Jerimaia 10:14 - Edo Bible (E Baibol Ẹdo) Version 1996

¹⁴ Emwa nagbọn gha miẹn ọna, iran ghi khian ni ọ zurọ ni i mwẹ ẹwaẹn, iran ni mannọ amazẹ ma rẹn emwi ne iran ru, rhunmwuda, ẹbọ nii, iran i mwẹ arrọọ, ohoghe vbe nọ.

Jerimaia 10:14 ပူးပေါင်းရင်းမြစ်များ

Psalm 14:2

E Nọyaẹnmwa keghi ke odukhunmwu ghe emwa nagbọn ghe, a deghẹ ọkpa rrọọ ne ọ mwẹ ẹwaẹn, ọkpa ne ọ vbe ga ẹe.

Psalm 92:6

Emwi ne akpa i sẹtin rẹn ọ re ọna khin ọzuọ i sẹtin rẹn otọ ẹre,

Psalm 94:8

Wa ne emwa mwẹ vbe uwa na kọn de ọzuọ a hẹ vberriọ yi? De ẹghẹ ne uwa gha ya rẹn emwi yi?

Psalm 97:7

Ekhue mu dọmwadẹ ọghọe ne ọ gho ẹbọ, avbe ẹbọ hia ghughẹre vbe odaro Nọyaẹnmwa.

Itan 30:2

Aranmwẹ oha ọ re I ghi khọ sẹẹ ọmwa nagbọn. Ẹwaẹn ne ọ kere ne ọ gha gu emwa nagbọn i ghi gue mwẹ.

Aizaia 42:17

Iran hia ni mu ẹtin yan avbe amazẹ ni tie avbe amazẹ emwi ne iran gho ekhue gha mu iran, a gha fa iran an.”

Aizaia 44:11

Emwa hia ni gho ẹre a gha ru iran emwi oya, avbe emwa ni ru amazẹ, emwa nagbọn kẹkan ọ re iran khin, iran ma vbe gberra vberriọ. We ne iran gha dee ne iran do mudia ye erhan ẹzọ, iran gha runran, ekhue ghi vbe mu iran.

Aizaia 45:16

Te ekhue ra gha mu iran ni ma amazẹ hia a gha fa iran hia a.

Aizaia 57:12

Wa ro wẹ emwi ne uwa ru gbae, sokpan, I gha vẹ uwa uhe ua, avbe ẹbọ uwa i ra vbe sẹtin ru iyobọ ne uwa.

Jerimaia 10:5

Te avbe amazẹ vberriọ yevbe emuẹn muẹn ne a mu ye ugbo ogi, iran i sẹtin guan, te a dada iran khian, rhunmwuda, iran i sẹtin khian, wa ghẹ, gie ohan iran mu uwa, iran i mwẹ emwi okpa ne iran gha ru uwa ẹre iran i vbe sẹtin ru emwi okpa ne uwa.”

Jerimaia 10:8

Akpa vbe abobo ọ re iran hia khin. De ẹwaẹn ne iran ra miẹn ruẹ vbe ukhurhẹ?

Ebe ne Pọl gbẹẹn gie emwa Rom 1:25

Iran fi ẹmwata ne ọ rre ẹmwẹ Osanobua werriẹ ya khian ohoghe. Iran keghi ga, iran na vbe gha ya uhunmwu rhanmwẹ otọe ne emwi ne Osanobua yi, ne iran gha na te gha ga Ayi Ne ọ yi tobọ ẹre, ne a gha rhie uyi na ẹdẹdẹmwẹdẹ, Isẹ.

I Samuẹl 5:4

Vbe owiẹ vbirrivbirri vbe ẹdẹ ne ọ vbe lele ẹe, iran ghi do ghe amazẹ nii vbe dọlegbe de vbe odaro Ẹkpẹti Ile ọghe e Nọyaẹnmwa. Uhunmwu ẹnrẹn kevbe obọ ẹre eva khuọnnọ kua, ehia kegha rre onurho, ikinnegbe ẹre ọkpa ọ re ọ ghi kẹe.