Jems 3:6 - Edo Bible (E Baibol Ẹdo) Version 1996

⁶ Te aranmwẹ ye vbe erhẹn, agbọn ne ọ kulo nọ, ọ keghi rre ehe ne ọ khẹ kẹe vbe uwu egbe mwa, ọ keghi vbe gha wawa emwi dan gba egbe mwa hia, ọ ghi rhie erhẹn ne ọ ke ẹrinmwi erhẹn tobọ ẹre sẹ irẹn obọ, ya rhu erhẹn ye ehe ne ima ra ya egbe la hia, vbe ẹdẹ agbọn mwa.

Jems 3:6 ပူးပေါင်းရင်းမြစ်များ

II Samuẹl 16:20

Ẹre Absalọm na mu aro da Ahitofẹl, ọ wẹẹ, “Wan rre. De emwi ne ima ghẹ ghi ru yi vbene ima ghi na sẹ emwana nẹ?”

II Samuẹl 19:43

Ivbi Izrẹl keghi wanniẹn wẹẹ, “Ukhukhu igbe ọ re ọ ya kan ima ighẹ vbene ẹmwẹ e Devid ne ọba ya kan uwa, ọ gha rhe gha re ovbi uwa. Vbe uwa a ghi na kpe amẹ isikan ku ima hẹ? A deghẹ erriọ nọ khekherriọ, ma ọ re ọ ka ziro wẹ ne a ya rhie ọba werriegbe rre!” Sokpan ivbi e Juda ọ re ukpẹ ọre tua sẹ ọghe ivbi Izrẹl vbe ẹzọ ima ọ yan rẹn ne iran gha gui.

II Krọnikol 13:17

Abija kevbe ivbiyokuo ẹre keghi gbe ivbi Izrẹl ugbemwẹ oya. Omwa arriaisẹn ekigbesiyeha (500,000) vbe ivbiyokuo ni maa sẹẹ vbe Izrẹl kegha re ne a gbele ua.

Psalm 140:3

Aranmwẹ iran yevbe obi ẹyẹn dan, ẹmwẹ unu iran yevbe obi ivbiẹkpo.

Psalm 64:3

Iran lọ aranmwẹ iran zẹvbe umozo iran kegha ya ẹmwẹ ọkhọ kọn ọmwa zẹvbe ifẹnmwẹ.

Itan 15:1

Ewanniẹn nekhuẹrhẹ ọ re ọ dọ ohu yọ, sokpan, te ẹmwẹ ne ọ wegbe gua ẹe kpao.

Itan 16:27

Emwa dan ghi gha ho odẹ ne ọ gha na kuan ẹrrẹe, uhin ighe te erhẹn tọn vbe ẹmwẹ ne unu iran rhunmwuda emwi dan ne ọ khin.

Itan 7:5

Iran gha mu ẹẹn hin ehe ne amwẹ ẹrrẹe ye rre, hin ehe ne avbe ikhuo ni rhẹrhẹ ọmwa la ẹmwẹ ye.

Aizaia 30:27

Urria ọ re a ke bẹghe ẹtin kevbe uyi ọghe Nọyaẹnmwa. Erhẹn kevbe ighogho ọ re ọ rhie ma vbe ohu a mu ẹẹn. Ọ gha guan, ẹmwẹ ọnrẹn ghi giẹn emwi uan vbe erhẹn.

Aizaia 50:11

Wa hia ni si uma ne uwa fuẹn ẹrrẹe rua uma ne uwa si nii ọ re ọ ra fuẹn uwa a. E Nọyaẹnmwa tobọ ẹre ọ re ọ ra gie ẹe gha ye vberriọ ọkhọ ne ọ wegbe ọ re ọ ra rruan uwa.

Jerimaia 20:10

I ghi họn vbe agbọn hia tae wẹẹ, “Ohan gba ehe hia, wa gia ya gu ẹe gui ma iran ni khaemwisẹ.” Uhin ghe te avbe ọse mwẹ ni sikẹ mwẹ sẹẹ, khẹ ẹghẹ ne I gha ya de, iran wẹẹ, “Wẹ wẹ ẹ ghi gia rẹrẹ, ẹghẹ nii, obọ ima ghi vba ẹre ne a rria ẹre ikhi.”

