Jems 4:11 - Edo Bible (E Baibol Ẹdo) Version 1996

¹¹ Wa ghẹ gha zan egbe etẹn mwẹ, ọmwaikọmwa ne ọ zan ọtiọnrẹn ra ne ọ bu ohiẹn ọnrẹn, ọ zan nene Uhi, ọ keghi vbe gha hu ohiẹn ọnrẹn. A deghẹ wẹ bu ohiẹn nene Uhi, ẹghẹ nii, wẹ i ghi re ne ọ bu vbene nene Uhi kha re, sokpan ne ọ bu ohiẹn ọnrẹn.

Jems 4:11 ပူးပေါင်းရင်းမြစ်များ

Psalm 140:11

Ẹ i ghẹ dunna ne iran ni mu ẹmwẹ kuan ẹrrẹe, emwi dan ọ re ọ gha dekun emwa ọkhọ, ne ọ fuẹn iran an.

Iyẹn ne ọ Maan Ọghe Luk 6:37

“Wa ghẹ bu ohiẹn ẹrrẹe, Osanobua i ra vbe bu ọghe uwa, ghẹ bu abe gbe ẹrrẹe, Osanobua i ra vbe bu gbe uwa, yabọ emwa ọvbehe, Osanobua gha vbe yabọ uwa.

Ebe ne Pọl gbẹẹn gie emwa Rom 2:1

Ọse mwẹ, te uwẹ bu ohiẹn ọmwa ọvbehe ra? U i miẹn ẹmwẹ ọkpa ta ya fan egbe ruẹ ye otọ, ọmwa ne ọ rhirhi khọn ruẹn ne u gha khin. Rhunmwuda wẹ gha bu ohiẹn emwa ọvbehe, wẹ na vbe gha ru egbe emwi ne iran ru, ẹghẹ ni, u bu ohiẹn gbe egbe uẹ nẹ.

Ebe ne Pọl gbẹẹn gie emwa Rom 2:13

Rhunmwuda ẹ i re rhunmwuda ighẹ a họn ẹmwẹ nene Uhi ọre a ya rri asẹ vbe odaro Osanobua, sokpan ne a gha ru vbene Uhi ni kha re.

Ebe ne Pọl gbẹẹn gie emwa Rom 7:7

Vbe a ghẹ ghi ta ẹ hẹ yi khekherriọ? We nene Uhi tobọ ẹre ighẹ emwi orukhọ nọ ra? Hiehie re. sokpan nene Uhi ọre ọ ma mwẹ emwi ne ọ re orukhọ, rhunmwuda mẹ i ghẹ te rẹn emwi ne ọ re a ya aro ye emwi ẹrrẹ, akpawẹ nene Uhi ma kha wẹẹ, “Ghẹ ye aro ye emwi ẹrrẹe.”

I Kọrinti 4:5

Rhunmwuda ọnii, wa ghẹ gha bu ohiẹn ọmwarhọkpa ọ te do sẹ ẹghẹ ne ọ kei yi. Wa sẹ ibuohiẹn ne okiekie rae khẹ ẹghẹ ne Nọyaẹnmwa gha na rre, rẹn ọre ọra we dọmwadẹ ọghọe uhe ua, ọ ghi ta iro ne ọmwa do zẹ vbe ekhọe ẹre ladian. Ẹghẹ ni ọre Osanobua gha na tian dọmwadẹ ọghọe vbene ọ ke gie ẹe.

II Kọrinti 12:20

Afianma fian mwẹ wẹ, I gha sẹ evba, ẹ i re vbene I ho ne uwa gha ye I ra na do vba uwa, wa tobọ uwa ghi vbe miẹn wẹ, ẹ i re emwi ne uwa te ho ne imẹ gha khin ọre I khin. Afianma fian mwẹ wẹ, I gha do vba ẹzọ, oya ọmwa da ọmwa, ọkpankpan, arẹn ne egbe mwa ọkpa, ọtakhọ, kevbe ewẹwẹwẹ, uhiomwẹ kevbe otighi.

