gha rhiẹnrhiẹn e Nọyaẹnmwa, sokpan te emwi izọ ese ne emwa dan viọ gie ẹe sọnnọ ẹn.

Itan 2:14

Emwa ne iba ne a zẹ wa yẹ, kevbe ne uyinmwẹ ọzuọ ye ẹko ẹre rhiẹnrhiẹn.

Itan 21:27

Te ọ sọnnọ e Nọyaẹnmwa vbe emwa dan a zọ ese ghe ẹre, katekate vbe a gha miẹn wẹ emwi dan ọ re ọ rre iran ekhọe ne ọ ye iran ru ẹe.

Itan 26:18

Ọmwa ne ọ mu ogieva ẹre ru, ọ na wẹ ọdẹn rẹn gbe, te ọ yevbe ọmwẹmwẹ ne ọ ye emwi ne ọ sẹtin kuan ọmwa ku.

Itan 28:9

Adeghẹ wẹ i ya uhi ru emwi te erhunmwu ruẹn ra wa gha sọnnọ Osanobua.

Aizaia 50:1

E Nọyaẹnmwa khare wẹẹ, “Te uwa ro ra ighẹ te imẹ khulo emwa mwẹ kua zẹ vbene okpia khu amwẹ ọnrẹn fua ra? Ebe aheyotọ ne a ghi gbẹn ne ẹẹn vbo khekherriọ? Te uwa ro ighẹ te I khiẹnnẹ wa gha rrie iwe ra zẹ vbe ọmwa ne ọ khiẹnnẹ ivbi ẹre eviẹn? Ẹn o, iran viọ uwa oghunmwu gha rrie rhunmwuda orukhọ uwa. Te a khulo uwa ladian rhunmwuda emwi dan ne uwa ru.

Jerimaia 12:7

E Nọyaẹnmwa khare wẹẹ, “I hee Izrẹl yotọ nẹ. I sẹẹ uhunmwu ẹvbo mwẹ ne I hannọ zẹ rae nẹ I viọ emwa ne I ho ẹmwẹ ọnrẹn ye obọ ẹtin eghian iran nẹ.

Jerimaia 13:27

Ọ miẹn Vbe uwa ru emwi ne ẹ i ye ọre nẹ. Ọ miẹn ọẹn vbe uwa lele avbe ẹbọ iran ni ma yayi vbe avbe uhunmwu oke kevbe oha, zẹ vbe ọmwa ne ọ fifi lele amwẹ ọsiọre ra ẹsin ọwẹe ne ọ kpe lele ẹsin amwẹ. Ivbi e Jerusalẹm, wa wiri, de ẹghẹ ne uwa gha ya huan?

Jerimaia 15:1

Ẹre Nọyaẹnmwa na tama mwẹ wẹẹ, “Ọ gha khọnrẹn ne a miẹn wẹ e Mosis kevbe Samuẹl ọ re ọ mudia vbe emwa na gha rinmwian mwẹ, I i sẹtin tohan emwa na hiehiere. Wẹ ne iran ladian, wẹ ne iran kpao hin odaro mwẹ rre.

Jerimaia 2:2

ne I ya ta ẹmwẹ na ma emwa hia ni rre Jerusalẹm. “I yerre wẹ ọmwa ne ọ mudia ẹse ọ re u wa gha khin vbe ẹghẹ ne u na ye kherhe. Vbene u gha ho ẹmwẹ mwẹ hẹ vbe ẹghẹ ne a na da rhie ruẹ rre. U lele mwẹ la ato, la otọ ne a ma he mu ẹre ugbo ẹdẹ.

Jerimaia 23:11

E Nọyaẹnmwa khare wẹẹ, “Ke akhasẹ kevbe avbe ohẹn, ne ọ rẹn Osanobua i rrọọ I mu iran nẹ vbe iran ru emwi dan, vbe uwu Ọgua Osa tobọ ẹre.

Jerimaia 3:14

“Wa ne emwa ne ai gha ekhọe ẹre, wa werriegbe rre, ọghomwẹ ọ re uwa khin, I gha rhie ọkpọkpa vbe uwu uwa ke dọmwadẹ okpẹvbo ladian, kevbe eveva ke dọmwadẹ ẹwae rre, I ghi viọ uwa werriegbe gha die Oke Zaiọn.

Jerimaia 3:8

Aro e Juda vbe sẹ ọe wẹ I khu Izrẹl ne, I na wẹ ne ọ gha rrie rhunmwuda ọ fi iyeke gbe mwẹ, ọ na ya gha gbe ebabotu, sokpan, e Juda ne okhuo ne ọ ma guobọ ọdọ ne ọtẹn Izrẹl, ohan ma vbe mu ẹẹn. Rẹn na wa vbe khian ebabotu,

Hozia 3:1

E Nọyaẹnmwa keghi tama mwẹ wẹẹ, “Dọlegbe gha khian, ne u ya ho ẹmwẹ okhuo ne irẹn vbe egbakhian rẹn gba ghẹ khian nii, u ghi ho ẹmwẹ ọnrẹn zẹ vbene imẹ ye vbe ho ẹmwẹ ivbi Izrẹl ne emwa mwẹ, a gha rhe miẹn wẹ iran lẹ lele ẹbọ ọvbehe, iran keghi vbe gha ya ititi ọmọ erhan ne a kae re, zọ ese ghe amazẹ.”

Matiu 22:11

“Ugbẹn vbe ọba ghi do ghe emwa ne a tiere, ọ keghi miẹn ọkpia ọkpa ne ọ ma yọ ẹwu irhiọha vbe evba.

Iyẹn ne ọ Maan Ọghe Luk 8:28

Ọ keghi datu vbe ọ dẹghe Jesu, ọ degbe otọ vbe odaro ọre ọ datu wẹẹ, “Jesu Ovbi Osanobua Ne Ọ Yo Sẹ, vbe ua gualọ sẹ egbe mwẹ? Lahọ ghẹ rriọ mwẹ oya.”

Ebe ne Pọl gbẹẹn gie emwa Rom 11:28

Rhunmwuda ne iran na he Iyẹn Ne ọ maa ọghe Osanobua, avbe Ju keghi la ekpa uwa ne ẹ i re Ju khian oghian Osanobua, sokpan zẹ vbe emwa ne Osanobua hannọ zẹ, iran keghi la ekpa avbe erha mwa odede do gha re ọse Osanobua.

I Kọrinti 13:6

Ẹko aho ẹmwẹ ọmwa i rhiẹnrhiẹn ye ọkhọ, sokpan emwi ẹmwata ọre ọ sẹ ọre ọyẹnmwẹ.

Taitọs 1:15

Emwi hia ọrọre ne ọ huanrẹn vbe obọ emwa ne iran tobọ iran vbe huan, sokpan a i miẹn emwi ọkpa ne ọ huanrẹn vbe obọ iran ne a ru ẹre awua mu rhia kevbe ne ẹ i mwẹ iyayi, rhunmwuda a ru orhiọn kevbe ekhọe iran awua mu ẹn rhia nẹ.

Jems 4:16

Wanwanna nian, wa wa tọn egbe mu, wa keghi vbe rhuọ, egbe orhuọ vberriọ rhọkpa, ne ọ diae i rrọọ.