Jerimaia 28:16

Rhunmwuda ọnii, e Nọyaẹnmwa tobọ ẹre khare we rẹn ra mu ẹẹn fua vbe ukpo na te fo, u gha wu rhunmwuda, we tama avbe emwa na wẹ ne iran sọtẹ ghe Nọyaẹnmwa.”

Levitikọs 24:11

(Iye ọmwa nii keghi re Sielomit ne ovbi Dibri ne ọ ke ẹwae Dan rre) vbe uwu ẹzọ nii okpia nii ke ghi tie ihẹn ne Nọyaẹnmwa, iran keghi mu ẹẹn bu e Mosis gha khian.

Nọmbas 25:2

Avbe ikhuo na keghi wẹ ne avbe ikpia na do tuẹ iran vbe emwiukpo izọese, ehe ne iran na gho ẹbọ Moab. Avbe ivbi Izrẹl keghi rri evbare nii, iran na vbe ga nene ẹbọ,

Nọmbas 31:16

Wa yerre wẹ, avbe ikhuo ọre ọ ru vbene Balam khare, iran na kpikpi emwa ni ru emwi ni ma kei ghe Nọyaẹnmwa vbe Peọ. Ọnii ọ re ọ mu egboghogbogho la uwu ẹbu emwa e Nọyaẹnmwa.

Matiu 12:24

Avbe Farisi ghi họn, iran wẹẹ, “E Bẹlzibọb ne ọkaolotu avbe orhiọn esu, ọre ọ rhie ẹtin ne ọ ya khulo orhiọn esu ladian nẹẹn.”

Matiu 5:22

Mẹ tama uwa nian, ọmwa ne ọ rhirhi mu ohu ọtiọnrẹn, a gha siẹe gha rrie ọghe nọbuohiẹn. Ọmwaikọmwa ne ọ tama ọtiọnrẹn wẹẹ, ‘Wẹ ne agbọn fi’ a gha siẹe gha rrie ọghe eghaẹvbo. Ọmwa ne ọ vbe tie ọtiọnrẹn ‘Emazurọkọ’, te ọ gbẹn odẹ ẹrinmwi ne ehianmwẹ ivin.

Iyẹn ne ọ Maan Ọghe Mak 7:15

Emwikemwi ne ọ ghi ke ore egbe la uwu egbe nẹ, ne ọ sẹtin ya ọmwa khian ne ọ ma huan ẹ i rrọọ, sokpan emwi ni ke uwu ọmwa ladian ọre ọ ya ẹe khian ne ọ ma huan. [

Iyẹn ne ọ Maan Ọghe Luk 16:24

Rẹn keghi datu wẹẹ, ‘Ebraham ne Evbavba! Tohan mwẹ ne u gie Lazarọs ne ọ ya fi ukpẹ ihiẹn obọ ye amẹ do nọnọ ya fu mwẹ aranmwẹ rre, rhunmwuda erhẹn na ya mwẹ rrie!’

Iwinna 20:30

Ẹghẹ dee ne emwa eso vbe uwu uwa gha na ta ohoghe ne iran ya bibi emwa ni yayi eso odẹ hẹ ba egbe.

Iwinna 5:3

Pita keghi tama rẹn wẹẹ, “Ananaias, vbe u a rhie otọ ne Setan ya hin yan orhiọn ruẹn hẹ yi, ne ọ na wẹ ne u do ta ohoghe ma Orhiọn Ne Ọ Huanrẹn, ne u na fian obọkpa rhie hin rre Vbe igho ne u khiẹn emwi ne u mwẹ re?

Iwinna 6:13

Iran keghi viọ emwa eso rre wẹ ne iran do sẹ osẹe ohoghe gbe ẹe. Iran wẹẹ, “Te okona wa fi unu gie Ọgua Osa mwa ne ọ huanrẹn kevbe uhi Mosis.

Diuteronomi 13:6

“Uhin a sẹtin miẹn ọtuẹn ne okpia ra ovbi uẹ ne okpia ra ne okhuo ra amwẹ ọn ne u ho ẹmwẹ ọnrẹn ra ọtuẹn ne ọ sikẹ ruẹ sẹ sẹtin do gha kọe ye uwẹ ekhọe ne u ya gha gho ẹbọ ọvbehe, avbe ẹbọ ne uwẹ vbe avbe erha ẹe odede ma gho ẹdẹ.