Ẹfisọs 4:31

Wa gbe ukhu ẹre ua ighẹ ẹkorriaramwẹ, owowo, kevbe ohu, wa ghẹ ghi vannọ okan, ra ne a gha tie ihẹn, wa gie ẹkokhọmwẹ fo, ke ẹe kevbe emwi ni ye rriọ hia.

I Timoti 3:11

Amwẹ iran ghi vbe gha re emwa ni mwẹ uyinmwẹ esi, i ghẹ ẹ i re ne ọ na iyẹn ẹrrẹ, iran ghi gha re ne aro hianrẹn, kevbe ne ọ mudia ye odẹ ẹmwata vbe emwi hia.

II Timoti 3:3

Iran i ghi mwẹ itohan, iran ghi rri vbe ekhọe, iran ghi ye unu rhia ọmwa ran, iran ghi gha yin uyinmwẹ ikẹtin, aro iran ghi gha kpannọ ugiọnmwẹ erhẹn, ohu emwi ne ọ maa ghi gha mu iran.

Taitọs 2:3

Erriọ vbe nọ, vbe tama avbe edede wẹ, ne iran gha ru emwi ọmwa ne ọ yin uyinmwẹ ne ọ huanrẹn. Ọ ma kei ne iran gha ta ọtakhọ ra ne ẹmwẹ ayọn i gi ẹe ya rẹn enegbe. Iran ghi gha ma emwa emwi esi.

Jems 1:16

Wa ghẹ gia rẹrẹ uwa re etẹn mwẹ ni ghan.

Jems 1:19

Wa ghi ye ọna rre o, wa ne etẹn mwẹ ni ghan, Dọmwadẹ ọghọe, vbe uwu uwa, wa ghi gha re ne ọ rherhe danmwehọ ẹmwẹ, sokpan ne ẹ i rherhe guan, kevbe ne ẹ i rherhe mu ohu.

Jems 1:25

Sokpan, ọmwa ne ọ gbe aro ke otọ ghe uhi ne ọ gbae ne ọ ya ọmwa khian nọyan egbe ẹre, ne ọ rhie ẹre ye ekhọe vbe ẹghẹ hia, ighẹ ẹ i re ne ọ gha danmwehọ nẹ, ọ mianmianẹn, sokpan ne ọ ya ẹe ru emwi, Osanobua gha fiangbe ọmwa vberriọ vbe emwikemwi ne ọ rhirhi gha ru.

Jems 2:8

Deghẹ wa mu uhi Arriọba nii sẹ, zẹ vbene ọ rre uwu ebe wẹ, “Hoẹmwẹ ogieva ruẹ zẹ vbe egbe ruẹ,” emwi esi wa ru.

Jems 5:10

Etẹn mwẹ, wa ye avbe akhasẹ, ni ya eni Nọyaẹnmwa guan rre. Wa ye iran ru ne a ghe ru vbene a ziengbe oya hẹẹ.

Jems 5:7

Rhunmwuda ọnii, wa ne etẹn mwẹ, wa ziengbe khẹ ẹghẹ ne Nọyaẹnmwa gha ya rre. Wa ma miẹn vbe ne ọwẹe ziengbe hẹ vbe ọ gha khẹ ne otọ ẹre mọ ọmọ esi ladian. Ọ ghi hẹko, ziengbe khẹ amẹ ne okaro kevbe ne okiekie ne ọ rhọ.

Jems 5:9

Wa ghẹ gha gui ẹzọ egbe khian, etẹn mwẹ. Ne Osanobua ghẹ vbe bu ohiẹn uwa. Ne ọ bu ohiẹn sẹ emwa fo nẹ, ọ mu egbe nẹ ne ọ la owa.

I Pita 2:1

Rhunmwuda ọnii nian, wa gie a wabọ emwi dan hin ehe ne uwa ye rre, ohoghe ne a ta fo, kevbe ẹkẹ vbe iwẹnwẹn kevbe oya ọmwa da ọmwa, kevbe ẹmwẹ obi unu.