Jerimaia 10:8 - Edo Bible (E Baibol Ẹdo) Version 1996

⁸ Akpa vbe abobo ọ re iran hia khin. De ẹwaẹn ne iran ra miẹn ruẹ vbe ukhurhẹ?

Jerimaia 10:8 ပူးပေါင်းရင်းမြစ်များ

Psalm 115:8

Iran ni mannọ iran, kevbe iran ni gho iran, te iran gha vbe gha ye vbe nene amazẹ, ne iran mannọẹn.

Psalm 135:18

Te iran ni ru iran, kevbe iran ni mu ẹtin yan iran, gha a ye vbe ne amazẹ ne iran maẹn ye.

Aizaia 41:29

Kẹkan ọ re avbe ẹbọ na hia wa khin, iran i sẹtin ru emwi rhọkpa hiehiere. Te avbe amazẹ na ye mitanmitan iran i mwẹ ẹtin rhọkpa.”

Aizaia 44:18

Emwa vberriọ akpa ni i sẹtin rẹn emwi ne iran ru ọ re iran khin. Iran yin ehọ iran yin ẹwaẹn, iran ma ghi sẹtin rẹn emwi ne ọ re ẹmwata.

Aizaia 44:19

Iran ni ru amazẹ i vbe mwẹ ẹwaẹn ra irẹnmwi ne iran gha ya kha wẹẹ, “I giẹẹn eso ua nẹ vbe erhan na, I vbe ya erhẹn ọnrẹn eso le ebrẹd, I vbe tọn emiowo, I na rrii ọe. Ne ọ ghi dekẹe vbe nene erhan, I keghi yae kaa amazẹ. U ghe mwẹ vbe I ya uhunmwu rhanmwẹ otọ ne ike erhan!”

Jerimaia 10:14

Emwa nagbọn gha miẹn ọna, iran ghi khian ni ọ zurọ ni i mwẹ ẹwaẹn, iran ni mannọ amazẹ ma rẹn emwi ne iran ru, rhunmwuda, ẹbọ nii, iran i mwẹ arrọọ, ohoghe vbe nọ.

Jerimaia 2:27

Erriọ ọ re a ra ya oya ne uwa ni kha wẹ erhan ọrọre erha uwa, okuta ọrọre iye uwa. Erriọ ọre ọna ra sunu rhunmwuda, wa fi iyeke gbe mwẹ vbe ọ te kei ne uwa bu mwẹ gha dee. Sokpan, wa gha rre uwu ibaro, wa ghi wẹ ne I do miẹn uwa fan.

Jerimaia 3:9

ekhue ma vbe mu ẹẹn hiehiere. Ọ ru otọ awua, ọ keghi ghẹ vbekpa ne ọ na gha gho avbe okuta kevbe erhan.

Jerimaia 4:22

E Nọyaẹnmwa khare wẹẹ, “Akpa ọ re avbe emwa mwẹ khin, iran ma rẹn mwẹ. Iran ye vbe emọ ni kọẹn iran imwẹ irẹnmwi hiehiere. Iguẹsẹ iran khin vbe emwi dan ne a ru emwi esi ne a ru i dunna ne iran.”

Jerimaia 5:4

Ẹghẹ nii ọ re I na kha wẹẹ, “Avbe ivbiogue ni ma rẹn enaye ọ re ena khin. Emwi ukọnmwẹ ọ re iran wa ru, iran ma rẹn emwi ne ọ yẹ Osanobua iran, emwi ne Nọyaẹnmwa ho ne iran ru.

Hozia 4:12

Iran ghi ya gha nọ ike erhan wẹ ne ọ ta enegbe iran ma iran. Ọkperhan ọ re ọ ghi tama iran emwi ne iran ho ne iran rẹn. Iran sẹ mwẹ rae nẹ, zẹ vbe okhuo ne ọ khian igberagia. Iran rhie egbe iran ne avbe ẹbọ ọvbehe.

Jona 2:8

Iran ni gho ẹbọ ohoghe, rhie ẹmwẹ ruẹn hin ekhọe iran rre nẹ.

Habakọk 2:18

De esa ne ẹbọ ye yi? Emwi ne ọmwa ya obọ ru kẹkan ma, nẹ ẹ i vbe ta ẹmwẹ ọkpa ma ruẹn gberra ohoghe. De ọ maa ọkpa ne ọmwa ne ọ mu ẹtin yan rẹn ra miẹn vbọ yi — ẹbọ ne ẹ i sẹtin guan.

Zẹkaraia 10:2

Emwa ghi ya gha nọ avbe amazẹ kevbe iran ni bọ, sokpan ewanniẹn ne iran miẹn ohoghe ne ọ mwamwa ọ re ehia khin. Eso ghi gha rhan otọ imina, sokpan, te iran bibi uwa odẹ kẹkan. Ọfumwegbe ne iran rhierre i mwẹ esa. Rhunmwuda ọnii, avbe emwa ni ghi gha hẹ yo hẹ rre zẹvbe ohuan ne ọ wiri. Iran rre uwu orueghe rhunmwuda, ọkaolotu i rrọọ.