Jerimaia 1:2 - Edo Bible (E Baibol Ẹdo) Version 1996

² E Nọyaẹnmwa keghi gu e Jerimaia guan vbe ọ rre ukpo iwera ne ọ rriọba ighe Josaia ne ovbi Amọn ne ọ rriọba vbe Juda.

Jerimaia 1:2 ပူးပေါင်းရင်းမြစ်များ

I Ọba 13:2

Zẹ vbene e Nọyaẹnmwa gie, akhasẹ nii keghi ya yan aka nii, ọ wẹẹ: “Aka o, aka, vbenian ọre Nọyaẹnmwa khare: A gha biẹ ọmọ okpia ọkpa nẹ Devid, a ghi gha tie eni ọmọ ni e Josaia. Ọ gha gbele avbe ohẹn ni do gha ga vbe aro ẹbọ enimayayi na, iran ni zọ ese vbe uhunmwu ruẹn, ọ ghi giẹn ugboloko emwa ne agbọn yan ruẹn.”

I Ọba 13:20

Ugbẹn vbe iran ghi rre e tebul nii, ẹmwẹ e Nọyaẹnmwa keghi bu akhasẹ ne ediọnmwa ni rre,

II Ọba 21:18

E Manasẹ keghi wu, a na re ẹre ye ogba ne ọ rre ẹguae ọghe Uza, ẹre Amọn ne ovbi ẹre na rriọba lele ẹe.

II Ọba 21:24

Ivbi e Juda na gbele emwa ni gbe Amọn uan, iran keghi ma e Josaia ne ovbi ẹre ọba.

II Ọba 22:3

Ọ ghi rre ukpo evairrọvbugie ne ọ rriọba, e Josaia keghi gie ne a tie ọgbenbe ẹguae ighẹ Siafan ne ovbi Azalaia kevbe eyẹ Mẹsiulam, gha die Ọgua Osa, ọ tama rẹn wẹẹ,

Jerimaia 1:11

E Nọyaẹnmwa keghi nọọn mwẹ wẹẹ, “E Jerimaia, de emwi ne u dẹghe?” I keghi wanniẹn wẹẹ, “Abọ erhan almọnd.”

Jerimaia 1:4

E Nọyaẹnmwa keghi tama mwẹ,

Jerimaia 25:3

“Ukpo eha yan ugie ọ re ọ ghi ye na, a tie ẹre ukpo iwera ne Josaia ne ovbi Amọn kegha re ọba e Juda gha dee do sẹ ẹdẹnẹrẹ na, ẹre Nọyaẹnmwa ya gha gunmwẹ guan, a ma he vbe miẹn wẹ I ma ta ẹmwẹ ne ọ tae ma uwa. Sokpan wa ma zẹ yọ.

Jerimaia 28:12

Ọ ghi kpee fua kherhe vbe iyeke ọnọna, e Nọyaẹnmwa keghi,

Jerimaia 3:6

Ẹghẹ ne Josaia na gha re ọba, e Nọyaẹnmwa keghi tama mwẹ wẹẹ, “Wẹ miẹn emwi ne Izrẹl ne okhuo ne ọ ma guobọ ọdọ ru nian. Ọ fi iyeke gbe mwẹ nẹ, ọ keghi ya gha do ẹki ebabotu vbe uhunmwu oke ni yo hia kevbe ototọ avbe erhan ni mwẹ ebe ni bii.

Jerimaia 36:2

“Rhie ebe ohian, ne u gbẹnnẹ emwi hia ne I he tama ruẹn vbekpa e Juda, Izrẹl, kevbe avbe uhunmwu ẹvbo hia nekpa yọ. Wa gbẹnnẹ emwi hia ne I he tama ruẹn yọ, ke ẹghẹ ne I na ka wa gha guẹ guan, ẹghẹ ne Josaia na gha re ọba do sẹ ẹdẹ ne ẹre na.

Hozia 1:1

Ọna ọrọre uhunmwu ne Nọyaẹnmwa gie ẹre re ighe Hozia ne ovbi e Biẹri vbe ẹghẹ ne avbe Uzaia, Jotan, Ehaz kevbe Hẹzekaia na gha re ọba e Juda, ne Jeroboam ne ovbi e Jehoas na gha re ọba Izrẹl.

Joẹl 1:1

Uhunmwu ne Nọyaẹnmwa giee gie Joẹl ne ovbi e Pẹtuẹl ọ re ọna khin.

Jona 1:1

Ẹdẹ ọkpa, e Nọyaẹnmwa keghi tama e Jona ne ovbi Amitai.

Maika 1:1

Ẹghẹ ne Jotam, Ehaz kevbe Hẹzekaia na gha re avbe ọba e Juda, ọ re Nọyaẹnmwa na gie Maika ne ovbi ẹvbo ne a tie ẹre Morẹsiẹt. E Nọyaẹnmwa keghi rhie avbe emwi na ma e Maika vbe ekpa Sameria kevbe Jerusalẹm.

Zẹfanaia 1:1

Uhunmwu ne Nọyaẹnmwa giee Zẹfanaia re ọna khin, vbe ẹghẹ ne Josaia ne ovbi Amọn na gha re ọba e Juda (e Zẹfanaia na, ovbi uniẹn e Hẹzekaia ne ọba ọ re ọ gha khin, vbe obọ ne ọ laghe ọghe Amaraia, Gedalaia kevbe Kusi.)