Jerimaia 10:19 - Edo Bible (E Baibol Ẹdo) Version 1996

¹⁹ Ivbi e Jerusalẹm keghi datu wẹẹ, “A kuan mwa, obọ da mwa ẹsẹse! Ẹwẹn ima i ra rrie! Ma te gha ro ighe emwi ne egbe mwa gha rrọ ọ re ọna khin.

Jerimaia 10:19 ပူးပေါင်းရင်းမြစ်များ

Psalm 39:9

I gha hẹko hunwan, mẹ i ra vbe ta ẹmwẹ ọkpa rhunmwuda, wẹ ọ re ọ si oya ne I re na yọmwẹ egbe.

Psalm 77:10

Vbe iyeke ọnii I keghi kha wẹẹ, “Ne ọ ghi balọ mwẹ sẹ vbọ ọ re ọna khin wẹẹ, ‘Osanobua i ghi mwẹ ẹtin ọvbehe.’ ”

Aizaia 8:17

E Nọyaẹnmwa rhie egbe ẹre lẹre ne emwa rẹn nẹ, sokpan, mẹ mu ẹtin yan rẹn, I vbe mwẹ idaehọ vbe uwu irẹn.

Jerimaia 14:17

E Nọyaẹnmwa keghi yan tama mwẹ wẹ ne I ta ẹmwẹ akhiẹ mwẹ ma emwa nii, ne I tama iran wẹẹ: “Te ameve gha lẹ vbe aro mwẹ ke avan kevbe asọn I i gha dobọ eve ne I viẹ iran re yi rhunmwuda ẹwẹn ne ọ da ọ re a fian avbe emwa mwẹ re, obọ wa vbe daa iran.

Jerimaia 14:7

Avbe emwa mwẹ viẹ bu mwẹ gha dee wẹẹ, ‘A gha rhe miẹn ighẹ orukhọ mwa gu ima gui, yi ima obọ vbene u yanrẹn Nọyaẹnmwa. Ẹghẹ nibun ọ re ima ya fi yeke gbe uwẹ, ma ru orukhọ ghe uẹ.

Jerimaia 17:13

E Nọyaẹnmwa, wẹ ọrọre idaehọ Izrẹl, ekhue gha mu iran hia ni he uwẹ yotọ a gha ho iran bẹkun zẹvbe eni ne a gbẹnnẹ ye ekhae rhunmwuda, iran hee uwẹ ne Nọyaẹnmwa yotọ nẹ, wẹ ne uhunmwu ẹzẹ amẹ ne ọ furre.

Jerimaia 4:19

Obalọ ẹre! Egbe mwẹ i rrọ obalọ ẹre, udu mwẹ! Udu mwẹ wa fi kpikpikpi I i sẹtin hunwan, i họn ẹmwẹ avbe okpe nii, deba ugomwẹ okuo.

Jerimaia 4:31

I họn urhu eve ọkpa, ọ yevbe ọghe okhuo, ne emwi ubiẹmwẹ ru, vbe ọ khian biẹ ọmọ okaro. Utumwẹ e Jerusalẹm nọ, ọ gha hẹwẹ ukuke, o nien obọ ladian gha kha wee, “I wiri! Iran ra do gbe mwẹ uan.”

Jerimaia 8:21

A guọghọ mwẹ ogiudu ua rhunmwuda a guọghọ emwa mwẹ uan te I ghi khiẹ, ehia yan mwẹ unu uan.

Jerimaia 9:1

Akpawẹ uhae amẹ ọ re uhunmwu mwẹ khin nian, ne aro mwẹ vbe gha re uhunmwu ẹzẹ ne ọ lẹẹ, ne I miẹn ehe na gha viẹ, asọn kevbe avan, ne avbe emwa mwẹ ne a gbele ua!

Eve Orriara 1:2

Te ọ wa viẹ ne ẹdẹ gbe ameve ghi gha rhọ kua vbe aro ẹre. A ma miẹn ne ọ ghi kẹe ne ọ do fu ẹre ẹko rre vbe uwu avbe ọse ne ọ te ka mwẹ. hia. Iran ni te ga gie ẹe hia hiẹ ọre te ehia ghi mu aro da irẹn na.

Eve Orriara 3:48

Ẹzẹ ameve lẹ vbe aro mwẹ, vbe I miẹn vbene a lọkọ emwa mwẹ hẹ.

Maika 7:9

Ma ru orukhọ ghe Nọyaẹnmwa nẹ, rhunmwuda ọnii, te ọ kere ne ima ziengbe ohu ẹre vbe omwa ẹghẹ eso, sokpan, vbe okiekie, ọ gha mu ẹzọ ima gui, ọ ghi kpe ima oya emwi ne a ya ru ima khọ ua.