Jerimaia 10:9 - Edo Bible (E Baibol Ẹdo) Version 1996

⁹ Esiliva ni ke Spen rre a ya rhu amazẹ iran. Kevbe igoru ni ke Ufaz rre, iwinna ne avbe iran ni gue ona ye obọ ru a ya ukpọn ododo kevbe umẹ guee iran egbe, avbe iran ni do ukpọn ni guẹe ọ re ọ do ẹe.

Jerimaia 10:9 ပူးပေါင်းရင်းမြစ်များ

I Ọba 10:22

Ọ keghi vbe gha mwẹ ọgbagba okọ ne ọ lele ọgbagba okọ ọghe Hiram ye uwu ẹzẹ. Ukpo eheha ọre avbe okọ ẹre ya dunmwu, iran ghi viọ igoru rre kevbe esiliva, akọn eni ọsa kevbe emẹ.

II Krọnikol 9:21

Ọ kegha mwẹ ọgbagba okọ ni yo okun, ne iran vbe ọgbagba okọ ọghe Hiram gba yo okun. Ukpo eha ọre okọ ẹre ya werriegbe rri owa iran ghi vuọn ne igoru, esiliva, akọn eni, ọsa kevbe emẹ ne iran viọ gha dee.

Psalm 115:4

Esiliva kevbe igoru ọ re a ya ru ẹbọ iran, emwi ne a ya obọ emwa nagbọn ru.

Psalm 72:10

Avbe ọba e Spen kevbe iran ni rre otọ ne amẹ lẹga gha zẹ ẹfe gie ẹe. avbe ọba avbe Arrebia kevbe Etiopia gha viọ imuohan gie ẹe.

Aizaia 23:6

Wa gha kporhu eve orriara, wa ne emwa e Fonisia. Wa hia ne uwa lẹ gha rrie Spen.

Aizaia 40:19

Rẹn i yevbe amazẹ ne avbe emwa ni ru emwi mamaẹn, ne avbe igun ẹrọnmwọ ya igoru rhu a na vbe hẹnhọn ẹẹn yan esiliva vbe ototọ.

Ezikiẹl 27:12

“U ya winna vbe Spen, u na miẹn esiliva, ematọn, isan ematọn, kevbe oze ne a ya ha osa ye emwi ẹfe ruẹ ẹmimọ.

Ezikiẹl 27:7

Ukpọn eto ovbiohuẹ ọ re a ya ru ukpọn ẹhoho okọ ruẹ, ukpọn eto ovbiohuẹ ne a do ke Igipt rre, ne a miẹn wẹ umọdia ọ re a na rẹn ọnrẹn. Ukpọn ne ọ maa fo ọ re a ya ru ekharha ne a fi gue ruẹ ododo ibakpa ne a miẹn vbe Saiprọs.

Daniẹl 10:5

I ghi tọn aro mu, I keghi ya bẹghe ọmwa ọkpa ne ọ yọ ukpọn eto ovbiohuẹ, ọ keghi mu ugbẹkun igoru ne mose gba.

Hozia 8:6

Owinna ne ovbi Izrẹl ọ re ọ ma amazẹ nii, ẹ i vbe zẹdẹ re ẹbọ hiehiere. Iran gha rẹnkhẹn ọẹn ruan ighe ẹbọ igoru ne iran gho vbe Sameria.

Jona 1:3

Sokpan, e Jona keghi mu uhunmwu da ehe ọvbehe ne ọ miẹn ehe na lẹ hin ehe ne Nọyaẹnmwa ye rre. Rẹn keghi gha rrie Jopa, ọ keghi miẹn okọ ne ọ ke evba rrie Spen. Rẹn keghi ha osa, ọ na la okọ ne ọ lele emwa ni gua ẹe gha rrie Spen, ehe ne ọ gha na wa kpa hin ehe ne Nọyaẹnmwa ye rre.

Habakọk 2:19

Ọwuẹ fo! U gha khama ike erhan wẹẹ, “Rhiọrre!” kevbe ovbi okuta wẹẹ, “Kpaegbe!” Amazẹ gha sẹtin rhie emwi ne a ma rẹn rhọkpa ma ruẹn ra? A sẹtin ya esiliva kevbe igoru rhu ẹe, sokpan, orhiọn i rre uwu ẹre.