Jerimaia 10:15 - Edo Bible (E Baibol Ẹdo) Version 1996

¹⁵ Iran i mwẹ esa ne iran ye, te ọ kere ne a gha zan iran, a gha fuẹn iran an, vbe Nọyaẹnmwa a ghi fi iran emwi.

Jerimaia 10:15 ပူးပေါင်းရင်းမြစ်များ

Psalm 115:9

Wa ne ivbi Izrẹl wa mu ẹtin yan e Nọyaẹnmwa rọẹn ọ re ọ ye uwa obọ ne ọ vbe rhie uwa lẹre.

Aizaia 41:24

Ke uwa kevbe emwi ne uwa ru hia, kẹkan ehia khin. Emwa izohu ọ re iran ni gho uwa khin!

Aizaia 41:29

Kẹkan ọ re avbe ẹbọ na hia wa khin, iran i sẹtin ru emwi rhọkpa hiehiere. Te avbe amazẹ na ye mitanmitan iran i mwẹ ẹtin rhọkpa.”

Aizaia 57:12

Wa ro wẹ emwi ne uwa ru gbae, sokpan, I gha vẹ uwa uhe ua, avbe ẹbọ uwa i ra vbe sẹtin ru iyobọ ne uwa.

Jerimaia 10:11

(Ọ kere ne uwa tama iran wẹ avbe ẹbọ ni i re ni yii otọ vbe ukhunmwu, a gha guọghọ iran an. Iran i ghi khian gha rrọ vbe ehe rhọkpa vbe agbọn na.)

Jerimaia 10:8

Akpa vbe abobo ọ re iran hia khin. De ẹwaẹn ne iran ra miẹn ruẹ vbe ukhurhẹ?

Jerimaia 14:22

Ọkpa ne ọ sẹtin si amẹ i rre avbe amazẹ avbe uhunmwu ẹvbo, iso i sẹtin ye ẹtin obọ ẹre wẹ ne amẹ rhọ. Wẹ ọre ima mu ẹtin idaehọ mwa yan, e Nọyaẹnmwa Osanobua mwa rhunmwuda, wẹ ọrọre ọmwa ne ọ ru avbe emwi na hia.

Jerimaia 18:15

Sevba, emwa mwẹ mianmian mwẹ, iran gha giẹn eturari ne avbe amazẹ. Iran rrua owẹ vbe odẹ ne ọ te kei ne iran la iran i ghi lele odẹ nẹdẹ, odẹ ne a ma gbẹn ọre iran ghi la.

Jerimaia 43:12

I gha mu erhẹn ye avbe, owa ẹbọ ni rre Igipt, a deghẹ ọba e Babilọn ma ghi giẹn iran ẹbọ rua, ọ gha hẹ iran gha rrie. Zẹ vbene ọsuohuan rhọ imi hin ukpọn rẹn rre fẹẹrẹ, erriọ ọ re ọba e Babilọn ra rhọ otọ Igipt fo, ọ ghi kpao ke irẹn kevbe akhọnmiotọ.

Jerimaia 50:2

“Na iyẹn ni ma avbe uhunmwu ẹvbo hia! Ya ẹe go! Mu igiemwi ẹnrẹn ladian ne u vbe ya ẹe na iyẹn! Ghẹ rhie ẹre lẹre zẹ vbe emwi oro! E Babilọn dee guọghua nẹ! E Madok ne ẹbọ ne ọ gho, a duẹ ọre ua nẹ! A fa iran an ighẹ avbe amazẹ e Babilọn! Avbe emwi ne a mannọẹn ne ọ hu ọmwa ẹko, a dunmwu ehia a!

Jerimaia 51:18

Iran i vbe mwẹ esa, emwi ne a zan nọ. Ẹghẹ ne Nọyaẹnmwa gha na ru iran emwi, a gha fuẹn iran an.

