Jerimaia 10:22 - Edo Bible (E Baibol Ẹdo) Version 1996

²² Wa danmwehọ! Iran giee uhunmwu rre. Ẹvbo ọkpa vbe odẹ okuọ wa hu yo hu rre, ivbiyokuo ẹre gha ya avbe okpẹvbo e Juda khian ato, ehe ne avbe akuaghagha ghi dia.”

Jerimaia 10:22 ပူးပေါင်းရင်းမြစ်များ

Aizaia 34:13

Igban kevbe ọkọsọ gha zọ vbe ehe hia kevbe avbe ẹvbo ne a gbe ekẹn gaa. Avbe edi kevbe esughusughu ọ re ọ ghi ra gha rrọọ.

Jerimaia 1:14

Rẹn keghi kha ma mwẹ wẹẹ, “Ọfuan gha ke odẹ okuọ rre do de tọn iran hia ni rre otọe na.

Jerimaia 1:15

Rhunmwuda te imẹ ghi tie avbe uhunmwu ẹvbo hia ni rre odẹ okuọ wẹ ne iran gha dee. Avbe ọba iran ghi mu ẹkete iran gbọọ ye onurho e Jerusalẹm, kevbe lẹga ekẹn ne a gbe lẹga ẹre, kevbe yan avbe ẹvbo ni dekẹe vbe Juda.

Jerimaia 2:15

Iran vannọ mu ẹẹn zẹ vbe oduma, iran ya otọe ẹre khian ato, avbe okpẹvbo ni rrọ khian itowa ne emwa na lẹ kpao fẹẹrẹ.

Jerimaia 25:9

‘I khian gie ya tie avbe emwa ni rre odẹ okuọ hia rre, kevbe ọguọmwadia mwẹ ighe e Nebukiadneza ne ọba e Babilọn, I gha viọ iran rre, ne iran do gu e Juda kevbe emwa ni rre uwu ẹre gbinna. Kevbe avbe ẹvbo ni sikẹ ọre hia. I khian fuẹn uhunmwu ẹvbo na kevbe avbe uhunmwu ẹvbo ni lẹga ẹre, I ghi ya ehia khian itowa ẹdẹdẹmwẹdẹ, emwi ne ọ mu ohan ne ọ ye egbe ku ọmwa ohiọnhiọn. Mẹ ne Nọyaẹnmwa ọ re ọ tae.

Jerimaia 4:15

Emwa ne a gie ẹre uhunmwu ke Dan kevbe avbe uhunmwu oke Ifreim gha dee, ọ re ọ do na iyẹn dan nii.

Jerimaia 4:6

Wa ma iran odẹ Zaiọn! Wa lẹ ne uwa fe vbe ẹbe. Wa ghẹ rhọ eghẹrẹ! E Nọyaẹnmwa mu ọfuan kevbe omurhia nọkhua ke odẹ okuọ dee.

Jerimaia 49:33

A gha ye Hazọ khian ato ẹdẹdẹmwẹdẹ, ehe ne a miẹn wẹ avbe ekuaghagha okpa ọ re a miẹn vbọ. Ọmwa rhọkpa i ghi ra dọlegbe yin evba. Mẹ ne Nọyaẹnmwa taa ẹe nẹ.”

Jerimaia 5:15

Wa ne ivbi Izrẹl, e Nọyaẹnmwa gie emwa ke ehe ne ọ wa rrei dee ne iran do gu uwa gbinna. Uhunmwu ẹvbo nẹdẹ, kevbe ne ọ wegbe nọ, uhunmwu ẹvbo ne uwa i họn ẹvbo ne iran zẹ.

Jerimaia 6:1

Uvbi e Bẹnjamin, wa lẹ ne uwa rhie uhunmwu hin ẹbe rre! Wa lẹ ladian vbe Jerusalẹm! Wa kpe okpe vbe Tẹkoa, ne uwa hie erhẹn orhiema ye Bẹt-Hake-rẹm, ọkhọ kevbe omurhia ra ke odẹ okuọ gha dee.

Jerimaia 6:22

E Nọyaẹnmwa khare wẹẹ, “Emwa ke ẹvbo ne ọ rre odẹ okuọ dee, uhunmwu ẹvbo nọkhua okpa ne ọ mwẹ ẹtin gha mu egbe okuo.

Jerimaia 9:11

E Nọyaẹnmwa khare wẹẹ, “I gha ya Jerusalẹm khian otiku itowa, ehe ne avbe ekuaghagha dia; avbe okpẹvbo e Juda gha khian ato ehe ne emwarhọkpa i ghi ye.”

Eve Orriara 1:4

A i ghi miẹn ne ọ rre do gha ga vbe Ọgua Osa nian vbe ẹdẹ iruẹmwi. Emọ ikhuo ni so ihuan vbe evba, oya iran ghi re akọn ọ re avbe ohẹn ghi re. Onurho ẹvbo dihoi rua, uwu orriara ọ re Zaiọn ghi ye.

Ezikiẹl 12:19

U ghi tama avbe uhunmwu ẹvbo hia wẹ uhunmwu na ọ re Nọyaẹnmwa ne Udazi gie gie ivbi e Jerusalẹm ni ye rre otọ iran. Iran gha guọ vbe iran a gha rri evbare, iran ghi vbe gha mian ba ẹmwẹ ohan vbe iran a gha wọn amẹ. A gha wabọ emwi hia hin otọe iran rre rhunmwuda iran ni rrọ, emwa dan iran khin.

Malakai 1:3

I keghi vbe khuiwu Isọ kevbe ivbi uniẹn ọnrẹn. I dunmwu ẹvbo oke ọghe Isọ ua, I na se otọe ne o rro rae ne avbe aranmwẹ oha.”