Taitọs 1:11

Ọ kere ne a da iran obọ ẹmwẹ ne iran guan yi, rhunmwuda, igiowa ni bun ọre iran ye emwi ne ọ ma te kei ne iran ma emwa ẹre, gbe sẹ otọ, ba ẹmwẹ emwiekhue wẹ, te iran gualọ igho.

Jems 2:7

Iran ọrọre emwa ni ya ukpẹ sakan eni esiesi nii, ne a rhie ne uwa.

Jems 3:7

Ọmwa sẹtin rrii avbe emwi nekpa ne Osanobua yi hia fẹẹrẹ, ọ ka vbe rrii ehia nẹ avbe aramwẹ, ahianmwẹ, aranmwẹ ni họ ekẹn, kevbe avbe ehẹn.

II Pita 3:3

Okaro, wa rẹnrẹn wẹ, ọ gha sẹ ẹdẹ okiekie, emwa eso gha rrọọ ne a gha miẹn wẹ, orriarria iran ọre ọ tama iran emwi ne iran gha ru vbe agbọn. Iran ghi gha ya uwa gbe ogiẹ.

III Jọn 1:10

Rhunmwuda ọnii, ẹghẹ ne I gha ya rre, I gha mu ẹmwẹ emwi ne ọ ru hia tuorre, ẹmwẹ ihin ne ọ talọe vbe ekpa mwa, kevbe avbe ohoghe ne ọ ta, sokpan, ọ ni ma yevbe sẹ ọe, avbe etẹn gha rre, ẹ i vbe miẹn iran yi, ọ ghi gha de avbe emwa ni te ho ne iran rhan obọ miẹn iran obọ yi, ọ ghi gha hia ne ọ khulo iran hin esọsi rre.

Arhie Maan 12:9

A keghi mu Ugbogiorinmwi ne gẹdẹgbẹ nii fua. Rẹn ọrọre ẹyẹn nẹdẹ nii, ne a tie ẹre Setan, ne ọ mu otọ agbọn hia rẹrẹ. A keghi fi ẹe fi agbọn ke ẹe kevbe avbe odibo ẹre hia.

Arhie Maan 13:14

Ọ keghi ye iwinna ọyunnuan ne a rhie ẹghẹ nẹẹn ya winna mu emwa hia ni rre agbọn rẹrẹ vbe sirra aranmwẹ oha ne okaro nii. Aranmwẹ oha na keghi wẹ ne emwa ne agbọn hia ma amazẹ ọkpa ne a ya ya ọghọ nẹẹn ighẹ aranmwẹ oha nii ne a ya umozo kuan rẹn egbe ne ọ ma wu.

Arhie Maan 18:23

A i ghi ra dọlegbe bẹghe uwanmwẹ ukpa ne a rhu vbe uwu uwẹ ọvbehe. A i ra dọlegbe họn urhu ọha kevbe ọdafẹn ọha vbe uwu uwẹ ọvbehe. Emwa iwinna ruẹn ọre ọ te re ne ọ mwẹ ẹtin sẹ vbe uhunmwu otọ agbọn hia, u kegha ya ẹbo awan ohoghe ruẹ mu emwa ne agbọn hia rẹrẹ!”

Arhie Maan 19:20

A keghi mu aranmwẹ oha nii oghunmwu ke ẹe kevbe akhasẹ ohoghe nii ne ọ winna iwinna ọyunnuan vbe odaro ẹre. (Ama ọyunnuan nii ọre ọ ya rẹrẹ iran re ighẹ iran ni vin ama aranmwẹ oha ni ye egbe, ne iran na vbe gha ye uhunmwu rhanmwẹ otọ ne amazẹ ọre.) Aranmwẹ oha nii ke ẹe kevbe akhasẹ ohoghe nii, a keghi munọ iran ke ẹmwẹ ne unu fi lo ku uwu odighi erhẹn ne ọ giẹn emwi ne ọ ye vbe ugbofi ladian.