Jems 5:15 - Edo Bible (E Baibol Ẹdo) Version 1996

¹⁵ Erhunmwu ne a ye iyayi na, gha miẹn ọmwa ne ọ khuọnmwi nii fan, Nọyaẹnmwa gha rhie egberranmwẹ nẹẹn, a ghi vbe ya orukhọ ne ọ te ru bọ ẹe.

Jems 5:15 ပူးပေါင်းရင်းမြစ်များ

Aizaia 33:24

A i ghi vbe miẹn orhiọnkpa vbe ẹvbo ima ne ọ gha kha wẹ rẹn khuọnmwi, a gha vbe ya orukhọ hia bọ ọmwa.

Matiu 17:20

Jesu wanniẹn iran ẹmwẹ wẹẹ, “Rhunmwuda ighe iyayi uwa ma sẹ. Deghẹ wa gele mwẹ iyayi ne ọ kpọlọ sẹ vbe ikpẹ itaba, wa gha sẹtin tama oke na wẹẹ, ‘Kpao vbe emwa gha rrie odọ.’ Ọ ghi gele kpao. A i miẹn emwi ne ẹ i gie uwa ru.

Iyẹn ne ọ Maan Ọghe Jọn 5:14

Ọ ghi kpẹe kherhe, Jesu miẹn ọẹn vbe uwu Ọgua Osa, ọ keghi tama rẹn wẹẹ, “Vbe ne egbe na rran ruẹ nẹ nian, u ghi zobọ vbe emwi dan ne u ru, ne emwi ne ọ khọrhiọn sẹ ọna ghẹ dekun ruẹn.”

Iyẹn ne ọ Maan Ọghe Jọn 6:39

Emwi ne ọmwa ne ọ gie mwẹ ho ne I ru ọrọre wẹ ne I ghẹ mu ọkpa fua vbe uwu iran ne ọ viọ mẹ, sokpan ne I huẹn iran hia kpaegbe vbe ẹdẹ okiekie.

I Kọrinti 1:21

Rhunmwuda Osanobua, vbe ekpa ẹwaẹn ne ọ wanrẹn, ọ keghi ru ẹe wẹ ne emwa ne agbọn i ghẹ sẹtin ya ẹwaẹn iran gualọ irẹn miẹn, sokpan, Osanobua keghi wẹẹ, ikpẹ orhu “akpa” ne ima kpe, ọre irẹn gha la ekpa ẹre miẹn iran ni yayi fan.

II Kọrinti 4:14

Rhunmwuda ma rẹnrẹn wẹ, Osanobua ne ọ huẹn Nọyaẹnmwa Jesu ye agbọn, gha vbe huẹn ima kpaegbe ba Jesu. Ọ ghi viọ ima kevbe uwa gha die odaro irẹn.

Jems 1:6

Sokpan, u gha na erhunmwu, u ghi yayi vbe ne a i na ba iro eva hiehiere, rhunmwuda, ọmwa ne ọ ba iro eva, te ọ yevbe ihu okun ne ẹhoho mu yo mu rre.

Jems 5:13

Orhiọnkpa rre uwu ọlọghọmwa vbe uwu uwa ra? Wẹ ne ọ na erhunmwu.

Jems 5:16

Rhunmwuda ọnii, wa gha miẹn orukhọ uwa kue ma egbe, wa ghi vbe gha na erhunmwu ne egbe. Ne egbe miẹn ehe na rran uwa. Erhunmwu ọmwa ẹmwata wa mwẹ ẹtin ne a ya winna iwinna ẹtin ẹsẹse.

Jems 5:20

wa ye ọ na rre. Ọmwaikọmwa ne ọ dia ọmwa orukhọ uhunmwu hin odẹ dan ne ọ te ye ladian, rẹn gha miẹn orhiọn ọmwa orukhọ nii fan hin obọ uwu, ọ ghi vbe gie a ya orukhọ ọkhọngborrie bọ ọmwa.