Jerimaia 8:12

Wa ne emwa mwẹ, ekhue mu uwa yọ ra vbe uwa ru ẹkẹkhẹrhẹ na? Hiehiere! Ekhue ma zẹdẹ mu uwa. Wa ma kue rẹn vbene emwi gbe ọmwa egbe hẹ. Rhunmwuda ọnii, wa gha dele zẹ vbene emwa nekpa vbe dele. I gha rri uwa oya, ọnii ọ re ọ khian gha re ufomwẹ uwa. Mẹ ne Nọyaẹnmwa taa ẹe nẹ.

Jerimaia 8:19

Wa danmwehọ! I họẹn vbe emwa mwẹ wa go vbe otọe na hia. I họn vbe emwa mwẹ wa go ladian wẹẹ, “E Nọyaẹnmwa i ghi rre Zaiọn ra? Ọba e Zaiọn I ghi rre evba ra?” E Nọyaẹnmwa ne ọba keghi wanniẹn wẹẹ, “Vbọzẹ ne uwa na ye ohu mu mwẹ rhunmwuda ẹbọ uwa ne uwa ga? Kevbe ne uwa na ya uhunmwu rhanmwẹ otọ ne ẹbọ ẹrrẹe ne ẹ i mwẹ esa.”

Hozia 9:7

Ẹghẹ ne a ya rri emwa oya rre nẹ, ẹghẹ ne a gha na ru emwa emwi ne ọ ma iran. Ọnii gha ghi sunu, Izrẹl gha vbe rẹn. Wa khare wẹẹ, “Akhasẹ na, akpa nọ, ọmwa ne a rhie ẹmwẹ ya giee ẹre uhunmwu na, te ọ mwẹmwẹ.” Wa na wa mu ohu mwẹ vberriọ, rhunmwuda, orukhọ uwa kpọlọ.

Jona 2:8

Iran ni gho ẹbọ ohoghe, rhie ẹmwẹ ruẹn hin ekhọe iran rre nẹ.

Zẹkaraia 13:2

Vbe ẹghẹ ne a kha na, I gha viọ eni avbe ẹbọ hin otọe na rre, a i ghi miẹn ọmwa ne ọ gha ye iran rre ọvbehe. I gha rhie ẹre fua ighe ọmwaikọmwa ne ọ rhirhi kha ighe akhasẹ rẹn khin, I gha vbe gbe ukhu ẹre ua ighe ne a na ho ne a gha gho ẹbọ.

Iwinna 14:15

“Iho mwa, vbọzẹ ne uwa na ru emwi na yi? Emwa kẹkan vbe ne uwa ye ọre ima vbe khin. Iyẹn Ne ọ maa ọre ima rre do kpe orhu ẹre vbe edinran, ne a miẹn ehe na fi uwa ekhọe werriẹ hin emwi akuọkan na rre ghe Osanobua ne ọ rrọọ, ọmwa ne ọ yi ẹrinmwi kevbe agbọn kevbe okun kevbe emwi hia ni rre uwu iran.

Diuteronomi 32:21

Emwa na ye amazẹ iran ye ohu mu mwẹ ẹbọ ohoghe iran na ya mwẹ gha ruẹ. I gha ye ẹvbo akpa ye iran mu ohu, I ghi ye ẹvbo ne ẹ i mwẹ esa ya iran gha ruẹ.

I Samuẹl 12:21

Wa ghẹ ya gha gho ẹbọ ohoghe, iran i ra sẹtin yi uwa obọ, ama wẹ ne iran miẹn uwa fan, rhunmwuda emwi ababa iran khin.

I Samuẹl 5:4

Vbe owiẹ vbirrivbirri vbe ẹdẹ ne ọ vbe lele ẹe, iran ghi do ghe amazẹ nii vbe dọlegbe de vbe odaro Ẹkpẹti Ile ọghe e Nọyaẹnmwa. Uhunmwu ẹnrẹn kevbe obọ ẹre eva khuọnnọ kua, ehia kegha rre onurho, ikinnegbe ẹre ọkpa ọ re ọ ghi kẹe.