Jems 3:5 - Edo Bible (E Baibol Ẹdo) Version 1996

⁵ Erriọ ọre ẹmwẹ aranmwẹ ye, vbene ọ kanmwa sẹ nii, ọ ghi gha rhuọ orhuọ ni kọnkọn. U ghi ghe vbene ẹgbo kpọlọ hẹ ne ovbi ogiọnmwẹ erhẹn sẹtin mu erhẹn yi.

Jems 3:5 ပူးပေါင်းရင်းမြစ်များ

Job 22:17

Avbe emwa ni he Osanobua ye otọ ọ re ena khin, iran na yayi wẹ ẹ i miẹn emwi ru iran re.

Psalm 10:3

Ọmwa dan ya emwi dan ne ọ khọnrẹn ghagha. Ọmwa uzuanmwẹ kpa unu ghe Osanobua, ọ keghi vbe he ẹe ye otọ.

Psalm 17:10

iran i mwẹ itohan, iran wa vbe rhuọ.

Psalm 39:1

Mẹ khare wẹẹ, “I gha ya ẹwaẹn gha ru emwi, mẹ i ra vbe gie aranmwẹ mwẹ ya mwẹ ru orukhọ mẹ i ra vbe guan ẹmwẹ rhọkpa vbe avbe emwa dan ra sikẹ mwẹ.”

Ẹksọdọs 15:9

Eghian keghi kha wẹẹ, ‘I gha khu iran, I gha vbe mu iran; I gha ghae ẹfe iran, I gha miẹn iran emwi ne I ho hia; I gha yuo umozo mwẹ ladian, I gha ya ẹtin mwẹ viọ emwi hia ne iran mwẹ.’

Ẹksọdọs 5:2

E Fero keghi wanniẹn wẹẹ, “Gha ọre Nọyaẹnmwa yi? Vbọzẹ ne I gha na danmwehọ ẹre yi ne 1 gele gie ivbi Izrẹl kpao. Mẹ ma rẹn Nọyaẹnmwa, mẹ i ra vbe gie Izrẹl gha khian.”

Itan 12:18

Ẹmwẹ akpa, te ọ fian ẹwẹn ne ọ da zẹ vbe umozo, sokpan ẹmwẹ ne a ya ẹwaẹn ta, te ọ kpe ẹwẹn rrie.

Itan 15:2

Avbe umẹwaẹn gha guan, iran ghi gha ya irẹnmwi yẹ ọmwa; sokpan, avbe akpa, te iran kpa ẹmwẹ oya ladian.

Itan 18:21

Ẹmwẹ ne u tae sẹtin sinmwi ọmwa, ọ vbe sẹtin gbe ọmwa, rhunmwuda ọnii, u ghi mu egbe ne u ye egbe miẹn emwi ne ẹmwẹ ne unu ruẹn si rre.

Itan 26:20

Erhan gha fo vbe erhẹn, erhẹn ghi dọyọ, ewẹwẹwẹ gha fo vbe ẹzọ, ẹzọ ghi fo.

Jerimaia 18:18

Emwa nii keghi kha wẹẹ, “Wa gia gualọ vbene a gha ru ẹmwẹ e Jerimaia hẹ. A gha miẹn avbe ohẹn ne ọ gha ma ima emwi rhinrin, avbe umẹwaẹn ni gha bu ima ude, kevbe avbe akhasẹ ni gha ta ẹmwẹ Osanobua ma ima. Wa gie a mu ẹmwẹ kuan rẹn, ne a ghẹ ghi danmwehọ ẹmwẹ ne ọ ta.”

Ezikiẹl 28:2

“Ovbi ọmwa, tama ọba e Taia ẹmwẹ ne imẹ ne Nọyaẹnmwa ne Udazi tama rẹn wẹ; u gha ye uhiomwẹ tọn ifuẹn mu, u na gha kha wẹ ẹbọ ọ re uwẹ tobọ ruẹ khin. U khare wẹ te uwẹ tota ye ẹkete zẹ vbe ẹbọ vbene avbe okun na lẹga ruẹ. U sẹtin gha ye egbe ta avbe ẹbọ, sokpan ọmwa ne ọ sẹtin wu kẹkan ọ re u khin, u i vbe mwẹ akpa ẹbọ rhọkpa.

Ezikiẹl 29:3

Tama rẹn wẹ ẹmwẹ ne Nọyaẹnmwa ne Udazi tama ọba Igipt ọ re ọna khin wẹẹ: Oghian rẹn ọ re I khin, wẹ ne Ugbogiorinmwi agbaka ne ọ rre uwu ẹzẹ. U khare wẹ ọwuẹ ọ re Naẹl khin ighe wẹ ọ re ọ yii ẹe.

Daniẹl 3:15

Banbanna nian, wa gha ghi wa họn urhu avbe okpe, ẹgogo, ighẹnghan, akpata, kevbe avbe emwi ne a kpee ọvbehe, wa ghughẹrre ne u wa ya uhunmwu rhanmwẹ otọ ne amazẹ nii. Adeghẹ wa ma ru vberriọ, a gha wa viọ uwa ku uwu erhẹn ọwarọkpa nii, wa yayi we ẹbọ ọkpa rrọ ne ọ gha sẹtin miẹn uwa fan ra?”

Daniẹl 4:30

o keghi kha wẹẹ, “Ghe vbene Babilọn kpọlọ hẹ. Mẹ ọ re ọ bọọ ẹe ya ru igiogbe otọe mwẹ ne I ya rhie ma vbene ẹtin mwẹ kpọlọ sẹ hẹ kevbe iwegbe mwẹ, kevbe ẹtin ọba mwẹ.”

Jems 3:4

Wa vbe ghe okọ ne khua, ghe vbene ọ digba sẹ nii, kevbe ne ẹhoho ne ọ bi ẹe khian a yan wo vbe egbe sẹ, emwi ne a ya dia okọ ye odẹ ne kherhe nii, ọre a ya dia ẹre, ọ ghi vbe gha rrie ehe ne oziguẹ ho ne ọ gha rrie.

II Pita 2:18

Iran ghi gha ya unu ta ẹmwẹ itengbemu akpa, iran ghi gha ya emwi orriarria egbe alama, khuẹn ifi munọ avbe emwa ni he da lẹfe hin uwu ẹbu emwa ni rre uwu abakuru rre.

Ebe ne Jud gbẹẹn 1:16

Ẹzọ uwu unu ọre iran na gui vbe ẹhi, iran ghi gha ba emwa ọvbehe ifi ẹzọ, emwi dan ni rre iran ekhọe ọre iran ru, iran ghi gha ya unu kpa egbe iran, iran ghi gha ya unu lalọ emwa ọvbehe egbe, ne obọ iran miẹn ehe na vba emwi ne iran ho.